Aneka-Warna Tjakepan Kaping Kalih, Pepaosan Bali Kesoerat Antoek Aksara Belanda/Oendagi
38
asat toer aloes, patoet toktokin, bédéng-bedéng apangă padă
aloesné toer tebelné masih padă. Jan soeba asat, aloes toer
padă tebelné, lantas adep sig toekang sepatoené, toekang la-
pak, toekang ngaé perabot keréta tekén toekangé lén-lénan
ané ngaé barang-barang adji beloelang. Beloelang sesamakané
enlo anggonă sepatoe, dedoepelak, tjenelă, lapak, kekapa, talin
koendali, saoeng pedang moeah saoeng tioek, perabot keréta
moeah dokar, saboek, koelit hoekoe tekén ana lén-lénan,
Dedagangan beloelang sampine tekén bheloelang keboné ento soroh dedagangan gedé.
Di-Boeléléng, Badoeng tekén di-Karangasem ada soedagar, ané masih mededagangan beloelang sampi. Di-Soerabaja toko Plesserton, di-Semarang toko Tasseripin ento soedagar beloe- lang. Dipenegarané ané lén lénan lioe soedagar-soedagaré ane padă mededagangan beloelang sampi moeah kebo. Njéndja meboedi dadi toekang samak wiadin toekang-toekang barang ané melakar ban beloelang, patoet meladjah maloe tekén toekang-toekangé ento. Toekang Sepatoe tekén toekang keke- poehé moeah toekang lapaké and soebă doeeg, pegaénné melah- melah toer kereng. Sepatoené apasang ané melah adji nem ringgit kanti adji koetoes ringgit. Lapaké ane oeli tanah Inggeris ané melah, abesik sewetara adji nem dasă ringgit. Anaké Djawa tondén bisă noelad lapak pegae Inggerise; nanging jan soeba njak toer njak toer santep meladjahin, sinah enggal bisă. Anaké Bali sing pesan adă njak meladjahin ngaé kekapă moeah lapak. Entok erananné itjang mepengidihan tekén tjerik-tjeriké, mangdénne terik-tjeriké pada anteng meladjahin seloeiring gaé, and bisă nekaang sekajă dadi anggon peboektian.
25. OENDAGI.
Ketjerité doek Idă Sangiang Berahma kalih Ida Sangiang Wisnoe ngadakang menoesă, kéhnjané tetigé: kedi, djaloe,
moeah wadon, samian tan petjédă, rinentjană déning Sangiang. [ 37 ]59
Menoesanē samian tan oening ngerereh tedă, moeah tan pe- kampoeh, ambekē kadi sato; tingkahnjanē akeramă lan njan- dang raosang, toesing ngitoeng lemah peteng, kalih tan angi- toeng genah, kepanesan antoek soerjă, toer kedjawoehan; rikală sapoenikă, raris sami mesangidan. Doning asapoenikă sami doekă Betarane. Kenginan raoeh Begawan Wisoeăkarmă, kepengendikajang toemoeroen kemeretjăpadă ngoeroekang me- noesane mekarjă pekoebonan, memakta lelandep, loeire: kandik, bingkoeng, patoek, tatah, kekeloed, amerang-merang taroe moeah boekoe, amangoen pekoebonan, panti, kajangan, dēsă, mewangoen meroe, perajangan. taoelannja, teriweda, andja- ngan-seloeang, gedong peretiwi, peresadă, gedong koesoemă; sapoenikă ketjerită. Malih makeh peră Jange toemoeroen, ngoeroekang memande Idă Sangiang Berahmă; Widiadarinē ngoeroekang noenoen moeah sane lian lianan. Ida Begawan Wisoekarma dewaning oendagi.
Dini dipoelo Bali toesing pati ada alas djati: dipoelo Djawă lioe pesan adă poenjan djati. Poenjan djatine ento poelană dialas djatine; ane ngendikaang memoelă Idă Seri Goepermen.
Sedjawining dedaoehan Ida Seri Goepermēn, anē memoelă djati peră toean-loean partikelir; alas djatine adanină: alas djati persil. Kajoe djatine melah pesan anggon perabot-pe- rabot ane melakar baan kajoe. Lēnan teken kajoe djati, lioe adă kajoe lenan ane melah-melah, loeire: kajoe maoni, tjen- dana, madjăgaoe, kajoe areng, kojoe besi, ketewel, kajoe teep, kajoe soeren, kajoe sană teken sekantjan totonan. Kajoe maonine ento penekanne oeli ditanah soenantara, gobannė melahan teken kajoe djatine. Barang-barange and melakar adji kajoe djati moeah kajoe maoni, loeire: piano, medjă bolah mēdjă marmer, koersi, sebeh gambar, teken sepenoeng- galanne, soroh barange ane adi-adi. Kajoe wesi teken kajoe arengē dadi ngagon tiang peraoe, moeah seperaboting peraoeně. Barang-barangē ane gaenă adji kajoe djati dogen; pengawak kereta sepoer, gegalengan ril ambah-ambahan sepoer, mēdjă, koersi, bangkoe, lemari, kenap, balē randjang, papan penjoe[ 38 ]40
ratan tekēn anē lēn-lenan. Toekangē anē ngaē barang-barangē soroh totonan, ento adanină ,,oendagi". Oendaginē anē soebă doeeg, bisă ngaē perabot moeah pepajasan oemah ane melah-melah djenengnē. Oendaginē anē soebă doeeg bisă ngaē pirantining oemah anē melah-melah.
Anakē ngarap barang-barangē ento nganggon: regadji gedē, timpas, dedapak seroet tjerik, seroet gedē, seroet pengelisan, seroet pengaloran, pemēbētan, paat gedē, paat tjerik, poesoet, djangkă, sikoe-sikoe, penjikoetan, pengolok kajoe, pengolok besi, sepat, kikir, perabot pengoekiran, tekēn sekantjan totonan.
Dipenegaranē gedē-gedē lioe adă sekeă oendagi, anē ngaē perabot moeah barang-barang anē melah-melah; lioenan oendaginē anē mesekeă oendagi bangsă Tjină. Wong Balinē tekēn wong Djawane arang anē mesekeă boekă oendagi Tjinane. Sekeă oendagi Tjinane di-Djawă ngadegang matsekapē; batinnē (pikolihnē) lioe pesan, nganti mekedjang anē miloe mesekeă padă dadi soegih, oemahnē gedē-gedē, pepajasan moeah perabot oemahnē melah-melah. Jēning oendagi Balinē ngelah keneh boekă kēto, pedas enggal nekaang petoeas.
Sedaweg raină Tjomă Oemanis wară Toloe poenikă, pinoedjoe odalan peloenggoeh Idă Anakē Agoeng Manggis, ring poeri agoeng Gianjar, Ni Loeh Soemerasih mekinkin djagi mebalih gamboeh kepoeri. Oesan ipoen mesisig, mesoeah, mepoesoeng tjară Gianjar, raris memekă nabdabang sesemi, kalih mepoe-poer lamat-lamat. Woes poenikă raris mesekar tjempakă koening ring tjempakă poetih sami mekatih. Sepoepoetē mepajas, toemoeli ipoen memargi kesarengin antoek timpal-timpalipoenē ngepoeriang, mebalih. Sewirēh Ni Luh Soemerasih megegēsoan memargi, kēnginan mekanē kantoen doeoer balenē, mesedēdēg ring sok wadah berasē, sanē medaging beras mērēs malih tan petekep.