[᭑᭐᭓ 103B]
᭑᭐᭓
ᬦᬶᬢᬶᬓ᭄᭞ᬲᬫᬧ᭄ᬭᬯᬶᬭ᭞ᬍᬯᬶᬄᬧ᭄ᬢ᭄ᬭᬓᭀᬰᬰᭂᬓ᭄ᬢᬶ᭚ᬤᬦ᭄ᬳᬳᭂᬫ᭄ᬧᬸᬄᬢᬾᬓᬦᬂᬢᬭᬸᬮᬦ᭄ᬕᬥ᭞ᬧᬸᬢᬸᬂᬓᬂᬕᬥᬓᬮᬶᬄ᭞ᬢᬭᬸᬋᬫᭂᬓ᭄ᬱᬶᬃᬡ᭄ᬦᬵ᭞ᬕ᭄ᬬᬲᬂᬤᬾᬢ᭄ᬬ
ᬓᬵᬮᬶᬄᬜ᭞ᬳᬫᭂᬦ᭄ᬢᬂᬕᬦ᭄ᬥᬾᬯᬵᬦᬸᬮᬶ᭞ᬰ᭄ᬭᬷᬭᬵᬫᬩᬤ᭄ᬭ᭞ᬳᬸᬯᬸᬲ᭄ᬫᭂᬦ᭄ᬢᬂᬚᭂᬫ᭄ᬧᬭᬶᬂ᭚ᬧᬋᬂᬍᬧᬲ᭄ᬢᬾᬓᬂᬰᬭᬯᬦᬶᬭ᭞ᬮ᭄ᬯᬶᬃᬳᬸᬤᬦ᭄ᬓᬂᬚᭂᬫ᭄ᬧᬭᬶᬂ᭞ᬓᬂᬓᬧᬢ᭄ᬳᬬᬸᬤ᭄ᬥ᭞
ᬢᬦ᭄ᬓᭂᬮᬲ᭄ᬓ᭄ᬦᬾᬂᬯᬦᬄ᭞ᬲᬂᬩᬬᬸᬅᬢ᭄ᬫᬚᬳᬕ᭄ᬮᬶᬲ᭄᭞ᬳᬦᬫ᭄ᬩᬸᬢ᭄ᬰᬾᬮᬵᬩᬚ᭄ᬭᬵᬕᬸᬂᬮ᭄ᬯᬶᬃᬕᬶᬭᬶ᭚ᬤᬦ᭄ᬗᬶᬦᬮᬂᬲᬂᬤᬾᬢ᭄ᬬᬲᬓᬯᭀᬦᬶᬭ᭞ᬓᬂᬰᬾᬮᬵᬳᬗᭂᬦᬾ
ᬦᬶ᭞ᬩᭂᬜ᭄ᬘᬃᬓᬧᬍᬲᬢ᭄᭞ᬕᭂᬩ᭄ᬬᬃᬫᭂᬢᬸᬤᬳᬦ᭞ᬮᬶᬦᬶᬧᬸᬢ᭄ᬲᬂᬤᬾᬢ᭄ᬬᬓᬮᬶᬄ᭞ᬳᬗᬶᬂᬢᬦ᭄ᬕᬶᬦᬲ᭄᭞ᬧᬂᬕᬄᬦᭀᬭᬕᬸᬫᬶᬗ᭄ᬲᬶᬃ᭚ᬧᬍᬲᬢᬶᬂᬯᬢᬸᬤᬤ᭄ᬬᬵᬯᬸᬭᬶᬂᬭ
[᭑᭐᭔ 104A]
᭑᭐᭔
ᬡ᭞ᬲᬚᭂᬫ᭄ᬩᬃᬧᬧᬦ᭄ᬲᬫᬶ᭞ᬫᬾᬱ᭄ᬬᬵᬲᬸᬫ᭄ᬭᬫ᭄ᬩᬄ᭞ᬓᬢ᭄ᬯᬸᬧ᭄ᬤᬾᬦᬶᬂᬫᬭᬸᬢᬶ᭞ᬮᬢ᭄ᬭᬶᬤᭂᬤᭂᬢ᭄ᬢ᭄ᬗᬳᬶᬂᬚᬸᬭᬶᬢ᭄᭞ᬤᬾᬢ᭄ᬬᬓᬮᬶᬄ᭞ᬧᬢᬶᬕᬕᬧ᭄ᬕᬕᬧᬶ᭚ᬳ᭄ᬬᬂᬭᬤᬾᬢ᭄ᬬ
ᬩᭀᬢᭂᬦ᭄ᬓᬳᭀᬦ᭄ᬲ᭄ᬦᬦᬶᬭ᭞ᬩᬬᬸᬧᬸᬢ᭄ᬭᬳᬦᬸᬮᬶ᭞ᬳᬕ᭄ᬮᬶᬲ᭄ᬦᬫ᭄ᬩᬸᬢ᭄ᬰᬾᬮᬵ᭞ᬳᬕᭂᬗᬾᬮ᭄ᬯᬶᬃᬯᬯ᭄ᬯᬢ᭄ᬢ᭞ᬲᬂᬤᬦᬯᬢᬦᬸᬤᬦᬶ᭞ᬳᬦ᭄ᬕᬶᬦᬸᬢᬸᬓᬦ᭄ᬤᬾᬦᬶᬭᬲᬂᬫᬭᬸᬢᬶ
᭚ᬩᬶᬦᭂᬦᭂᬓᭂᬦ᭄ᬫᬱ᭄ᬝᬓᬦᬶᬭᬓᬮᬶᬄ᭞ᬋᬫᭂᬓ᭄ᬯᬢᬸᬢᬦ᭄ᬫ᭄ᬬᬢᬶ᭞ᬓᬗ᭄ᬕᭂᬓ᭄ᬱᬂᬤᬦᬯ᭞ᬳᬸᬫ᭄ᬬᬢ᭄ᬢᬦ᭄ᬤᬸᬮᬸᬧᬭᬦ᭄᭞ᬫᭂᬓ᭄ᬱᬶᬄᬧᬗ᭄ᬕᬄᬢᬦ᭄ᬕᬸᬫᬶᬗ᭄ᬲᬶᬃ᭞ᬰ᭄ᬭᬷᬭᬵᬫᬩᬤ᭄ᬭ
ᬮᬗ᭄ᬓᬸᬂᬩ᭄ᬭᬳ᭄ᬫᬵᬢ᭄ᬬᬾᬂᬳᬢᬶ᭚ᬲᬓ᭄ᬱᬡᬮᬚᭂᬂᬫ᭄ᬓᬃᬢᬶᬯᬶᬓ᭄ᬭᬫᬜ᭞ᬳᬕᭂᬂᬰᬭᬷᬭᬦᬾᬓᬶ᭞ᬮ᭄ᬯᬶᬃᬍᬩᬸᬧᬩ᭄ᬥᬢ᭞ᬮᬸᬳᬸᬤᬸᬤᬸᬕᬶᬂᬗᬯ᭄ᬬᬢ᭄᭞ᬲᬶᬬᬸᬂᬗᬸᬭᬾᬮᬧ᭄ᬮ᭄ᬯᬶᬃᬢᬢᬶ
Kaca:Bali-lontar-gaguritan-anuman-wetugangga-350ppi.pdf/104
Kaca puniki sampun kauji-wacén
