[᭖ 6b]
᭖
ᬳᬦᬵᬫ᭄ᬩᭂᬓᬶᬭᬲᬂᬫᬡᬶᬓ᭄ᬳᬗ᭄ᬓᭂᬭᬦ᭄᭞ᬢᬦ᭄ᬤ᭄ᬯᬳᬦᬵᬯ᭄ᬯᬂᬩᬵᬮᬶᬧ᭄ᬭᬵᬧ᭄ᬢ᭞ᬳᬸᬫᬵᬢᬹᬭᬭᬹᬫ᭄᭞ᬧᬗᬾᬭᬦ᭄ᬲᬦᬶᬗᭂᬦ᭄ᬤᬶ᭞ᬧ᭄ᬭᬵᬧ᭄ᬢᬫᬳᬗ᭄ᬓᬾ᭞ᬳᬧᬲ᭄ᬯᬓᬃᬬ᭄ᬬᬦᬾᬫᬭᬗ᭄ᬓᬾ᭞ᬮᬄᬯᬭᬳᬮᬳᬶᬓᬂᬓᬢᬯᬸᬮᬤᬸᬲᬸᬦ᭄᭞ᬲᬸᬫᬢᬸᬃᬲᬂᬫᬡᬶᬓ᭄ᬳᬗ᭄ᬓᭂᬭᬦ᭄᭞ᬮᬶᬗᬶᬭ᭞ᬳᬶᬗ᭄ᬲᬸᬦ᭄ᬗ᭄ᬭᬧᬵᬡᬵᬲᬦᬶᬂᬫᬵᬚᬮᬗᬸ᭞ᬳᬶᬗ᭄ᬲᬸᬦᬧ᭄ᬤᬧ᭄ᬯ᭄ᬭᬸᬳᬦ᭄᭞ᬳᬸᬗ᭄ᬕᬦᬶᬂᬕ᭄ᬯ᭞ᬦ᭄ᬤᬶᬧᬸᬗ᭄ᬕ᭄ᬯᬦᬶᬂᬕ᭄ᬯ᭞ᬮᬄᬯᬭᬳᬦᬳᬶᬗ᭄ᬲᬸᬦ᭄᭞ᬲᬸᬫᬳᬸᬃᬯ᭄ᬯᬂᬗᬵᬮᬶᬳᬕ᭞ᬇᬓᬸᬳᬸᬗ᭄ᬕ᭄ᬯᬦᬶᬂᬕ᭄ᬯ᭞ᬦᬳᬸᬮᬵᬚ᭄ᬭᬶᬄᬗᬶᬳᬶᬂᬗᬾᬭᬦ᭄᭞ᬫᬭᬳᬶᬗ᭄ᬓᬦ᭞ᬓᬯᬸᬮᬳᬫᬶᬢ᭄᭞ᬢᬦ᭄ᬤ᭄ᬯᬓᬾᬲᬄᬯ᭄ᬯᬂᬩᬵᬮᬶᬪᬕ᭞ᬢᬦ᭄ᬤ᭄ᬯᬮᬸᬫᬫ᭄ᬧᬄᬲᬂᬫᬡᬶᬓ᭄ᬳᬗ᭄ᬓᭂᬭᬦ᭄᭞ᬳᬗᬸᬗ᭄ᬲᬶᬕ᭄ᬯ᭞ᬳᬗᬤᭂᬕ᭄ᬫᬸᬮᬶᬗᬂᬲᬂᬫᬡᬶᬓ᭄ᬳᬗ᭄ᬓᭂᬭᬦ᭄᭞ᬓᬧᬲ᭄ᬧᬲ᭄ᬲ᭄ᬯᬘᬶᬢ᭄ᬢᬦᬶᬭ᭞ᬮᬕ᭄ᬬᬵᬗ᭄ᬮᬫ᭄ᬧᬸᬲ᭄ᬭᬵᬕ᭞ᬦᭂᬳᭂᬭᬮᬸᬗ᭄ᬕᬄ
[᭗ 7a]
᭗
ᬭ᭄ᬬᬧᬧᬶᬂᬕ᭄ᬯ᭞ᬫᬶᬗ᭄ᬲᬃᬫᬶᬗ᭄ᬲᬃᬭᬶᬂᬧᬮᬸᬗ᭄ᬕᬳᬶᬭ᭞ᬫᬶᬮᬂᬫᬶᬍᬂᬭᬶᬳᬮᬶᬢᬶᬭ᭞ᬦᭂᬳᭂᬃᬳᬶᬗᭀᬕᬄᬢᬗ᭄ᬕᬭᬦ᭄᭞ᬳᬸᬫᬸᬃᬲ᭄ᬯᬭᬦᬶᬂᬢᬗ᭄ᬕᬸᬭᬦ᭄᭞ᬓᬤᬶᬩ᭄ᬭᬳ᭄ᬫᬭᬧᬗᬶᬲᭂᬧ᭄ᬲᬭᬶ᭞ᬗ᭄ᬳᬶᬦᭀᬭᬦᬳᬤᬸᬮᬸᬃᬆᬲ᭄ᭉᬯ᭞ᬢᬦ᭄ᬤ᭄ᬯᬓᬭᬸᬗᬸᬲ᭄ᬯᬭᬦᬶᬂᬕᭂᬡ᭄ᬝ᭞ᬤᬾᬦᬶᬭsᬳᬂᬳ᭄ᬬᬂᬦᬵᬕᬩᬲᬸᬓᬶᬄ᭞ᬦᭂᬳᭂᬃᬳᬸᬫᬶᬚᬶᬮ᭄ᬧ᭄ᬯᬲᬶᬭ᭞ᬲᬧ᭄ᬭᬵᬧ᭄ᬢᬦᬶᬭᬭᬶᬫ᭄ᬯᬭᬦᬶᬂ᭞ᬤᬤᬶᬦᬕ᭄ᬬᬢ᭄ᬲᬶᬭ᭞ᬳᬦ᭄ᬤᬸᬧᭀᬂᬳᬾᬦ᭄᭞ᬳᬗ᭄ᬕᬯᬢᬗ᭄ᬕᬸᬭᬦ᭄᭞ᬳᬸᬫᬸᬂᬲ᭄ᬯᬭᬦᬶᬂᬢᬗ᭄ᬕᬸᬭᬦ᭄᭞ᬤᬤᬶᬳᬓᬳ᭄ᬬᬸᬦ᭄ᬭᬶᬤᬍᬫᬶᬂᬯ᭄ᬭᬤ᭄ᬥᬬ᭞ᬲᬸᬢᭀᬂᬩᬳᬂᬗᭀᬭᬄᬗᬾᬭᬳᬗ᭄᭞ᬤᬤᬶᬫᬮᬶᬄᬳᭀᬭᬳᬗ᭞ᬦᭂᬳᭂᬭᬳᬯᬜᬲᬂᬳ᭄ᬬᬂᬦᬵᬕᬩᬲᬸᬓᬶᬄᬐᬓᬶᬢᬢᭀᬂᬧᬭᬦ᭄ᬥᬢᭂᬫᬭᬗ᭄ᬓᬾ᭞ᬳᬧᬲ᭄ᬯᬦᬃᬬ᭄ᬬᬦᬾ᭞ᬮᬄᬯᬭᬳᬭᬶᬂᬫᬗ᭄ᬓᬾ᭞ᬲᬸᬫᬳᬸᬃᬲᬂᬫ
