Kaca:Bali-lontar-gaguritan-indra-bang-induraja-300ppi.pdf/128

Kaca puniki sampun kauji-wacén

[ ᭑᭒᭗ 127B]
᭑᭒᭗᭞
ᬦ᭄᭞ᬢᬶᬢ᭄ᬬᬂᬓᬫ᭄ᬩᬶᬮ᭄ᬭᬶᬂᬲᬂᬦᬵᬣ᭞ᬭᬕᬵᬓᬗ᭄ᬕᬾᬦ᭄ᬫᬦ᭄ᬢᬸ᭞ᬫᬓᬲ᭄ᬯᬫᬶᬦ᭄ᬭᬚᬚ᭄ᬯᬶᬢ᭞ᬯᬦ᭄ᬢᬄᬦᬶᬓ᭞ᬳᬢᬸᬭᬂᬢᬶᬢ᭄ᬬᬂᬭᬶᬂᬦᬶᬦᬶ᭞ᬫᬗ᭄ᬤᬾᬦᬶᬦᬶᬲᬳᬸᬦᬶᬗ᭟ᬫᬮᬶᬄᬢᬶᬕᬂᬤᬶᬦᬢᬶᬕᬂᬯᭂ
ᬗᬶ᭞ᬓᬬᬸᬦ᭄ᬳᬶᬤ᭞ᬲᬂᬦᬵᬣᬗᬃᬬ᭄ᬬᬦᬂ᭞ᬢᬶᬢ᭄ᬬᬂᬭᬶᬂᬭᬵᬚᬧᬸᬢ᭄ᬭᬶᬦᬾ᭞ᬢᭀᬓ᭄ᬭᬡᬵᬢᬶᬢ᭄ᬬᬂᬭᬯᬸᬄ᭞ᬫᬭᬶᬓᬶᬗᬸᬦᬶᬗᬂᬫᬗ᭄ᬓᬶᬦ᭄᭞ᬦᬶᬦᬶᬦᬾᬫᬲᬯᬸᬃᬕᬗ᭄ᬲᬃ᭞ᬳᬸᬤᬸᬄᬤᬾᬯᬩᬕᬸᬲ᭄᭞
ᬓᬸᬤᬦᬾᬩᭂᬘᬶᬓ᭄ᬳᬦ᭄ᬢᬸᬓᬂ᭞ᬦᬗ᭄ᬳᬶᬂᬕᬸᬲ᭄ᬢᬶ᭞ᬳᬸᬲᬦᬂᬫᬗ᭄ᬓᬶᬦ᭄ᬋᬱ᭄ᬡᬵᬳᬶᬦ᭄᭞ᬇᬚᬗ᭄ᬕᬆᬃᬚ᭄ᬚᬶᬫ᭄ᬧᬸᬦᬶᬓᬵ᭞ᬬᬦᬶᬂᬕᬸᬲ᭄ᬢᬶᬓᬬᬸᬦ᭄ᬫᬫᬃᬕ᭄ᬕᬶᬩ᭄ᬯᬶᬦ᭄᭞ᬚᬕᬮᬸᬗ᭄ᬳ᭞ᬢᬶᬢ᭄ᬬᬂᬫᬗ᭄ᬭᬯᬸᬳᬂ᭞ᬧᬸᬦᬶ
ᬓᬵᬧᬘᬂᬳᬯᬦᬾ᭞ᬭᬭᬶᬲ᭄ᬜᬶᬧ᭄ᬝᬵᬫᬦᬶᬓ᭄ᬭᬯᬸᬄ᭞ᬮᬯᬸᬢ᭄ᬗᬦ᭄ᬤᬶᬓᬲᬂᬬᬓ᭄ᬱᬶ᭞ᬳᬸᬤᬸᬄᬤᬾᬯᬘᬸᬘᬸᬦ᭄ᬢᬶᬢ᭄ᬬᬂ᭞ᬳᬫ᭄ᬩᬶᬮᬶᬦ᭄ᬧᬸᬦᬶᬓᬸ᭞ᬫᬦᬶᬓ᭄ᬓᭀᬫᬮᬳᬶᬓ᭄ᬫᬢ᭄᭞ᬬᬦ᭄ᬯᬲ᭄ᬢᬦᬾ᭞ᬲᬘᬶᬢ᭄ᬢ
[ ᭑᭒᭘ 128A]
ᬓᬬᬸᬦ᭄ᬳᬶᬕᬸᬲ᭄ᬢᬶᬲᬫᬶᬫᬥᬕᬶᬂᬳᬶᬭᬶᬓᬵ᭟ᬫᬮᬶᬄᬯᬾᬦ᭄ᬢᭂᬦ᭄ᬧᭂᬓᬬᬸᬦᬦ᭄ᬕᬸᬲ᭄ᬢᬶ᭞ᬗᬯᬗᬸᬦᬂᬦᬵᬕᬭᬳᬩᬶᬤᬂ᭞ᬭᬯᬸᬄᬭᬶᬂᬤᬕᬶᬂᬳᬶᬧᬸᬦᬾ᭞ᬯᬦ᭄ᬢᬄᬫᬜᬶᬤᬬᬂᬭᬢᬸ᭞ᬇ
ᬭᬶᬓᬯᬾᬦ᭄ᬢᭂᬦ᭄ᬫᬤᬕᬶᬂ᭞ᬓᬓᬮᬶᬄᬧᬗᬸᬮᬸᬦ᭄ᬩᬮ᭞ᬬᬦᬶᬯᬲ᭄ᬢᬦ᭄ᬳᬶᬧᬸᬦ᭄᭞ᬦᬾᬳᬮᬶᬢᬦ᭄ᬤᬾᬓᬃᬤᬾᬯ᭞ᬦᬾᬓᭂᬮ᭄ᬬᬦ᭄᭞ᬫᬯᬲ᭄ᬢᬳᬶᬤᬾᬓᬃᬲᬭᬶ᭞ᬧᬸᬦᬶᬓᬳᬶᬧᬸ
ᬦ᭄ᬫᬜᬫ᭟ᬤᬶᬢᬸᬚᬦᬶᬲᬂᬬᬓ᭄ᬱᬶᬦᬵᬳᬭᬶᬦ᭄᭞ᬫᬗᬺᬳᭂᬧᬂ᭞ᬗᬘᭂᬧᬂᬧᬸᬦᬶᬓ᭞ᬫᬦᬶᬓ᭄ᬓᭀᬫᬮᬇᬓ᭄ᬫᬢᬾ᭞ᬳᬚᬳᬦ᭄ᬲᬕᬾᬢᬦ᭄ᬧᭂᬲᬸ᭞ᬤᬾᬓᬃᬳᬚᬓᬵᬓᬓᬮᬶᬄ
᭞ᬫᬜᭀᬗ᭄ᬓᭀᬓ᭄ᬮᬯᬸᬢ᭄ᬜᬸᬫ᭄ᬩᬄ᭞ᬭᬶᬂᬲᬂᬬᬓ᭄ᬱᬶᬤᬶᬢᬸ᭞ᬭᬭᬶᬲ᭄ᬫᬢᬸᬃᬫᬦᬸᬦᬲᬂ᭞ᬳᬦ᭄ᬢᬸᬓ᭄ᬦᬧᬶ᭞ᬳᬯᬦᬦ᭄ᬕᬸᬲ᭄ᬢᬶᬗᭂᬲᬾᬗᬶᬦ᭄᭞ᬢᬶᬢ᭄ᬬᬂᬲᬂᬓᬭᭀᬭᬶᬂᬜᬫ᭟ᬳᬤᬸᬄ