[᭕᭐ 50B]
᭕᭐
ᬢ᭄ᬫᬢ᭟ᬓ᭄ᬭᬡᬮᬫ᭄ᬧ᭄ᬬᬲ᭄ᬫᭂᬲᬬᬾᬳ᭄ᬬ᭞ᬲᬸᬲᬸᬢᬷᬦ᭄ᬲᬬᬦᬸᬫᬷᬮᬶ᭞ᬚᬮᬦ᭄ᬚᬦᬶᬩᬶᬩᬶᬩᬸᬤᬮ᭄᭞᭠ᬫᬦ᭄ᬢᬸᬓ᭄ᬫᬯᬮᬶᬓᬧᬸᬭᬷ᭞ᬢᬸᬫᬸᬮᬶᬭᬭᬶᬲ᭄ᬫ᭄ᬫᬫᬃᬕ᭄ᬕᬶ᭞ᬭᬯᬸᬄᬭᬶᬂᬧᬭ᭄ᬬᬦ᭄ᬲᬵᬫ᭄ᬧᬸᬦ᭄᭞ᬗᬾᬮᬶᬗᬶᬦ᭄ᬕᭀᬦᬾᬲᭀ᭠
ᬯᬂ᭞ᬚᬦᬶᬬᬦᬸᬘᬧᬂᬯ᭄ᬗᬶ᭞ᬲᬫᬶᬲᬵᬫ᭄ᬧᬸᬦ᭄᭞ᬲᬶᬋᬧᬶᬤᬤᬶᬧᬫᬺᬫᬦ᭄᭟ᬳᬸᬥᬹᬄᬘ᭄ᬦᬶᬂᬘᬸᬘᬸᬦ᭄ᬧ᭄ᬓ᭠ᬓ᭄᭞ᬧᬭᬶᬲᭀᬮᬳᬦᬓᬶᬲ᭄ᬢ᭄ᬭᬷ᭞ᬧ᭄ᬭᬚ᭄ᬜᬦ᭄ᬬᬦ᭄ᬗᬯᬾᬤᬮᬶᬳᬦ᭄᭞ᬜᬭᬸᬯᬂᬩᬸᬯᬗᬾᬘ᭄ᬦᬶᬂᬗᬚ᭄ᬗᬄᬬᬦᬤᬳᬸᬦᬶᬂ᭞
ᬦᬗ᭄ᬳᬶᬂᬲᬭᬸᬲᬭᬸᬩᬶᬭᬸ᭞ᬬ᭞ᬚᬢᬶᬦᬾᬬᬲᬸᬩᬕᬤᬂ᭞ᬬᬦᭂᬂᬦ᭄ᬢᭀᬩᬓᬢ᭄ᬚᭂᬚᭂᬳᬶᬦ᭄᭞ᬓᬤᬾᬦ᭄ᬗᬫ᭄ᬩᬸᬮ᭄᭞ᬧᬫ᭄ᬭᬕᬢ᭄ᬦᬕᬶᬄᬧ᭄ᬭᬕᬢᬂ᭟ᬘ᭄ᬦᬶᬂᬦᭂᬲᭂᬓᬦᬓ᭄ᬩᬚᬂ᭞ᬧᬮᬶᬬᬢ᭄ᬜᬦᬾᬢᬶᬗᬮᬶᬦ᭄᭞ᬬᬦ᭄
ᬲᬼᬤᬾᬢ᭄ᬤᬸᬯᭂᬓ᭄ᬦᬜ᭄ᬘᭂᬩᬂ᭞ᬤᬸᬮᬸᬭᬶᬦ᭄ᬓᭂᬜᭂᬫᬕᬶᬕᬶᬲ᭄᭞ᬲᭀᬮᬳᬾᬫᬾᬦ᭄ᬢᭀᬲ᭄ᬜᬶᬗ᭄ᬕᬸᬓᬶᬦ᭄᭞ᬫᬓ᭄ᬢᭂᬫ᭄ᬗᬭᬾᬫᭀᬦ᭄ᬮᬯᬸᬢ᭄᭞ᬳᭂᬦ᭄ᬢᭀᬓᬳᬗ᭄ᬕᭀᬦ᭄ᬤᬮᬶᬳᬦ᭄᭞ᬳ᭄ᬤᬘ᭄ᬦᬶᬂᬩ᭄ᬯᬶᬦ᭄ᬲᬗ᭄ᬕᬶᬭᬶ᭞ᬤᬶᬫᬦ᭄ᬕᭂᬮᬸᬢ᭄
[᭕᭑ 51A]
᭞ᬩᬗ᭄ᬓ᭄ᬬᬗᬾᬮᬯᬸᬢ᭄ᬕᬶᬲᬶᬬᬂ᭟ᬚᬦᬶᬲᬸᬩᬧ᭄ᬢᭂᬂᬯᬬᬄ᭞ᬲᬶᬋᬧ᭄ᬤᬾᬯᬶᬧᬡ᭄ᬥᬫ᭄ᬲᬭᬷ᭞ᬢᬸᬫᬸᬮᬶᬳᬶᬤᬜᬸᬫ᭄ᬧ᭄ᬦ᭞ᬫᬢ᭄ᬫᬸᬤᬶᬧᬸᬘᬓᬵᬤ᭄ᬭᬶ᭞ᬅᬃᬘ᭄ᬘᬫᬩᬶᬓ᭄ᬫᬘᬗ᭄ᬓ᭄ᬭᬫᬶ᭞ᬗᬶᬭᬶᬂᬲᬂᬆᬃᬚ᭄ᬚᬦᬤᬶᬢᬸ᭞ᬮᬯᬸᬢ᭄ᬫᬳ᭠
ᬫ᭄ᬬᬦᬫ᭄ᬬᬦᬦ᭄᭞ᬲᬮᬶᬂᬢᬸᬦ᭄ᬥᬓ᭄ᬲᬮᬶᬂᬢᬸᬦ᭄ᬥᬶᬓ᭄᭞ᬲᬮᬶᬗᬸᬲᬸᬤ᭄᭞ᬦᬶᬫ᭄ᬧᬳᬶᬦ᭄ᬧᬸᬧᬸᬦᭂᬳ᭄ᬦᬂ᭟᭠ᬲᬂᬆᬃᬚ᭄ᬚᬸᬦᬲᬬᬦ᭄ᬲᬬᬦ᭄᭞ᬫᬗᬸᬲᬸᬤᬶᬦᬦᬾᬳᬶᬮᬶᬤ᭄᭞ᬢᬸᬲᬶᬂᬤᬤᬶᬩᬦ᭄ᬗᭂᬮᬶᬤᬂ᭞ᬫᬦ᭄ᬤᬶᬫᬦ᭄ᬫᬗ᭄ᬢᬾ
ᬢ᭄ᬧᬶᬧᬶ᭞ᬲᬩᬸᬓᬾᬮᬯᬸᬢ᭄ᬓᬮᬸᬲᬶᬦ᭄᭞ᬯᬲ᭄ᬢ᭄ᬭᬦᬾᬓᬧ᭄ᬮᬶᬢᬂᬲᬵᬫ᭄ᬧᬸᬦ᭄᭞ᬳᭂᬦ᭄ᬢᭂᬦᬶᬤᬫᬓᭂᬲ᭄ᬬᬩ᭄᭞ᬗᬧᬸᬧᬸᬗᬦ᭄ᬧᬸᬮᬂᬧᬮᬶᬂ᭞ᬕᬍᬂᬢᬸᬫ᭄ᬧᬸᬓ᭄᭞ᬕᬸᬭᬧᬾᬓᬕ᭄ᬮᬸᬢ᭄ᬤᬶᬫᬦ᭄᭟ᬳᬾᬮᬶᬗᬶᬤᬢ᭄ᬓᬾᬦ᭄ᬭᬕ
᭞ᬩ᭄ᬗᭀᬂᬩ᭄ᬗᭀᬂᬫᬗᬸᬭᬶᬫᬶᬓ᭄᭞ᬤ᭞ᬮᬸᬤᬶᬦ᭄ᬧᬜᬶᬗᬓᬦ᭄ᬲᬧ᭄ᬦᬦ᭄᭞ᬲᬂᬆᬃᬚ᭄ᬚᬸᬦᬫᬦᬫ᭄ᬩᭂᬮᬶᬦ᭄᭞ᬢᬦ᭄ᬲᬶᬤ᭄ᬥᬓ᭄ᬮᬾᬲᬓᬶᬤᬶᬓ᭄᭞ᬓᬬᬸᬦᬾᬲᬬᬦᬸᬮᬗᬸᬦ᭄᭞ᬫᬗᬫᬾᬗᬫᬾᬲᬂᬧᬵᬂᬣ᭞ᬓᬦ᭄ᬤᬸᬕᬶ
Kaca:Bali-lontar-gaguritan-gde-upeksa-300ppi.pdf/51
Kaca puniki sampun kauji-wacén
