[᭑᭔ 14B]
᭑᭔
ᬗᬄ᭞ᬳᬸᬘᬧᬂᬲᬵᬫ᭄ᬧᬸᬦ᭄ᬫᬩᬺᬲᬶᬄ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬲᭀᬧᬘᬭᬦᬾᬫᬚᬚᬃ᭟ᬤᬯᬸᬄᬓᬵᬓᬵᬮᬶᬄᬲᬵᬫ᭄ᬧᬸᬦᬳ᭄ᬬᬲ᭄᭞ᬤ᭄ᬯᬕᬸᬂᬓᭀᬤᬮ᭄ᬓᬢᬗ᭄ᬓᬶᬮ᭄᭞ᬫᬯᬲ᭄ᬢ᭄ᬭᬲᬸᬢ᭄ᬭᬦᬾᬩᬭᬓ᭄᭞ᬫᬓᬫ᭄ᬧᬸᬄ
ᬧᬸᬢᬶᬄᬫᬘᬯᬶ᭞ᬫᬓᬯᬘᬦᬾᬩᭂᬲᬶᬓ᭞ᬫᬧ᭄ᬭᬤᬫᬤᬲᬃᬓᬶᬜ᭄ᬘᬸ᭞ᬓᬫ᭄ᬩᭂᬦ᭄ᬜᬦᬾᬭᬚᬸᬫᬵᬲ᭄᭞ᬫᬕᬸᬫ᭄ᬧᬮ᭄ᬲᬸᬢ᭄ᬭᬦᬾᬢᬗᬶ᭞ᬓᭂᬫ᭄ᬪᬂᬯᬭᬸ᭞ᬲᭀᬗ᭄ᬓᬾᬢ᭄ᬜᬦᬾᬩᬩᬶᬦ᭄ᬢᬗᬦ᭄᭟ᬫ᭠
ᬓᭂᬢᬸᬲᬗ᭄ᬓᭂᬮᬢ᭄ᬩᬭᬓ᭄᭞ᬲᭀᬘᬦ᭄ᬧᬢᬶᬢᬶᬲᬾᬗᭂᬦ᭄ᬤᬶᬄ᭞ᬚᭀᬫᬦ᭄ᬢᭂᬦ᭄ᬩᬓ᭄ᬫᬗᭀᬩᭀᬃ᭞ᬫᬚᬫᬂᬫᬳᬦ᭄ᬢᬶᬗᬦ᭄ᬢᬶᬂ᭞ᬓᬓᬮᬸᬗᬾᬭᬶᬦᬸᬓ᭄ᬫᬶᬦ᭄᭞ᬲᬰᭀᬘᬦᬦ᭄ᬜᬦᬾᬫᬓᭂᬧ᭄ᬬᬸᬃ᭞ᬫ᭠
ᬧᬗ᭄ᬕᭂᬮ᭄ᬓᬦᬓᬭᭀ᭞ᬫᬓᬶᬮᬢ᭄ᬩᬢᬸᬕᬦᬶᬢ᭄ᬭᬶ᭞ᬫᬢᬢᭂᬩᬸᬲ᭄᭞ᬢ᭄ᬭᬶᬤᬢᬸᬯᬶᬚᬶᬮᬶᬂᬲᬩ᭄ᬭᬂ᭟ᬳᬦ᭄ᬭᬦᬸᬰᬦᬳᬭᬶᬦᬂ᭞ᬓᬵᬮᬶᬄᬯᬃᬡ᭄ᬦᬦᬾᬫᬗᬺᬲᬶᬦ᭄᭞ᬢᬶᬗ᭄ᬳᬮᬾᬦᭂᬮᬶᬓ᭄ᬗᬜ᭄ᬘᭀ
[᭑᭕ 15A]
ᬭᭀᬂ᭞ᬗᬲᭀᬭᬂᬲᬹᬃᬬ᭄ᬬᬗᭂᬫ᭄ᬧᬸᬕᬶᬦ᭄᭞ᬳᬸᬦ᭄ᬢᬸᬦᬾᬭᬾᬗ᭄ᬕᬄᬢᬹᬃᬧᬸᬢᬶᬄ᭞ᬮ᭄ᬯᬶᬃᬤ᭄ᬭᬶᬕᬫᬲᬶᬮᬓ᭄ᬲᬶᬮᬸᬓ᭄᭞ᬘᬮᬶᬗᬾᬢᬚᭂᬧ᭄ᬲᭂᬦ᭄ᬢᬓ᭄᭞ᬗᬸᬭᬾᬤᬾᬧ᭄ᬫᬗᬲᭀᬃᬢᬝᬶᬢ᭄᭞ᬯᬃᬡ᭄ᬦᬩᬕᬸᬲ᭄᭞
ᬫᬳᬶᬭᬶᬩ᭄ᬥᬦᬯᬭᬵᬚ᭟ᬤᬾᬯᬕᬸᬂᬫᬗ᭄ᬓᬶᬦ᭄ᬓᬯᭂᬤᬮ᭄᭞ᬓᬋᬫ᭄ᬧᭂᬕ᭄ᬳᬦ᭄ᬢᬸᬓ᭄ᬧ᭄ᬭᬧᬶᬢ᭄᭞ᬕᬸᬲ᭄ᬢᬶᬜᭀᬫᬦ᭄ᬢᬫ᭄ᬩᬓ᭄ᬪᬬ᭞ᬧᬸᬦᬶᬓᬤᬦᬾᬫ᭄ᬭᬧᬶᬢ᭄᭞ᬳᬶᬩᬢᬸᬮᬾᬧᬂᬓᬸᬦᬶᬂ᭞ᬫᬫᬓ᭄ᬢ
ᬢᬫ᭄ᬬᬂᬭᬶᬗᬬᬸᬦ᭄᭞ᬘᬮᬸᬓ᭄ᬫᬢᬢᬄᬳ᭄ᬫᬵᬲ᭄᭞ᬗᬸᬮᬾᬮᬫ᭄ᬢᬚᭂᬧ᭄ᬫᬫᬶᬭᬶᬓ᭄᭞ᬗᬺ᭠ᬲᬂᬓᬬᬸᬦ᭄᭞ᬭᬹᬧᬦ᭄ᬦᬾᬳᬶᬩᬢᬸᬮᬾᬧᬂ᭟ᬫᬮᬶᬄᬲᭀᬭᭀᬄᬦᬾᬫᬫᬓ᭄ᬢ᭞ᬳᬸᬧᬘ᭠
ᬭᬫᬗᬾᬤᬦᬶᬦ᭄᭞ᬩᬚᬂᬚᭂᬕᬾᬕ᭄ᬲᬲᭂᬮᬶᬓᬦ᭄᭞ᬯᬮᬸᬓᬤᬶᬤᬤᬭᬶ᭞ᬧᬸᬦᬶᬓᬦᬾᬧᬸᬚᬶ᭞ᬤᬾᬯᬬᬸᬜᬮ᭄ᬬᬦ᭄ᬩᬸᬮᬸᬄ᭞ᬫᬦᬫ᭄ᬧᬩᬢᬶᬮ᭄ᬫᬵᬲ᭄᭞ᬧᬗᬗ᭄ᬕᬾᬦᬾᬲᬃᬯ᭄ᬯ
Kaca:Bali-lontar-gaguritan-katak-300ppi.pdf/15
Kaca puniki sampun kauji-wacén
