[᭗᭗ 77B]
᭗᭗
ᬢ᭄ᬭᬢᬸᬫᬸᬮ᭄ᬬ᭞ᬳᬸᬫᬢᬸᬃᬫᬭᬂᬲᬸᬥᬃᬫᬶ᭞ᬗ᭄ᬮᬳᬶᬂᬭᬓᭂᬦ᭄ᬳᬕᬫ᭄ᬩᬸᬄᬭᬾᬳᭀᬲ᭄ᬱᬶᬂᬤ᭄ᬭᬶᬬ᭛ᬕᬫ᭄ᬩᬸᬄ᭛᭜᭛ᬥᬸᬄᬭᬫᬲᬂᬮᬶᬦᬸᬳᬸᬂ᭞ᬳᬶᬂᬲᬮᬫᬶᬓᬯᬸᬮᬢᬸᬫᬸᬯᬸᬄ᭞
ᬤᬾᬭᬾᬂᬦᬢᬾᬲᬸᬫᭂᬋᬧ᭄ᬢᬦ᭄ᬫᬤᬃᬩᬾᬦᬶ᭞ᬕᬸᬦᬓᬲᬓ᭄ᬢᬾᬦ᭄ᬧᬶᬦᬸᬜ᭄ᬚᬸᬮ᭄᭞ᬓᬤᭀᬲ᭄ᬧᬤᬸᬓᬲᬗ᭄ᬓᬳᭀᬢ᭄᭟ᬦᬤ᭄ᬬᬦ᭄ᬧᬫᬶᬭᬶᬦᬸᬭᬸᬄ᭞ᬫᬶᬤᭂᬃᬲᬘᬓ᭄ᬭᬚᬕᬢ᭄ᬓᭂᬫ᭄ᬧᬸᬢ᭄
᭞ᬓᬂᬓᬧ᭄ᬭᬩᬦ᭄ᬱᬸᬦᬭᬶᬂᬧ᭄ᬭᬤᭀᬗ᭄ᬕᬨᬣᬶ᭞ᬧ᭄ᬭᬤᬾᬯᬪᬵᬝᬵᬭᬳᬦᬸᬂ᭞ᬳᬫ᭄ᬩ᭠ᬤᬸᬕᬶᬳᬸᬕᬶᬓᬲᭀᬃ᭟ᬫᬶᬮᬧᬸᬓᬸᬮᬸᬦ᭄ᬮᬫᬸᬦ᭄᭞ᬓᬧᬋᬂᬢ᭄ᬬᬲ᭄ᬧᬤᬸᬓᬬᬸᬦ᭄᭞ᬳᬦ᭄ᬤ
ᬤᬲᬶᬄᬗᬼᬩᬸᬃᬢᬧᬓ᭄ᬧᬤᬫᬸᬕᬶ᭞ᬢᬸᬯᬦ᭄ᬧᬭᬶᬂᬗᬧᬶᬢᬸᬤᬸᬄ᭞ᬓᬕᬸᬦᬦ᭄ᬓᬂᬋᬫᬶᬢ᭄ᬳᬾᬮᭀᬓ᭄᭟ᬓᬂᬭᬫᬲᭂᬫ᭄ᬫᬸᬯᬸᬲ᭄᭞ᬓᬸᬮᬸᬧ᭄ᬧᬶᬂᬗ᭄ᬲᬸᬦ᭄ᬱᬶᬭᬗ᭄ᬕᭂᬧ᭄ᬮᬶᬦᬸ
[᭗᭘ 78A]
ᬳᬸᬂ᭞ᬲᬢᭂᬫᭂᬦ᭄ᬦᬾᬫᬸᬗ᭄ᬕᬸᬄᬓᬲᬓ᭄ᬢᬾᬦ᭄ᬱᬸᬫ᭄ᬫᬶᬓᬶ᭞ᬮᬕᬶᬮᬸᬫ᭄ᬭᬄᬩᬳᬾᬓᬸᬮᬸᬧ᭄᭞ᬢᬦ᭄ᬓᭂᬤᬳᬶᬂᬗᬭᬦ᭄ᬫᭀᬜ᭄ᬘᭀᬮ᭄᭟ᬓᬂᬲᬢᬸᬳᬸᬧᬶᬦᬸᬜ᭄ᬘᬸᬮ᭄᭞ᬬᬾᬓᬸᬲᬂᬭᬫᬬᬤᬶᬳᬾᬂᬬᬂ
ᬫᬸ᭞ᬓᬲᬓ᭄ᬢᬾᬦᬾᬫᬦᬯᬳᬦ᭄ᬕᬫ᭄ᬩᬸᬢ᭄ᬓᬃᬤᬶ᭞ᬯᭂᬲᬶᬫᬸᬂᬧᬶᬦᬦ᭄ᬤᬶᬂᬮᬸᬮᬸᬄ᭞ᬫ᭄ᬭᬗᬗᬄᬓᬬᬳᬶᬗᭀᬩᭀᬂ᭟ᬫᭂᬡ᭄ᬥᬓ᭄ᬧᬩ᭄ᬥᬾᬤᬸᬫᬸᬦᬸᬂ᭞ᬗ᭄ᬮᬸᬳᬸᬃᬫᬾᬖᬫᬸᬂᬬᬮᬄᬫᬦᭂᬓᬸᬂ᭞ᬲᬂᬳ᭠
ᬢ᭄ᬫᬚᬫᬢᬸᬃᬥᬸᬄᬭᬫᬵᬫᬦᬯᬶ᭞ᬧᬤᬸᬓᬧᬋᬂᬳᬫ᭄ᬩᬬᬸᬦ᭄᭞ᬗᬸᬮᬢ᭄ᬢᬶᬳᬾᬬᬂᬲᬂᬗ᭄ᬓᬳᭀᬢ᭄᭟ᬳᬶᬓᬂᬭᬫᬚᬸᬫᬸᬭᬸᬂ᭞ᬲᬂᬳᬢ᭄ᬫᬚᬕ᭄ᬬᬫᭂᬲᬢ᭄ᬱᬸᬫᬸᬗ᭄ᬲᬸᬂ᭞ᬳᬶᬂᬕᬕᬦᬢ᭠
ᬦ᭄ᬱᬤᬾᬦᬶᬭᬫᬦᭀᬦ᭄ᬦᬶ᭞ᬢ᭄ᬮᬢᬄᬳᬾᬳᬃᬤᬶᬢᬂᬗ᭄ᬕᬸᬭᬸ᭞ᬢᬦ᭄ᬳᬦ᭄ᬢᬭᬳᬦᬓᬢᭀᬦ᭄᭟ᬲᬸᬚᬦ᭄ᬫᬧ᭄ᬭᬶᬬᬮᬸᬗ᭄ᬕᬸᬄ᭞ᬗ᭄ᬮᬸᬳᬸᬃᬫᬾᬬᬘᬳ᭄ᬬᬦᬾᬲᬸᬫᬸᬦᬸ᭞ᬯᬸᬲ᭄ᬓᬶᬦᬶᬭᬬᬾᬦ᭄ᬓᬂᬳᬾᬬᬂᬫᬶ
Kaca:Bali-lontar-gaguritan-adam-hawa-350ppi.pdf/78
Kaca puniki sampun kauji-wacén
