Kaca:Bali-lontar-gaguritan-indra-bang-induraja-300ppi.pdf/122

[ ᭑᭒᭑ 121B]
᭑᭒᭑᭞
ᬗ᭄ᬲᬶᬳᬸᬫᬄᬲᬸᬯᬂᬲᬸᬯᬂ᭟ᬲᬫ᭄ᬢᬸᬓᬾᬧ᭄ᬭᬧᬸᬢ᭄ᬭᬦᬾᬲᬫᬶ᭞ᬫᬗ᭄ᬭᬯᭀᬲᬂ᭞ᬭᬕᬦ᭄ᬤᬦᬾᬲᬤ᭄ᬬ᭞ᬦᬸᬭᬳᬬᬸᬦᬵᬕᬭᬦᬾ᭞ᬳᭂᬦᭂᬗᬂᬧᬸᬦᬶᬓᬤᬸᬫᬸᬦ᭄᭞ᬲᬂᬦ᭄ᬤ᭄ᬭᬩᬗ᭄ᬲ᭄ᬯ
ᬡᬫᬗ᭄ᬓᬶᬦ᭄᭞ᬧᬸᬦᬶᬓᬵᬫᬮᬶᬄᬳᬸᬘᬧᬂ᭞ᬲᬫ᭄ᬧᬸᬦ᭄ᬫᬗ᭄ᬓᬶᬦ᭄ᬭᬯᬸᬄ᭞ᬦᬧᬓ᭄ᬭᬶᬂᬳᬸᬫᬄᬲᬂᬬᬓ᭄ᬱ᭞ᬤᬶᬢᬸᬮᬯᬸᬢ᭄᭞ᬦᬶᬦᬶᬦᬾᬫᬜᬧᬳᬭᬶᬲ᭄᭞ᬳᬸᬤᬸᬄᬤᬾᬯᬘᬸᬘᬸᬦ᭄ᬢᬶᬢ᭄ᬬᬂ
᭞ᬲᬧᬸᬦᬧᬶᬧᬫᬃᬕ᭄ᬕᬶᬦ᭄ᬳᬶᬕᬸᬲ᭄ᬢᬶ᭞ᬭᬶᬂᬧᬬᬸᬥᬦ᭄᭞ᬳᭀᬃᬢ᭄ᬢᬳᬶᬜ᭄ᬚᬢᬶᬢ᭄ᬬᬂ᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬲᬯᬸᬭᬾ᭞ᬢᭂᬮᬲ᭄ᬓᬢᬸᬢᬸᬭᬂᬲᬫ᭄ᬧᬸᬦ᭄᭞ᬲᬧ᭄ᬭᬢᬶᬗ᭄ᬓᬳᬾᬭᬶᬂᬚᬸᬭᬶᬢ᭄᭞ᬲᬂᬧ᭄ᬭᬪᬸᬧᭀᬮᬶᬄ
ᬓᬩᬸᬦ᭄ᬢᭂᬮᬂ᭞ᬭᬶᬂᬧ᭄ᬭᬭᬢᬸᬤᬶᬢᬸ᭞ᬲᬳᬩᬮᬲ᭄ᬬᬦᬵᬕᬭ᭞ᬤᬶᬢᬸᬢᬶᬢ᭄ᬬᬂ᭞ᬮᬯᬸᬢ᭄ᬢᭂᬥᬸᬦ᭄ᬫᬕᬸᬢ᭄ᬚᬸᬭᬶᬢ᭄᭞ᬫᬗ᭄ᬮᬯᬦ᭄ᬲᬂᬧ᭄ᬭᬧᬸᬢ᭄ᬭ᭟ᬲ᭄ᬬᬦᬵᬕᬭᬢᬶᬢ᭄ᬬᬂᬦᬗ᭄ᬓᭂᬧᬶᬦ᭄᭞ᬧᬤᬾᬯᬾᬓᬦ᭄᭞ᬭᬶᬂᬢᭂᬗᬄ
[ ᭑᭒᭒ 122A]
ᬧᬧ᭄ᬭᬗᬦ᭄᭞ᬫᬳᬸᬥᬲᭀᬭᭀᬂᬫᬜᭀᬭᭀᬂ᭞ᬧ᭄ᬭᬧᬸᬢ᭄ᬭᬦᬾᬭᬭᬶᬲ᭄ᬭᬭᬸᬤ᭄᭞ᬢᭂᬮᬲ᭄ᬓᬧᬶᬤᬃᬢ᭄ᬢᬵᬲᬫᬶ᭞ᬭᬶᬂᬭᬤᬾᬦᬵᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬦᬶᬦᬶᬦᬾᬫᬲᬯᬸᬃ᭞ᬇᬗ᭄ᬕᬶᬄᬬᬦᬶᬂᬲᬧᬸᬦᬶᬓ᭞ᬩᭂᬘᬶᬓ᭄ᬫᬗ᭄ᬓᬶᬦ᭄᭞
ᬢ᭄ᬭᬗᬂᬭᬕᬦ᭄ᬳᬶᬕᬸᬲ᭄ᬢᬶ᭞ᬫᬢᬸᬃᬭᬶᬂᬳᬶᬤᬲᬂᬦᬵᬣ᭟ᬤᬾᬦᬶᬂᬰᬢ᭄ᬭᬸᬦ᭄ᬲᬂᬧ᭄ᬭᬪᬸᬦᬾᬲᬫᬶ᭞ᬢᭂᬮᬲ᭄ᬩᬸᬤᬮ᭄᭞ᬓᬲᭀᬃᬳᬦ᭄ᬢᬸᬓ᭄ᬳᬶᬤ᭞ᬲᬯᬢᭂᬓ᭄ᬧᬭᬭᬢᬸᬦᬾ᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬫᬲᬯᬸᬃ᭞ᬇᬗ᭄ᬕᬶᬄᬧᬦ᭄ᬤᬶ
ᬓᬦᬶᬦᬶ᭞ᬢᬶᬢ᭄ᬬᬂᬗᬶᬭᬶᬂᬩᬾᬜ᭄ᬚᬂᬮᬸᬗ᭄ᬳ᭞ᬫᬜᬦ᭄ᬢᭂᬦᬂᬤᬸᬫᬸᬦ᭄᭞ᬭᬵᬚᬵᬳᬧᬸᬢ᭄ᬭᬶᬓᬦᬵᬕᬭ᭞ᬓᬾᬦ᭄ᬓᬾᬦ᭄ᬚᭂᬦᭂᬂ᭞ᬓᬬᬸᬦ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬢᬶᬢ᭄ᬬᬂᬚᬕᬵᬫᬦᭂᬢᭂᬲᬂ᭟ᬳ᭄ᬦᭂᬗᬂᬤᬸᬫᬸᬦ᭄ᬧᬗ᭄ᬭᬯᭀᬲᬾᬫᬗ᭄ᬓᬶᬦ᭄᭞ᬘ
ᬭᬶᬢᬬᬂ᭞ᬩᬾᬜ᭄ᬚᬂᬧᬲᭂᬫᭂᬗᬦ᭄᭞ᬮᬸᬫᬭᬳᭂᬦ᭄ᬤᬕ᭄ᬲᬸᬃᬬ᭄ᬬᬦᬾ᭞ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬮᬯᬸᬢ᭄᭞ᬜᬮᬸᬓ᭄ᬲᬭᬸᬂᬫᬜᬾᬢ᭄ᬕᭂᬮᬶᬲ᭄᭞ᬓᬢᭀᬲ᭄ᬓᬰᬓ᭄ᬢ᭄ᬬᬦ᭄ᬧᬸᬦᬶᬓ᭞ᬲᬫ᭄ᬧᬸᬦ᭄ᬳᬸᬓᬦ᭄ᬜᬮᬸᬓ᭄᭞ᬫᬗᬭᬶᬲᬶ᭠