Kaca:Bali-lontar-gaguritan-indra-bang-induraja-300ppi.pdf/133

[ ᭑᭓᭒ 132B]
᭑᭓᭒᭞
ᬧᬸᬦᬶᬓᬤᬸᬫᬸᬦ᭄᭞ᬧ᭄ᬭᬧᬸᬢ᭄ᬭᬦᬾᬲ᭄ᬬᬦᬵᬕᬭ᭟ᬧᬸᬦᬶᬓᬳᬸᬘᬧᬂᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬚᬗ᭄ᬓᭂᬧ᭄ᬧᬶᬢᬸᬂᬤᬶᬦ᭞ᬳᬾᬮᬶᬂᬭᬶᬂᬳᬸᬪᬬᬦᬾ᭞ᬭᬭᬶᬲ᭄ᬫᬫᬃᬕ᭄ᬕᬶᬲᬕᬺᬳᬦ᭄᭞ᬲᬫᬶᬫᬗᬯᬵᬳᬶ
ᬭᬶᬗᬦ᭄᭞ᬲᬭᬶᬢᬬᬂᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬓᭀᬢᬳᬦ᭄ᬢᬄᬧ᭄ᬭᬫᬡ᭟ᬲᬫ᭄ᬧᬸᬦ᭄ᬓᬧᬶᬋᬗᬂᬳᭀᬃᬢ᭄ᬢᬶ᭞ᬭᬶᬂᬭᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬧ᭄ᬭᬧᬸᬢ᭄ᬭᬦᬾᬭᬯᬸᬄᬋᬓᭀ᭞ᬤᬾᬓᬭᬾᬓ
ᬧᬦ᭄ᬤᬶᬓᬬᬂ᭞ᬲᬓᬭᭀᬦᬾᬧᬚᬮᬦ᭄᭞ᬫᭂᬦ᭄ᬤᬓᬶᬦ᭄ᬲᬫ᭄ᬧᬸᬦ᭄ᬫᬲᬸᬦ᭄ᬤᬸᬓ᭄᭞ᬧ᭄ᬭᬧᬸᬢ᭄ᬭᬦᬾᬢᭂᬗᬳᬶᬂᬫᬃᬕ᭄ᬕ᭟ᬤᬾᬓᬭᬾᬫᬳᬢᬸᬃᬕᭂᬮᬶᬲ᭄᭞ᬢᬶᬢ᭄ᬬᬂᬯᬦ᭄ᬢᬄᬓᬦ᭄ᬤᬶᬓᬬᬂ᭞ᬫᭂᬦ᭄ᬤ
ᬓᬶᬦ᭄ᬳᬦ᭄ᬢᬸᬓ᭄ᬭᬓᬦᬾ᭞ᬫᬗ᭄ᬭᬭᬶᬲ᭄ᬭᬢᬸᬫᬫᬃᬕ᭄ᬕ᭞ᬤᬸᬭᬸᬲᬂᬗ᭄ᬭᬜ᭄ᬚᬶᬂᬓᬓᭀᬢ᭞ᬧ᭄ᬭᬧᬸᬢ᭄ᬭᬦᬾᬲᬤᬕᭂᬮᬸ᭞ᬕᬯᭀᬓ᭄ᬓᬬᬸᬦᬾᬓᬮᬶᬦ᭄ᬢᬂ᭟ᬤᬦᬾᬤᬶᬢᬸᬫᬜᬶᬗᬓᬶᬦ᭄᭞ᬲᬕᬾᬢ᭄ᬲᭂ᭠
[ ᭑᭓᭓ 133A]
ᬮᬸᬦ᭄ᬤᬤᬶᬓᭀᬢ᭞ᬳᬜᬃᬓᬮᬶᬦ᭄ᬢᬂᬚᬶᬫ᭄ᬩᬭᬾ᭞ᬫᬲᬯᬸᬃᬲᬂᬧᬭᬧᬸᬢ᭄ᬭ᭞ᬬᬦᬾᬫᬵᬗ᭄ᬓᬶᬦ᭄ᬤᬶᬚᬕ᭄ᬦᬄ᭞ᬳᬶᬤᬳᬶᬩᭂᬮᬶᬫᬮᬸᬗ᭄ᬕᬸᬄ᭞ᬭᬳᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬫᬢᬸᬃᬤᬾᬓᬭᬾ
ᬓᬓᬮᬶᬄ᭞ᬇᬗ᭄ᬕᬶᬄᬬᬦ᭄ᬭᬓᬳᬶᬤᬾᬯᬵ᭞ᬦᬾᬫᬗ᭄ᬓᬶᬦ᭄ᬮᬶᬗ᭄ᬕᬶᬄᬳᬶᬤᬦᬾ᭞ᬇᬭᬶᬓᬭᬶᬂᬓᭀᬢᬳᬜᬃ᭞ᬩᭂᬗᭀᬂᬳᬗᭀᬩ᭄ᬲᬂᬧ᭄ᬭᬧᬸᬢ᭄ᬭ᭞ᬗᬦ᭄ᬢᭂᬦᬂᬓᭀᬢᬦᬾᬮᬸᬳᬸᬂ᭞ᬫᬗ᭄ᬭ
ᬭᬶᬲ᭄ᬤᬦᬾᬫᬫᬃᬕ᭄ᬕ᭟ᬓᭀᬢᬩᬭᬸᬦᬾᬓᬳᬸᬗ᭄ᬲᬶ᭞ᬤᬾᬓᬭᬾᬤᬤ᭄ᬯᬗᬢᭂᬳᬂ᭞ᬧᬫᬃᬕ᭄ᬕᬶᬦ᭄ᬧ᭄ᬭᬧᬸᬢ᭄ᬭᬦᬾ᭞ᬧᬘᬂᬧᬋᬓ᭄ᬭᬶᬂᬭᬳᬤ᭄ᬬᬦ᭄᭞ᬢᬓᭀᬘᬧᬤᬶᬚᬮᬦ᭄᭞ᬕᭂᬮᬶᬲ᭄ᬫᬗ᭄ᬓᬶᬦ᭄ᬲ
ᬫ᭄ᬧᬸᬦ᭄ᬭᬯᬸᬄ᭞ᬇᬭᬶᬓᬵᬭᬶᬂᬓᭀᬢᬳᬜᬃ᭟ᬫᬗ᭄ᬭᬭᬶᬲ᭄ᬤᬦᬾᬫᬗ᭄ᬭᬜ᭄ᬚᬶᬂ᭞ᬲᬕᬺᬳᬦ᭄ᬭᬯᬶᬂᬳᬶᬭᬶᬗᬦ᭄᭞ᬲᬭᬯᬸᬳᬾᬲᬫᬶᬜᭀᬗ᭄ᬓᭀᬓ᭄᭞ᬭᬶᬂᬳᬬᬸᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬫᬩ᭄ᬭᬶᬬᬸ