[᭔ 4B]
᭔
ᬢᬶ᭞ᬗᭀᬩᬄᬳᬶᬥᭂᬧ᭄ᬓᬥᬃᬫ᭄ᬫᬦ᭄᭞ᬳᬧᬦ᭄ᬳᬭᬂᬯᭀᬂᬮᬦᬂᬳᬲ᭄ᬢᬶᬢᬶ᭞ᬯ᭄ᬭᬸᬳᬶᬂᬢᬢ᭄ᬯ᭞ᬗ᭄ᬕᬯᬾᬋᬡᬦ᭄ᬫᬦᬄ᭞ᬦᬶᬂᬭᬳᬬᬸᬤᬶᬚᬕᬢᬾ᭞ᬬᬦᬶᬂᬯᭀᬂᬮᬦᬂᬳᬮᬸᬲ᭄᭞ᬧᬗᬯ
ᬓᬶᬂᬤᬾᬯᬢᬍᬯᬶᬄ᭞ᬳ᭄ᬬᬲ᭄ᬫᬭᬲᬸᬲᬸᬧᬦ᭄᭞ᬦᬾᬭᬶᬂᬓᬸᬦᬤᬶᬢᬸ᭞ᬤᬶᬓᬾᬢᭀᬦ᭄ᬤᬾᬦ᭄ᬤᬤᬶᬚᬦ᭄ᬫ᭞ᬫᬦᬸᬮᬸᬲᬂ᭞ᬫᬲᬢᬦᬶᬫᬗ᭄ᬕᬶᬄᬩ᭄ᬘᬶᬓ᭄᭞ᬢᬶᬗ᭄ᬓᬳᬾᬫᬓᬭᭀᬦᬦ᭄᭞ᬢᭀ
ᬓᬭᬡᬢᬶᬢ᭄ᬬᬂᬩᬸᬓᬚᬶ᭞ᬢ᭄ᬯᬭᬫᬢ᭄ᬯ᭞ᬳᬦ᭄ᬤᬾᬓᬤᬶᬲ᭄ᬓᬃ᭞ᬧᬂᬚᭀᬄᬢᬫ᭄ᬩᬸᬮᬶᬮᬶᬗᬦᬾ᭞ᬗᬭᬲ᭄ᬲᬦ᭄ᬢᬸᬦ᭄᭞ᬲᬳᬲ᭄ᬫᬶᬢᬓ᭄ᬜᬸᬗᬾᬫᬦᬶᬲ᭄᭞ᬢᬸᬃᬧᬭᬭᬲᬦ᭄ᬫᭂ
ᬮᬄ᭞ᬩᬶᬲᬗᬤᬶᬲ᭄ᬫᬶ᭞ᬧᬺᬢᬫᬦᬶᬂᬗ᭄ᬮᬾᬩᬂᬲᬶᬧ᭄ᬢ᭞ᬫᬜᬃᬯᬂ᭞ᬳᬶᬗᬸᬦᭂᬂᬭᬭᬶᬲ᭄ᬜᬳᬸᬢᬶᬦ᭄᭞ᬓᬤᬶᬫᬕᬸᬬ᭄ᬯᬦ᭄ᬕᬸᬬ᭄ᬯᬦ᭄᭟ᬳᬧᬦ᭄ᬲᬸᬓᬓᬭᬲᬭᬶᬂᬳᬢᬶ᭞ᬦ᭄ᬦᭂᬃᬗᬸᬘᬧ᭄᭞
[᭕ 5A]
᭕
ᬓᬤᬶᬓᬳᭀᬘᬓᬦ᭄᭞ᬫᭂᬫ᭄ᬩᬄᬡᬮᬗᬸᬃᬚᬸᬭᬸᬳᬾ᭞ᬗᬤᬓᬂᬕᭂᬦ᭄ᬢᬸᬄᬫᬤᬸ᭞ᬫᬗᬜᬸᬤᬂᬯᬶᬦ᭄ᬢᭂᬦ᭄ᬭᬢ᭄ᬦᬤᬶ᭞ᬫᬩ᭄ᬬᭀᬓ᭄ᬦᭂᬧᬾᬦ᭄ᬤᬶᬦ᭄ᬤᬶᬂ᭞ᬲᬶᬂᬭᬭᬲᬂᬧᬳᬢ᭄᭞ᬧᬯᬓ᭄ᬦᬶᬂᬭᬭ
ᬲ᭄ᬲᬺᬗ᭄ᬕᬭ᭞ᬢ᭄ᬯᬭᬧᬤ᭞ᬘᬮᬶᬭᬶᬂᬯ᭄ᬭᬸᬳᬶᬂᬯᬗ᭄ᬲᬶᬢ᭄᭞ᬳᬬᬸᬢᬦ᭄ᬧᬢᬦ᭄ᬤᬶᬗᬦ᭄᭟ᬳᬤᬸᬄᬕᬸᬲ᭄ᬢᬶᬲᬂᬓᬤᬶᬭᬶᬂᬲᬭᬶ᭞ᬦᬸᬤᬶᬧᬸᬜ᭞ᬮ᭄ᬯᬶᬄᬗᬬᬂᬳᬬᬂ᭞ᬗᬮᬶᬓ᭄ᬳᬮᬶᬓ᭄
ᬤᬶᬧᬸᬘᬓᬾ᭞ᬲᬯᬢ᭄ᬢᬶᬗ᭄ᬕᬃᬤᬶᬤᬸᬳᬸᬃ᭞ᬗᬯᬸᬦ᭄ᬲᬹᬃᬬ᭄ᬬᬜᬸᬦ᭄ᬤᬭᬶᬦ᭄᭞ᬍᬯᬶᬄᬘᬬᬕᬶᬫ᭄ᬬᬂ᭞ᬳᬗᬶᬦᬾᬦ᭄ᬤᬯᬸᬦᬸ᭞ᬳᬭᬶᬲ᭄ᬓᬤᬶᬫᬗᬫ᭄ᬧᭂᬳᬂ᭞ᬲᬭᬶᬦ᭄ᬩᬸᬗᬦᬾᬫᬶᬳᬶ
ᬓ᭄᭞ᬗᬾᬦᬓᬶᬦ᭄ᬳᬢᬶ᭞ᬗᬸᬬᬗᬂᬳᬶᬩ᭄ᬭᬫᬭ᭟ᬓᬂᬓᬢᬜᬳᬶᬲ᭄ᬓᬃᬳᬚ᭄ᬭᬶᬄ᭞ᬬᬾᬦ᭄ᬓᬳᬭᬲ᭄᭞ᬳᬦ᭄ᬢᬸᬓ᭄ᬳᬶᬩ᭄ᬭᬫᬭ᭞ᬲᬸᬓᬫᬬᬂᬤᬶᬧᬸᬜᬦᬾ᭞ᬬᬦ᭄ᬲᬫ᭄ᬧᬸᬦᬶᬓᬶᬢᬸᬳᬸ᭞ᬓ
