Aneka-Warna Tjakepan Kaping Kalih, Pepaosan Bali Kesoerat Antoek Aksara Belanda/Inderia
[ 30 ]nganti ibǎ singdă medalem boeah basang ibanē, setoeroen-toeroen ibanē apang dadi lioe, boekă bintangē dilangitē. Boeină singdă ibă dogēn, nanging seloering anakē didjagatē apang endah goemandah dadi lioe". Soeoed kēto parekan Widinē lantas ilang. Soebă kēto Nabi Iberahim lantas boedal ke Bērsēbă keiring baan okannē sahă parekanē makdadoeă.
Lamoen anakē ngerasaang apan-apan anē toeară demenină, ngeng pesan kenehnē, mirib amoenan lakar dadi sesakit rasannē. Jēning anakē djagoeră, awaknē merasă sakit, nanging jēn keoeman-oeman, sebet kenehnē wiadin kēweh. Tjangkemē anggonă ngerasaang djlē melah dedarannē. Menoesanē bisă njangsihang rasan dedaran anē pait, manis, pakeh, lalah, njeb, masem, njanggloeh, piing moeah djaen. Ngomong masih adji tjangkem. Tjoengoehanē anggonă ngerasaang sekantjan gegandanē anē miik-miik moeah anē bengoe. Menoesanē ngadek bon boengă; bonē anē manis, apek, pait, angit, piing, moeah mangkoeg masih adekă. Anakē masih bisă ngerasaang apan-apan adji peningalannē, ento adanină ningalin. Anē dadi tingalin, loeirē: soroh poenjan kayoe, sato moeah batoe. Boenă menoesanē bisă meminajang djelē melah barang-barangē anē tingalină. Goban barangē anē selem, poetih, gadang, koening, kelaoe, nasak-gedang, moeah poloeng masih dadi tingalin.
Lamoen anakē makeneh nawang moenjin apan-apan, patoet pedingehang baan koeping. Tegarang njambat adan makoedang-koedang boeron anē bisă memoenji! Kēnkēn moejinnē? Masih kēto, njambat makoedang-koedang barang anē melah, anē selem, koening, barak, tekēn poloeng!Tegarang njambat adan baranga anē miik bonnē! Dedaran apă anē paling manisă? Kēnkēn rasan tjoekanē, tabiă, mitjă, jēh pasih, djeboeg aroem tekēn oejahē? Satonē bisakē ngerasa sakit?