[᭑᭑ 11B]
᭑᭑
ᬗᬸᬓᬚᬦᬶ᭞ᬓᭀᬦ᭄ᬤᬾᬦ᭄ᬩᬶᬱᬫᬢᬶᬦ᭄ᬤᬶᬓᬦ᭄᭞ᬘᬳᬶᬗᬦ᭄ᬤᭀᬂᬩᬧᬤᬤᬶ᭞ᬳᬶᬓᬧ᭄ᬮᬾᬕᬦ᭄ᬫᬜᬳᬸᬭᬶᬦ᭄᭞ᬳᬶᬗ᭄ᬕᬶᬄᬢᬸᬫᬸᬮᬶᬮᬸᬫᬓᬸ᭞ᬢᬸᬃᬲᬸᬩᬬᬫᬗᬦ᭄ᬤᭀᬂ᭞ᬢ᭄ᬯᬭᬓᭀᬘᬧᬦ᭄ᬤᬶᬫᬃᬕ᭄ᬕᬶ᭞
ᬳ᭄ᬤᭀᬄᬲᬵᬫ᭄ᬧᬸᬦ᭄᭞ᬫᬗ᭄ᬮᬶᬯᬢ᭄ᬘᬭᬶᬓᬾᬜᬭᬂ᭟ᬲᬓᬶᬂᬕᭂᬮᬶᬲ᭄ᬘᬭᬶᬢᬬᬂ᭞ᬲᬸᬩᬬᬦᭂ᭠ᬓᭂᬤ᭄ᬦᬾᬚᬦᬶ᭞ᬤᬶᬢᬸᬤᬶᬢᭂᬕᬮ᭄ᬢ᭄ᬭᬂᬚᬂ᭞ᬜᬶᬫ᭄ᬧᬃᬫᬜᬶᬲᬶᬦ᭄ᬧᬲᬶᬲᬶ᭞ᬘᬦᬗᬦ᭄ᬜᬦᬾᬩᭂᬘᬶᬓ᭄᭞
ᬦ᭄ᬢᭀᬬᬚᬦᬶᬓᬤᬸᬮᬸᬄ᭞ᬫᬗᬸᬗ᭄ᬲᬶᬳᭀᬭᭀᬂᬦᬸᬗ᭄ᬓᬓ᭄᭞ᬘᬭᬶᬢᬬᬂᬕᬮᬂᬓᬗᬶᬦ᭄᭞ᬫᬶᬦ᭄ᬤᬄᬩᬶᬬᬸᬃ᭞ᬓᭂᬤᬶᬲᬾᬗᬸᬘᬶᬧᬩ᭄ᬭᬶᬬᬓ᭄᭟ᬤᬶᬘᬭᬂᬧᬸᬜᬦ᭄ᬧᬶᬤᬤ᭞ᬫᬸᬳᬸᬕ᭄ᬲᬯᬂᬫᬫᭂᬦ᭄ᬤᬓᬶ
ᬦ᭄᭞ᬲᬮᬶᬂᬢᬸᬢᬸᬭᬶᬦ᭄ᬭᬶᬂᬢᬶᬫ᭄ᬧᬮ᭄᭞ᬤᬶᬢᬸᬬᬳᬶᬢᬤᬳᬰᬶᬄ᭞ᬫᬫᬸᬜᬶᬗᬲᬶᬳᬰᬶᬄ᭞ᬫᬶᬭᬶᬩ᭄ᬳᭂᬮᬶᬂᬗᬦ᭄ᬢᬸᬦᬦ᭄ᬢᬸᬦ᭄᭞ᬯᭂᬮᬲ᭄ᬳᬶᬬᬫᬗᬦ᭄ᬢᭂᬦᬂ᭞ᬭᬶᬂᬲᬂᬤᬸᬳᬦ᭄ᬓᬦᬦ᭄ᬕᬂᬓᬗᭂᬦ᭄᭞
[᭑᭒ 12A]
ᬫᬶᬮᬸᬫᬶᬮᬸ᭞ᬳᬶᬘᭂᬕᬶᬗᬦ᭄ᬢᭂᬦᬂ᭟ᬤᬾᬦᬶᬂᬓᬮᬶᬦ᭄ᬢᬗᬶᬂᬭᬳᬢ᭄᭞ᬳᬶᬘᬗᬓ᭄ᬤᬶᬢᬸᬫᬫᬸᬜᬶ᭞ᬫᬗᭂᬭᬓ᭄ᬦᬸᬦ᭄ᬤᬾᬦ᭄ᬗᭂᬮᬶᬲᬂ᭞ᬫᬫᬋᬓ᭄ᬓᬚᭂᬭᭀᬧᬸᬭᬶ᭞ᬳᬶᬓᬸᬓᬸᬃᬫᬜᬳᬸᬭᬶᬦ᭄᭞ᬳᭂᬫ᭄ᬧᬸᬓ᭄ᬫᬸᬜᬶᬦ᭄ᬦᬾᬫ
ᬫᬵᬢᬹᬢ᭄᭞ᬮᬦ᭄ᬢᬂᬧᬶᬲᬦ᭄ᬬᬦ᭄ᬳᬸᬘᬧᬂ᭞ᬲᬲᬯᬗᬦ᭄ᬜᬦᬾᬩᭂᬘᬶᬓ᭄᭞ᬢᬦ᭄ᬓᬯᬸᬯᬸᬲ᭄᭞ᬧᬚᬮᬦ᭄ᬦᬾᬘᬭᬶᬢᬬᬂ᭟ᬫᬚᬮᬦ᭄ᬦᬸᬯᬸᬢ᭄ᬫᬦᬗ᭞ᬲᬲᬯᬗᬦᬾᬗᬾᬤᬦᬶᬦ᭄᭞ᬳᬶᬬᬾᬳᬾᬲᭂᬤᭂᬓᬦ᭄ᬧ᭠
ᬲᬂ᭞ᬓᭀᬯᭀᬓ᭄ᬢᬶᬬᬾᬳᬾᬗᬾᬤᬦᬶᬦ᭄᭞ᬫᬭᬾᬭᭀᬤ᭄ᬦᬸᬯᬸᬢ᭄ᬲᬶᬲᬶ᭞ᬫᬮᬄᬕᭀᬩᬦ᭄ᬜᬦᬾᬕᭂᬫ᭄ᬧᬸᬓ᭄᭞ᬬᬦ᭄ᬳᬶᬭᬶᬩᬂᬩᬸᬗᬓᭂᬫ᭄ᬩᬂ᭞ᬳᬸᬧᬘᬭᬫᬫᭂᬦ᭄ᬤᬓᬶᬦ᭄᭞ᬫᬜᭂᬫ᭄ᬩ᭄ᬭᬫ᭞ᬭᬶᬂᬲᬓᬶᬢᬾᬩᬵ
ᬦ᭄ᬤᬸᬳ᭄ᬓᬶᬢ᭟ᬤᬾᬦᬶᬂᬳᬜᬸᬤ᭄ᬗᬤᬸᬮᬸᬯᬂ᭞ᬫᬳᬶᬭᬶᬩ᭄ᬢᬸᬮᬸᬲ᭄ᬫᬗᬶᬭᬶᬂ᭞ᬓᬵᬮᬶᬄᬫᬢᬸᬤᬸᬳᬂ᭠ᬳᬫ᭄ᬩᬄ᭞ᬦᬾᬧᬘᬂᬫᬋᬓ᭄ᬓᬧᬸᬭᬶ᭞ᬧᬚᬮᬦᬾᬲᬫ᭄ᬧᬸᬦ᭄ᬭᬯᬸᬄ᭞ᬤᬶᬢᬸᬤᬶᬧᬸᬭᬶᬦᬸᬗ᭄ᬓᬓ᭄᭞ᬫᬦ᭄ᬤᭂ᭠
Kaca:Bali-lontar-gaguritan-katak-300ppi.pdf/12
Kaca puniki sampun kauji-wacén
