[᭑᭒ 12B]
᭑᭒
ᬕ᭄ᬤᬶᬢᭂᬧᬶᬦᬶᬂᬯᬭᬶᬄ᭞ᬩᭂᬗᭀᬂᬳᬗᭀᬩ᭄᭞ᬳᬶᬓᬧ᭄ᬮᬾᬕᬦ᭄ᬫᬗᬦ᭄ᬢᭂᬦᬂ᭟ᬚᬚᬳᬦ᭄ᬧᬸᬭᬶᬦᬾᬚᬶᬫ᭄ᬩᬃ᭞ᬤᬍᬫ᭄ᬧᭂᬗᬸᬂᬢᬸᬃᬫᬗᬶᬤᬶᬂ᭞ᬓᬶᬍᬳᬶᬦ᭄ᬩᬳᬦ᭄ᬧᬭᭀᬓᬶᬸᬓ᭄ᬧᭀᬓ᭄᭞ᬫᬶᬭᬶᬩ᭄ᬧᬾᬢᬓ᭄ᬫᬗᬾᬯᭂᬳᬶ
ᬦ᭄᭞ᬧᬶᬤᬤᬦᬾᬫᬗᬶᬤᭂᬭᬶᬦ᭄᭞ᬢᬸᬮᬸᬤ᭄ᬜᬦᬾᬲᬯᬂᬤᬶᬢᬸ᭞ᬲᬸᬗ᭄ᬳᬃᬮᬜᬶᬂᬫᬚᬚᬃ᭞ᬢᬸᬃᬧᭂᬢᭂᬂᬍᬫᬄᬫᬓᭂᬫᬶᬢ᭄᭞ᬤᬶᬓᬤᬸᬗᬸ᭞ᬫᬓᭂᬫᬶᬢ᭄ᬗᬩᬧᬭᬓ᭄ᬧᬓ᭄᭟ᬤᬾᬦᬶᬂᬓᬧᬶᬢ᭄ᬜᬦᬾᬩᬭᬓ᭄᭞ᬗᭂ
ᬩᭂᬃᬫᬗᬺᬲᬶᬦ᭄ᬳᬢᬶ᭞ᬳᬶᬓᬧ᭄ᬮᬾᬕᬦ᭄ᬤᬶᬢᬸᬮᬦ᭄ᬢᬲ᭄᭞ᬜᬕ᭄ᬚᬕᬶᬦ᭄ᬫᬫᬸᬜᬶᬫᬦᬶᬲ᭄᭞ᬚᭂᬭᭀᬧᬦᬸᬗ᭄ᬕᬸᬦ᭄ᬧᬸᬭᬶ᭞ᬢᬶᬢ᭄ᬬᬂᬦ᭄ᬤᬯᭂᬕᬂᬫᬳᬢᬹᬃ᭞ᬭᬶᬂᬚᭂᬭᭀᬦᬾᬦᬸᬦᬲ᭄ᬳᬶᬘ᭄ᬙ᭞ᬗᭀᬓᬲᬂᬢᬶᬢ᭄ᬬᬂᬓᬧᬸᬭᬶ
᭞ᬜᬤ᭄ᬬᬭᬯᬸᬄ᭞ᬢᬗ᭄ᬓᬶᬮ᭄ᬭᬶᬂᬤᬾᬯᬕᬸᬂᬫᬾᬢ᭄ᬭᬦ᭄᭟ᬤᬾᬦᬶᬂᬢᬶᬢ᭄ᬬᬂᬫᬗ᭄ᬕᬶᬄᬪᬬ᭞ᬓᬭᬜ᭄ᬘᬩ᭄ᬫᬦᬦ᭄ᬥᬂᬓᬦᬶᬦ᭄᭞ᬢᬶᬢ᭄ᬬᬂᬫᬤᬺᬩᬾᬭᬭᬵᬫ᭞ᬧᬸᬦᬶᬓᬶᬤᬦᬾᬫᬲᬸᬗ᭄ᬕᬶ᭞ᬳᬶᬓᬤᬸᬗᬸᬫᬶᬭᬕᬶ᭞
[᭑᭓ 13A]
ᬬᬧᭂᬤᬲ᭄ᬤᬤᬶᬢᬗ᭄ᬓᭂᬚᬸᬢ᭄᭞ᬤᬾᬦᬶᬂᬓᬮᬶᬦ᭄ᬢᬗᬶᬂᬭᬳᬢ᭄᭞ᬢᬢᬸᬦ᭄ᬜᬦᬾᬦᬾᬫᬲᬸᬗ᭄ᬕᬶ᭞ᬤᭂᬓ᭄ᬤᭂᬓᬺᬜᬸᬄ᭞ᬕᭂᬢᬶᬄᬫᭂᬍᬲ᭄ᬕ᭄ᬯᬭᬧᭂᬕᬢ᭄᭟ᬤᬾᬦᬶᬂᬓᬾᬢᭀᬲᬸᬩᬧᭂᬤᬲ᭄᭞ᬳᬶᬓᬤᬸᬗᬸᬯᭂᬮ
ᬲ᭄ᬭᬶᬂᬳᬢᬶ᭞ᬫᬫᬸᬜᬶᬢᬶᬢ᭄ᬬᬂᬗᬶᬭᬶᬗᬂ᭞ᬚᭂᬭᭀᬦᬾᬧᬋᬓ᭄ᬓᬧᬸᬭᬶ᭞ᬳᬶᬓᬧ᭄ᬮᬾᬕᬦ᭄ᬫᬜᬳᬸᬭᬶᬦ᭄᭞ᬳᬶᬗ᭄ᬕᬶᬄᬢᬸᬫᬸᬮᬶᬮᬸᬫᬓᬸ᭞ᬭᬯᬸᬄᬭᬶᬂᬧᬶᬗ᭄ᬕᬶᬃᬢᭀᬬ᭞ᬳᬶᬓᬢᬓ᭄ᬓᬭᬶᬫᬲᬸᬗ᭄ᬕᬶ᭞ᬳᬶᬓᬤᬸᬗᬸ᭞ᬜᬶᬍ᭠
ᬫ᭄ᬩᬋᬂᬳᬶᬓᬧ᭄ᬮᬾᬕᬦ᭄᭟ᬧᬚᬮᬦᬾᬘᬭᬶᬢᬬᬂ᭞ᬓᬸᬭᬶᬳᬕᬸᬗᬶᬸᬗᬾᬓᬯᬸᬭᬶ᭞ᬦᬸᬦᬶᬜ᭄ᬘᬧ᭄ᬤᬶᬚᬩᬢᭂᬗᬄ᭞ᬫᬦ᭄ᬤᭂᬕ᭄ᬩᬢᬦ᭄ᬦᬕᬲᬵᬭᬷ᭞ᬤᬾᬦᬶᬂᬦᬸᬫᬗᬦ᭄ᬢᬶ᭞ᬤᬾᬯᬕᬸᬂᬢᭀᬦ᭄ᬤᬾᬦ᭄ᬫᬳᬸᬗᬸ᭞
ᬤᬶᬢᬸᬬᬚᬦᬶᬦᭂᬕᬓ᭄᭞ᬳᬶᬓᬢᬓ᭄ᬲᬸᬳᬸᬤ᭄ᬫᬲᬸᬗ᭄ᬕᬶ᭞ᬓᬧᭂᬤᭂᬫᬂ᭞ᬤᬶᬢᬦᬳᬾᬫᬗᭂᬍᬓᬓ᭄᭟ᬳᬶᬓᬢᬓ᭄ᬜᭂᬭᬶᬢ᭄ᬩᬸᬤᬳᬧ᭄᭞ᬫᬗᬤᬸᬄᬲᬫ᭄ᬩᬶᬮ᭄ᬫᬗᭂᬮᬶᬂ᭞ᬳᬤᬸᬄᬫᬵᬢᬶᬚᬦᬶᬩᬧ᭞
Kaca:Bali-lontar-gaguritan-katak-300ppi.pdf/13
Kaca puniki sampun kauji-wacén
