[ ᭗᭖ 76B]
᭗᭖᭞
ᬳᬗ᭄ᬕᬾᬦᬢᬡ᭄ᬥ᭞ᬲᬂᬭᬵᬣᬯᬲ᭄ᬧᬤᬗᬓ᭄ᬱᬶ᭞ᬢ᭄ᬯᬭᬳᬤᬓᬘᬶᬗᬓᬶᬦ᭄᭞᭠ᬫᬢᬦᬾᬫᬓᬵᬤᬶᬘᬸᬗᬸᬄ᭞ᬤᬾᬦᬶᬂᬧᬸᬦᬶᬓᬵᬓᬩ᭄ᬯᬢᬂ᭞ᬢᬸᬃᬲᬯᬸᬳᬂᬳᬶᬤᬫᬸᬜᬶ᭞ᬢᭂᬓᬾ
ᬦ᭄ᬧᬭ᭞ᬭᬢᬸᬦᬾ ᬤᬶᬢᬸᬫᬓᭂᬚᬂ᭟ᬤᬤᬶᬩᭂᬗᭀᬂᬰ᭄ᬭᬷᬦᬭᬾᬦ᭄ᬤ᭄ᬭ᭞ᬫᬧᬶᬦᭂᬄᬧᬶᬦᭂᬄᬤᬶᬳᬢᬶ᭞ᬳᭂᬦᬾᬢ᭄ᬯᬭᬳᬤᬢ᭄ᬭᬂ᭞ᬘᬶᬭᬶᬦᬾᬳᬩᬦᬫᬳᬶ᭞ᬬᬦᬶᬂᬳᬶᬩᬸᬭᬓ᭄ᬱᬵ
ᬚᬢᬶ᭞ᬧᬧᬶᬢᬸᬢ᭄ᬯᬄᬬᬫᬘᬸᬗᬸᬄ᭞ᬧᬧᬶᬢᬸᬬᬫᬫᬢ᭞ᬲᬶᬂᬚᬢᬾᬬᬢ᭄ᬯᬭᬚᬢᬶ᭞ᬓᬾᬢᭀᬧᬶᬦᭂᬄ᭞ᬳᬶᬤᬮᬯᬸᬢ᭄ᬫᬗᬦ᭄ᬤᬶᬓᬵ᭟ᬦᬾᬤᬾᬯᬳᬚᬓ᭄ᬫᬓᭂᬚᬂ᭞ᬫᬋᬩᬢ᭄ᬧ᭠
ᬥᬫᬗᬓ᭄ᬯᬶᬦ᭄᭞ᬗᭂᬫᬢ᭄ᬬᬂᬇᬩᬸᬭᬓ᭄ᬱ᭞ᬫᬓᭂᬚᬂᬧᬥᬫ᭄ᬩᭀᬬᬦᬶᬦ᭄᭞ᬤᬾᬦᬶᬂᬢ᭄ᬯᬭᬳᬤᬩᬸᬓ᭄ᬢᬶ᭞ᬘᬶᬭᬶᬦ᭄ᬜᬦ᭄ᬤᬂᬧᬘᬂᬕᬸᬕᬸ᭞ᬤᬾᬦᬶᬂᬘᬸᬗᬸᬄᬫᬶᬯᬄᬫᬢ᭞ᬦᬾᬧᬘᬂᬩ᭄ᬯᬢᬂ
[ ᭗᭗ 77A]
ᬳᬮᬶᬄ᭞ᬢ᭄ᬯᬭᬤᬶᬦᬶ᭞ᬫᬧᬦ᭄ᬢᭀᬲᬯᬸᬳᬂᬳᬶᬤ᭟ᬧᬫᬸᬜᬶᬦ᭄ᬜᬧᬦᬾᬲᬸᬩ᭞ᬳᭂᬜᬾᬦ᭄ᬚᬫᬓᬢᬂᬗᬮᬶᬄ᭞ᬘᬸᬗᬸᬄᬫᬢᬇᬩᬸᬭᬓ᭄ᬱᬵ᭞ᬢᭀᬫᬜᬸᬯᬂᬦᬦᬓ᭄ᬤᬾᬯᬶ᭞ᬮᬯᬸ
ᬢ᭄ᬫᬗᬗ᭄ᬕᭀᬦ᭄ᬭᬩᬶ᭞ᬩᬧᬵᬧᬘᬂᬦᬸᬤᬸᬓ᭄ᬫᬦ᭄ᬢᬸ᭞ᬚᬦᬶᬫᬧᬦ᭄ᬢ᭄ᬯᬭᬲᬶᬤ᭄ᬥ᭞ᬩᬓᬢ᭄ᬲᬦᬾᬧᬘᬂᬳᬮᬶᬄ᭞ᬢ᭄ᬯᬄᬳᬫ᭄ᬩᬸᬮ᭄ᬢᭀ᭞ᬯᬘᬡᬦ᭄ᬳᬶᬤᬲᬂᬦᬵᬣ᭟ᬭᬶᬂᬧ᭄ᬭᬫᬦ᭄ᬢ᭄ᬭᬶᬦᬾᬳᬶᬭᬶᬓᬵ᭞ᬲ
ᬫᭀᬯᬸᬦ᭄ᬢᬢᬲ᭄ᬲᬋᬂᬲᬫᬶ᭞ᬳᭂᬗ᭄ᬲᭂᬓ᭄ᬫᬓ᭄ᬮᬶᬬᭂᬩ᭄ᬫᬓᭂᬚᬂ᭞ᬫᬶᬋᬂᬧᬦ᭄ᬤᬶᬓᬦ᭄ᬲᬗᬚᬶ᭞ᬫᬾᬭᬂᬓᬬᬸᬦᬾᬫᬗ᭄ᬭᬭᬶᬲ᭄᭞ᬫᬢᬸᬮᬓ᭄ᬲᭂᬩᭂᬗᬾᬩᭂᬦ᭄ᬤᬸ᭞ᬳᭂᬦᭂᬗᬂᬤᬸᬫᬸᬦ᭄ᬧᬸᬦᬶᬓ᭞ᬇ
ᬦ᭄ᬤ᭄ᬭᬩᬗ᭄ᬲ᭄ᬯᬡᬦᬾᬫᬗ᭄ᬓᬶᬦ᭄᭞ᬘᬭᬶᬢᬬᬂ᭞ᬧᬫᬃᬕ᭄ᬕᬶᬦᬾᬕᭂᬕᬗ᭄ᬲᬭᬦ᭄᭟ᬫᬗᬸ᭠ᬗ᭄ᬲᬶᬳᬸᬫᬄᬲᬂᬬᬓ᭄ᬱ᭞ᬓᭀᬘᬧ᭄ᬲᬫ᭄ᬧᬸᬦ᭄ᬭᬯᬸᬄᬫᬗ᭄ᬓᬶᬦ᭄᭞ᬭᬶᬂᬳᬋᬧᬦᬾᬲᬂᬬᬓ᭄ᬱᬵ᭞
Kaca:Bali-lontar-gaguritan-indra-bang-induraja-300ppi.pdf/77
Kaca puniki sampun kauji-wacén
