Aneka-Warna Tjakepan Kaping Kalih, Pepaosan Bali Kesoerat Antoek Aksara Belanda/Pemadat
50
30. PEMADAT.
Adă bogolan kepesisip teloeng tiban mekelonne, reh ia sa-
lah memaling sampi akit. Sedek dină anoe ia loeas ngarit
adjakă timpal-timpalne petoeroe bogolan, atehangă baan man-
dorne. Tonden tekă masanně ngabă padang moelih, meke-
djang soebă padă soeoed ngarit, kerandjangne mekedoeang
aneh soeba bek misi padang. Ditoe lantas padă meembon
kebarengin baan mandorné, toer mepeomongan, padă noetoe-
rang kelatjoeranné kang sediri, oelih kawit kanti ia mogolan.
Kotjap noetoer bogolane ane sisip memaling sampi, kenē: Moenggoeing tiang, tetoeianne pianak anak soegih. Ne ma- loe gegaen bapan tiange mematjoel; antengne megarapan tan njandang raosang. Tjeretjedé pasti. Ento awananne bapan tiange soegih pesan. Doek totonan tiang sedeng teroenană toer siteng, reh tiang toesing pati gelem, doeloerin toesing taen kocangan apan-apan.
Dening tiang soeba teroena, lantas tiang alihanga koerenan baan bapan tiange. Tiang teresna pesan teken koerenan tiange; loeh tiang masih keto teken tiang.
Tonden mekelo tiang mekoerenan, lantas bapan tiange mati. Doek totonan pepineh tiange enoe toena pesan, tonden nawang apan-apan ane lakar mekerana djele moeah melah. Ento ngeranaang tiang dadi anak ane keliwat bogbog toer belog adjoem.
Kala totonan didesan tiang lioe anake soegih-soegih padă demen memadat. Jan kenken kenehh tiange kala ento, dadi tiang masih bareng meladjahin memadat. Penjoemoenně tiang toesing pati demen, reli rasan madate pait toer uge- lengehin; nanging kesoeen-soeen tiang demen pesan, toer ketagihan, meawanan tiang dadi pemadat. Njaberan tiang adjak pemadat-pemadate maranin oemah pemadatane, apang anake ditoe nawang, boeatne tiang soebă dadi pemadat.
Tjeritanan kesoeen-soeen awak tiange sajan meragang, toe-
lang igane ngeridig, saking pengewesan madate. Jen tiang [ 49 ]51
adjakă ngentjanang pegelah-gelahanē baan imēmē wiadin loeah tiange, toesing pesan roengoeang tiang, setondēnnē tiang maan madat; sedeng gatina ngomong, kalain tiang koemah penga- depan madatē, ditoe tiang meēnak-ēnak memadat.
Mara tawanga baan imēmē moeah loeh tiangē, tiang seobă dadi pemadat, sanget pesan moenjinnē mekedadoea nglemek- kin tiang, nanging angan aboekoe nēnten wēnten idepang tiang pengelēmēkne.
Imēmē tekēn koerenan tiangē nēkanang. apang edă pege-lah-gelahanē bakat adep, anggon tiang meli madat. Jadin boekă apă baană najanang, masih pajoe tiang ngadep oemă asikoet, anggon tiang meli madat, rēh toesing peloet baană ngadianin pemelin madat tekēn imēmē moeah koerenan ti-angē. Dēning kalo meēmēn tiangē tan mari sedih, awanina mati.
Penelah madat tiangē sajan mekelo ngedēnang dogēn; awak tiangē sajan berag toer merasă toeară njidaang ngenken. Lemahne tiang medem dogēn, peteng mară bangoen. Da-mar tekēn tjangkelong tiangē toesing taen belas tekēn tongos tiang medem. Jan adi anak anē tidong pemadat tekă koe-mah tiangē, pepesan nenten roengoeang tiang, jadin adă boeat lakar omongangă. Tjarik moeah tegal tiangē soemă- sat mekedjang koetang tiang. Dinoedjoenē kekēwehan tekēn pemelin madat, ditoe marainget. Sat ngetiban tiang ngadep oema, kanti telah mekedjang; oemahē mekedjang oeoegan, toeară roengoeang. Beranan tiangē telah kadep. Oemahē masih keto, ketoeanang toeah aboengkoel ane tongosin tiang. Dening keto tiang dadi anak tiwas nēk-tēk. Wireh tiang memadat, dadi teresnan koerenan tiangē sajan toenă. Sesoeban tiange tiwas, kekasihan tiange meke-djang metinggal. Adă pianak tiang adiri, tansah kegeringan, awaknē lemet tan pebajoe mară metoeoeh limang oton, lantas iă mati. Soeoedan ento koerenan tiangē sing dadi boein ngelah panak. Toeoeh koerenan tiangē masih tjendek, ke batek baan sanget doehkitannē. [ 50 ]52
Disoebannē tiang pedidiin, soemingkin njangetang kēweh tiangē, kanti singdă maan ngenehang apan-apan, sedjawining moeatang madate dogēn, rēh ento soemasat anggon tiang nasi.
Boeină singdă tiang njidaang ngoeloerin idep, memadat boekă ibi poeanē. Selemah-lemah tiang njelsel dēwēk, gelibag-gelibeg dipedemně dogēn, toeară inget tekēn gegaēn. Petengnē tiang inget tekēn lakar memaling, apang adă anggon meli madat.
Sedek dină anoe tiang medem sambilang memadat. Se- tonden sēmbē pemadataně matiang tiang, ēnggalan tiang poe- les kepati, toeară inget tekēn apan-apan. Doek totonan lang- sen tiangē mirib ampehang angin, kepar kepir ngoengkoelin sēmbē pemadatanē, laoet poeoen. Sajan mekelo sajan gedē endihan apinē djoemahan metēn tiangē. Mară merasă keboes, lantas tiang enten; adjinang tiang apine soebă nilap keraab oemahe. Ditoe tiang ngenggalang njemak tjangkelong teken pedamarane moeah seperabotnē, pelaibang tiang pesoean. Apinē toesing sidă baan tiang ngematiang; lantas tiang geloer- geloer ngidih toeloengan. Serab anakē padă tekă noeloengin ngematiang api. Oemahē oeoeg pesan, toesing dadi boein tongosin. Aboengkoelko toesing noe oemah tiangē. Tiang medoenoengan sig oemah pisagan tiangē, and enoe inget tekēn tiang.
Pekarangan tiangē kadep, pemelinnē kaggon mēli madat. Soebă telah ento, sepeteng-peteng tiang loeas memaling, asing bakat, kadep, apang adă anggon meli madat. Kēto gegaēn tiangē sepeteng-peteng. Pepes tiang kedjoek toer kesisipang baan anakē gedē. Djani tiang mekoetang meriki teloeng tiban, salah memaling sampi akit. Sampinē akit ento adep tiang tekēn djagal sampině tan pesoerat keterangan. Dēning kēto liang kedjoek baan Manteri Poelisinē toer katoer kepe-
kentjan, pemuepoet tiang memanggoehang boekă djani. [ 51 ]57
pantes tingalin anak. Gegaēnnē mekedjang engsapangă. Nja-
beran Tan Sing Swie kēto.
Tan Sing Swie ngelah koerenan, loer soebă ngelah panak
teteloe. Loehnē sai-sai sedih ngenehang tingkah koerenannē
boekǎ kēto. Rēh iǎ pepes poenjah, dadi gegaēnnē soemasat
mekedjang mekoetang; kapah-kapah iǎ maan nanggap oepah.
Pipis pemelin daarnē baanǎ njilih; anakē silihină mekedjang
ngoegoe, baanē Tan Sing Swie dadi toekang kajoe, pedas iă
ēnggal majah oētangnē. Kekocoeban oelangnē kanti satak
ringgit.
Djatinnē Tan Sing Swie mară metoeoeh 27 tiban; nanging
bok, koemis moeah djēnggotne soebă oeban, baan kerengnē
nginem inoem-inoeman. Tingkah anakē poenjah patoeh boekǎ
anakē boedoeh.
Sedek dinǎ anoe Tan Sing Swie ngetjat kereteg ditoekad
Melangit, anē dalem pesan toer lioe batoennē. Rēh doek to-
tonan iǎ poenjah, dadi pedjalannē serandang-serēndēng. Tekǎ
gantinnē latjoer, iǎ oeloeng oeli keretegē ketoekadē, mawanan
mati. Sesoebannē iǎ mati, mekedjang anakē anē oetangina
pada nagih loehnē, kanti neked kepekentjan. Pemeragat ra-
osē, barang-barang tetinggalan Tan Sing Swienē kelēlang baan
anakē gedē; olih-olihannē kedoemang tekēn anē padă oeta-
ngină. Akētēngko toeară adă sisană.
Sesoebanē kēto loeh Tan Sing Swienē lantas mati, baan
liwat doehkitannē, ngenehang oendoeknē dadi djelemă. Panak-
nē mekedjang dadi anak tau peadji. Kēto ketoetoeran anakē
demen poenjah.