[᭗ 7b]
᭗
ᬡᬶᬓ᭄ᬳᬗ᭄ᬓᭂᬭᬦ᭄᭞ᬮᬶᬗᬶᬭ᭞ᬧᬸᬦᬸᬮᬸᬦ᭄ᬲᬓᬶᬂᬫᬚᬮᬗᬸ᭞ᬗ᭄ᬳᬸᬮᬸᬦ᭄ᬳᬢ᭄ᬥᬚᬦᬾᬦ᭄ᬧᬸᬲᬶᬤ᭄ᬥᬶᬫᬦ᭄ᬢ᭄ᬭ᭞ᬓᬭᬡᬦᬾᬬ᭄ᬳᬸᬮᬸᬦ᭄ᬥᬢᭂᬂᬫᬭᬗ᭄ᬓᬾ᭞ᬗ᭄ᬳᬸᬮᬸᬦᬗᬢᬸᬭᬦᬳᭂᬫ᭄ᬧᭂᬧᬵᬦ᭄ᬭᬶᬧᬵᬤᬲᬂᬳ᭄ᬬᬂ᭟ᬲᬸᬫᬳᬸᬃᬲᬂᬳ᭄ᬬᬂᬦᬵᬕᬩᬲᬸᬓᬶᬄ᭞ᬮᬶᬗᬶᬭ᭞ᬐᬩ᭄ᬭᬳ᭄ᬫᬡᬘᬶᬮᬶ᭞ᬮᬄᬧᬢᬥᬳᬶᬲᬂᬳ᭄ᬬᬂ᭞ᬳᬸᬫᬳᬸᬃᬲᬂᬫᬡᬶᬓ᭄ᬳᬗ᭄ᬓᭂᬭᬦ᭄᭞ᬗ᭄ᬳᬸᬮᬸᬦ᭄ᬳᬦᬸᬦᬲ᭄ᬮᬸᬕ᭄ᬭᬳᬭᬶᬧᬵᬤᬲᬂᬳ᭄ᬬᬂ᭞ᬦᭂᬳᭂᬃᬚᬶᬦᬸᬫ᭄ᬧᬸᬢ᭄ᬢᬂᬧ᭄ᬭᬶᬂᬩᬸᬂᬩᬸᬂ᭞ᬤᬾᬦᬶᬭᬲᬂᬫᬡᬶᬓ᭄ᬳᬗ᭄ᬓᭂᬭᬦ᭄᭞ᬢᬦ᭄ᬤ᭄ᬯᬫᬢᬥᬳᬶ᭞ᬯᬸᬲ᭄ᬳᭂᬦ᭄ᬢᬶᬳᭂᬫ᭄ᬧᭂᬳᬦ᭄ᬲᬩᬸᬂᬩᬸᬂ᭞ᬢᬦ᭄ᬤ᭄ᬯᬳᬰᬗ᭄ᬤᬲᬂᬳ᭄ᬬᬂᬦᬵᬕᬩᬲᬸᬓᬶᬄ᭞ᬮᬶᬗᬶᬭ᭞ᬐᬓᬶᬢᬩ᭄ᬭᬳ᭄ᬫᬡᬘᬶᬮᬶ᭞ᬳᬧᬧᬶᬦᬓᬸᬦ᭄ᬢ᭞ᬲᬸᬫᬳᬸᬃᬫᬡᬶᬓ᭄ᬳᬗ᭄ᬓᭂᬭᬦ᭄᭞ᬮᬶᬗᬶᬭ᭞ᬢᬶᬢ᭄ᬬᬂᬫᬫᬶᬢᬂᬫᬵᬲ᭄᭞ᬚᬕᬕᭂᬮᬃᬢᬶᬢ᭄ᬬᬂᬫᬚᬸᬥᬶ᭞ᬲᬸᬫᬳᬸᬃᬲᬂᬦᬵ
[᭘ 8a]
᭘
ᬕᬩᬲᬸᬓᬶᬄ᭞ᬮᬶᬗᬶᬭ᭞ᬮᬄᬳᬶᬗ᭄ᬲᬸᬦᬯᬾᬄᬫᬵᬲ᭄᭞ᬢᬸᬫᬸᬮᬶᬢᬢ᭄ᬮᬲ᭄ᬲᬂᬦᬵᬕᬩᬲᬸᬓᬶᬄ᭞ᬦᬤᬶᬳᬸᬤᬦ᭄ᬢᬂᬫᬵᬲ᭄ᬢᬶᬗᬭᬶᬂᬧ᭄ᬭᭉᬶᬯᬶ᭞ᬦᭂᬳᭂᬃᬳᬰᬗ᭄ᬤᬲᬂᬦᬵᬕᬩᬲᬸᬓᬶᬄ᭞ᬮᬶᬗᬶᬭ᭞ᬮᬄᬳᬶᬓᬶᬫᬵᬲ᭄ᬳᬫᬾᬢᬦ᭞ᬢᬦ᭄ᬤ᭄ᬯᬚᬶᬦᬸᬫ᭄ᬧᬸᬢ᭄ᬢᬂᬫᬵᬲ᭄ᬳᬶᬓᬤᬾᬲᬂᬫᬡᬶᬓ᭄ᬳᬗ᭄ᬓᭂᬭᬦ᭄᭞ᬲᭂᬳᭂᬃᬕᬶᬦᬾᬦ᭄ᬤᭀᬮ᭄᭞ᬢᬦ᭄ᬤ᭄ᬯᬳᬕᬗ᭄ᬤᬲᬂᬦᬵᬕᬩᬲᬸᬓᬶᬄ᭞ᬮᬶᬗᬶᬭ᭞ᬮᬄᬫᬦ᭄ᬢᬸᬓᬵᬩ᭄ᬭᬵᬳ᭄ᬫᬡᬘᬶᬮᬶ᭞ᬲᬸᬫᬳᬸᬃᬲᬂᬫᬡᬶᬓ᭄ᬳᬗ᭄ᬓᭂᬭᬦ᭄᭞ᬲᬂᬳ᭄ᬬᬂᬳᬸᬫᬦ᭄ᬢᬸᬓ᭄ᬭᬸᬫᬸᬳᬸᬦ᭄᭞ᬢᬸᬫᬸᬮᬶᬳᬯᬮᬶᬲᬂᬳ᭄ᬬᬂᬦᬵᬕᬩᬲᬸᬓᬶᬄ᭞ᬫᭂᬲᬣᬸᬦ᭄ᬢᬸᬢᬶᬭᬭᬶᬂᬢᬸᬯᬭᬶᬂᬕ᭄ᬯᬤᬤᬶᬢᬓᬵᬰ᭄ᬓᬃᬬ᭄ᬬᬦ᭄ᬲᬂᬫᬡᬶᬓ᭄ᬳᬗ᭄ᬓᭂᬭᬦ᭄᭞ᬳᬦ᭄ᬤᬸᬮᬸᬳᬸᬦ᭄ᬢᬸᬢᬶᬭᬲᬂᬦᬵᬕᬩᬲᬸᬓᬶᬄ᭞ᬯᬶᬦ᭄ᬢᭂᬦ᭄ᬧᬓᬜᬄ᭞ᬲᬧᬶᬕᬳᬕᬸᬂᬦ᭄ᬬ᭞ᬦᭂᬧᭂᬧᬵᬗᬸᬦᬸᬲ᭄᭞ᬓ᭄ᬭᬶᬲ᭄ᬲᬂᬫᬡᬶᬓ᭄ᬳᬗ᭄ᬓᭂᬭᬦ᭄᭞ᬢ
