[᭔᭒ 42B]
᭔᭒
ᬓᬫᬶᬃ᭞ᬳᬗ᭄ᬕᬯᬵᬩᬮ᭞ᬳᬓᬾᬄᬢᬦ᭄ᬓᬾᬲᬶᬓᬾᬲᬶ᭟᭐᭟ᬭᬵᬚᬅᬩ᭄ᬱᬶᬳᬢᬸᬮᬢᬶᬓᬶᬧᬢ᭄ᬬ᭞ᬩᬜᬓ᭄ᬧᬭᬸᬂᬳᬕᭂᬮᬶᬲ᭄᭞ᬮᬳᬗᭂᬧᬳᬵ᭞ᬯᬶᬤᬕ᭄ᬥᬯᬶᬱᬬᬦ᭄ᬢ᭞ᬳᬦᬳᬸᬕᬳᬫᭂ
ᬲᭂᬗᬶ᭞ᬫᬢᬸᬃᬓᬶᬧᬢ᭄ᬬ᭞ᬤᬾᬯᬳᬚᬕᬸᬫᬶᬗ᭄ᬲᬶᬃ᭟᭐᭟ᬮᬳᬶᬂᬫᬗ᭄ᬓᬾᬧᬕᬸᬢᭂᬦ᭄ᬰᬢ᭄ᬭᬸᬓᬂᬧ᭄ᬭᬧ᭄ᬢᬵ᭞ᬓᬯᬸᬮᬳᬫᭂᬢᭀᬦᬶᬦ᭄᭞ᬲᬯᬸᬭᬾᬭᬮᬳ᭄ᬬ᭞ᬲᬶᬩᬜᬓᬯᬭᬂᬧᬢ᭄ᬬ᭞ᬧ᭄ᬭᬦᬫ᭄ᬬᬢ
ᬫᬗᬸᬦ᭄ᬢᬸᬭᬶᬦ᭄᭞ᬳᬬᬸᬦᬬᬸᬦᬦ᭄᭞ᬓᬮᬯᬦ᭄ᬚᬮᬥᬭᬧᬢᬶᬄ᭟᭐᭟ᬲᬓᬶᬗᭂᬦ᭄ᬤᬶᬧ᭄ᬭᬚᬦ᭄ᬢᬫᬦ᭄ᬢᭀᬦᬶᬗᬫ᭄ᬱ᭄ᬬᬄ᭞ᬮᬦ᭄ᬪᬶᬧᬾᬓᬦ᭄ᬫᬮᬶᬄ᭞ᬲᬯᬸᬭᬾᬳᬶᬧᬢ᭄ᬬ᭞ᬦᬸᬲᭀᬦ᭄ᬢᬭᬦ
ᬕᬭ᭞ᬚᬮᬥᬭᬳᬭᬦ᭄ᬫᬫᬶ᭞ᬲᬶᬭᬳᬶᬓᬶᬳᬜᬧ᭞ᬳᬗ᭄ᬮᬸᬭᬸᬕ᭄ᬧᬸᬲᭂᬃᬪᬸᬫᬶ᭟᭐᭟ᬲᬶᬭᬧᬢᬶᬄᬩᬜᬓ᭄ᬧᬭᬸᬂᬳᬗᬸᬘᬧ᭄᭞ᬲᬓᬶᬗᬩ᭄ᬱᬶᬓᬫᬶ᭞ᬓᬳᬢᬸᬭᬾᬂᬳᬶᬃᬫ᭄ᬫᬦ᭄᭞ᬳᬗ᭄ᬲᬂ
[᭔᭓ 43A]
ᬓᬸᬣᬾᬗᬭᬩ᭄᭞ᬩᬜᬓ᭄ᬧᬭᬸᬂᬳᬭᬦ᭄ᬫᬫᬶ᭞ᬮᬄᬢᭂᬭᬧᬓᭂᬦ᭞ᬓᬤᬶᬕ᭄ᬚᬬᬫᬸᬭᬸᬚᬶᬢ᭄᭟᭐᭟ᬲᬮᬶᬂᬕᬥᬧᭂᬤᬂᬧᬶᬦᭂᬥᬗᬦ᭄ᬲᬶᬭ᭞ᬲᬸᬭᬓ᭄ᬳᬸᬫ᭄ᬯᬂᬕᬸᬫᬶᬭᬶᬄ᭞ᬢᭂᬫ᭄ᬧᬸᬄᬲᬫᬕᬥᬵ᭞ᬮᬦ᭄ᬩᬜᬓ᭄ᬧᬭᬸᬂᬧ
ᬢ᭄ᬬ᭞ᬳᬜᬸᬕ᭄ᬚᬸᬂᬕᬥᬦᬶᬭᬾᬓᬶ᭞ᬓᬶᬧᬢᬶᬄᬩᬜᬓ᭄᭞ᬦᬸᬮᬶᬄᬫᭂᬦ᭄ᬢᬂᬚᭂᬫ᭄ᬧᬭᬶᬂ᭟᭐᭟ᬧᬦᬄᬭᬚᬸᬢ᭄ᬓᬢᬸᬚᬸᬯᭀᬂᬚᬮᬥᬭ᭞ᬢᬸᬫᬗ᭄ᬓᭂᬧ᭄ᬢᬶᬩᬾᬂᬲᬶᬣᬶ᭞ᬯᭀᬗᬫ᭄ᬱ᭄ᬬᬳᬲᬸᬭᬓ᭄᭞ᬓᬬ
ᬕᭂᬦ᭄ᬢᭂᬃᬧᬺᬢᬮ᭞ᬚᬮᬥᬭᬯᬸᬲ᭄ᬕᬸᬫᬶᬗ᭄ᬲᬶᬃᬓᬾᬳᬸᬲᬸᬗᬾᬂᬩᬮᬵ᭞ᬫᬗ᭄ᬓᬾ ᬩᬜ᭄ᬚᬭᬦ᭄ᬲᬭᬶ᭟᭐᭟ᬅᬧᬦ᭄ᬓᬮᬶᬦ᭄ᬢᬂᬩ᭄ᬭᬳ᭄ᬫᬦ᭄ᬢ᭄ᬬᬦ᭄ᬲᬶᬭᬭᬳᬤ᭄ᬬᬦ᭄᭞ᬳᬲᭂᬕᬓ᭄ᬦᬦ᭄ᬢᬂᬚᬸᬭᬶᬢ᭄᭞ᬧᬶᬦᬕᬸᬢᬶᬂᬫᬵ
ᬦ᭄ᬢ᭄ᬭ᭄ᬬᬵ᭞ᬭᬶᬂᬫᭀᬩᭀᬢ᭄ᬳᬃᬱᬾᬗᬸᬦ᭄ᬢᬢ᭄᭞ᬫᬦ᭄ᬢ᭄ᬭᬶᬅᬩ᭄ᬱᬶᬳᬓᬾᬄᬫᬢᬶ᭞ᬲᬶᬲᬦᬶᬂᬧᭂᬚᬄ᭞ᬫᬮᬬᬸᬳᬯᭂᬭᬶᬦ᭄ᬯᭂᬭᬶᬦ᭄᭟᭐᭟ᬭᬓ᭄ᬭ᭄ᬬᬦ᭄ᬧᬢᬶᬄᬩᬜᬓ᭄ᬧᬭᬸᬂᬳᬫᬭᬃᬱ᭞ᬗᬸᬘᬧ᭄ᬪᬬ
Kaca:Bali-lontar-gaguritan-amir-hamsyah-300ppi.pdf/43
Kaca puniki sampun kauji-wacén
