Aneka-Warna Tjakepan Kaping Kalih, Pepaosan Bali Kesoerat Antoek Aksara Belanda/Soeterā
[ 8 ]10
anggonă setolop lampoe tekēning kekebnē, meka, loemoer moeah. sepenoenggalannē ,,bias melēlă".
Paras tekēn bias melēlanē ento dadahă apangă dadi ēntjēh wiadin njag. Doegasē nadah totonan adoekină tawas (terawas) tekēn reratjikan anē lēn-lēnan anē dadi anggonă ngenjagang bias tekēn parasē totonan. Sesoebannē melah njagnē, lantas poelangă sig penjangkaan barang-barang soroh piring tjawanē. Soebă peragat, lantas barang-barangē ento wadahină gerobag wiadin peti, adepă tekēn soedagar-soedagar piring tjawanē, laoet kirimangă ketoko-tokonē ditanah Djawă moeah ketokonē anē lēn-lēnan anē padă mesenan Soedagarē oeli Eropă; dedagangannē lioenan soroh barang-barang widjiling Eropă soedagar Tjinanē dedagangannē barang-barang weton oeli tanah Tjină; soedagar-soedagar Djepangē dedagaagannē masih barang-barang oeli tanah Djepang.
Anakē dini tondēn adă anē bisă ngaē barang-barang soroh piring tjawan boekă kēto, dēning singdă adă anē ngoepadi gegaēnē totonan. Jēn njak meladjahin, pedas bisă; jan soebă bisă ento ngeranajang bagian anakē bisă, kerană barang- barang soroh piring tjawane boeat pesan. Soemasat meke- djang anakē nganggon barang-barangē ento. Apă boein pară agoeng-agoeng moeah peră baoedandanē. Dadianjă barang- barang soroh piring tjawanē ento pedas lais dogēn.
Anakē di-Bali anē patjoelan toer djoh tekēning toko, lioe anē padă nganggon kaoe. Barang-barangē anē gaenă adji kaoen njoeh, loeirne : pedaaran, wadah njioep djoekoet, sindoek nasi, sindoek djockoet tekēning tjēdok.
Penekan soeteranē oeli digoemi soenantară, loeirē; oeli tanah Asiă, Eropă, Amerikă moeah oeli digoeminē lēn-lēnan. Minăkadinnē pesan oeli tanah Tjină, Indoe, Pērsi moeah oeli Sepanjol. Dipoelo Djawă langah anakē njak noenoen soeteră; [ 9 ]11
nanging anakē Djawă lioe anē demen nganggon penganggo soroh soeteră. Di-Bali lioe anakē demen noenoen soeteră anggonă kamben anak loeh, kamben anak moeani, saroeng, saboek moeah tengkaloeng wiadin keanggon pelangi.
Djani soeba langahan anakē noenoen, kerană penganggo- penganggonē soebă membab oeli tanah Djawă. Anē oeli tanah Djawă soroh batik-batik. Soroh leloeesē oeli tanah soenan- tară. Anē anggona soeteră, benangē anē pesoeang baan oeled soeteranē. Oeled soeteranē mesoeang benang soeteră oeli diawaknē, boeka katjoetē ngaē oemah. Oeled soeteră nē ngaē oemah dipoenjan kajoenē anē donnē dadi amahă. Poenjan kajoenē anē donnē dadi amah-amahan oeled soeteră. gobannē mirib boekă poenjan kopinē. Poenjan kajoenē ento poendoehangă; memoelă, boekă tingkah anakē ngaē abian kopi di-Bali moeah di-Djawă. Dipoenjan kajoenē totonan tongos oeled soeteranē mepoendoeh. Jēn don kajoenē totonan soeba rēgēs, oeled-oeled soetranē soebă padă ngaē oemah baan benang soetră, boeină soebă padă mataloeh anē lakar dadi katjoet: ditoe oemah oeled soetranē kedoedoekin, kedabda- bang moeah kagoeloeng-goeloeng kedabdabang pisan, loet pepetangă kapabrik penoenoenanē. Benang soetrane ento gobanē poetih makejah. Soetranē anē magoba selem, barak, koening, peloeng, gadang moeah anē lēn-lēnan, ento goemană warnaină setondēnnē noenoen.
Jan soebă peragat baan noenoen, lantas geroes apangă aloes toer mekenjah. Sesoebannē peragat, lantas wadahină peti, kirimangă tekēn soedagar-soedagarē anē mededagangan soroh soeteră. Soedagarē anē medadagangan barang-barang anē lēn lēnan, loeirē: laken, kekoelitan, mocăr, terigoe, tjită- tjită, beloederoe moeah sepenoenggalannē. Lioe pesan soe- dagarē anē dadi soegih oelih ngadep soroh barang-barang soeteră moeah leloees anē lēn-lēnan. Soeteranē ento dadi anggon penganggo anē melah-melah. Adjinnē mael.