Kaca:Bali-lontar-gaguritan-katak-300ppi.pdf/17

Kaca puniki sampun kauji-wacén

[᭑᭖ 16B]
᭑᭖
ᬲ᭄᭞ᬓᬺᬱ᭄ᬡᬪᬸᬲᬦᬦ᭄ᬬᬳᬪ᭄ᬭ᭞ᬭᬶᬂᬳᬸᬭᬶᬦ᭄ᬬᬳᬮᬶᬗ᭄ᬕᬶᬄ᭞ᬤᭂᬫᬂᬓᬳᬶᬧᬶᬪᬸᬲᬦ᭞ᬳᬶᬚᭀᬳᬢ᭄ᬭᬧ᭄ᬢᬧ᭄ᬓᬸᬦᬶᬂ᭞ᬚᬚᬃᬮᬯᬦ᭄ᬧ᭄ᬭᬫᬦ᭄ᬢ᭄ᬭᬶ᭞ᬦᬵᬫᬳᬃᬬ᭄ᬬᬲᬶᬭᬢ᭄ᬕᬥᬸᬂ᭞ᬪᬸᬲᬦᬧᬸᬢᬶᬄᬲᬫᬃ᭞ᬳᬲᭀ
ᬭᭀᬢ᭄ᬲᭀᬭᭀᬢ᭄ᬩᬭᬶᬦ᭄ᬢᬶᬓ᭄᭞ᬯᬃᬡ᭄ᬦᬩᬕᬸᬲ᭄᭞ᬧᬦ᭄ᬢᭂᬲ᭄ᬯᬶᬚᬶᬮᬶᬂᬓᬸᬲᬸᬫ᭟ᬰ᭄ᬭᬷᬩ᭄ᬭᬵᬳ᭄ᬫᬵᬘᬃᬬ᭄ᬬᬳᬚᬚᬃ᭞ᬳᬮᬶᬗ᭄ᬕᬶᬄᬲᬦ᭄ᬥᬶᬂᬲᬂᬅᬚᬶ᭞ᬳᬰ᭄ᬭᬶᬳᬪᬸᬲᬦᬧᭂᬢᬓ᭄᭞ᬚᭂᬦᬃᬲᬲᭀᬭᭀᬳᬦᬗ᭄ᬭ
ᬯᬶᬢ᭄᭞ᬯᬃᬡ᭄ᬦᬦᬶᬭᬯ᭄ᬭᬲ᭄ᬧᬢᬶ᭞ᬳᬦᬵᬫᬋᬱᬶᬕ᭄ᬭ᭄ᬬᬕᬸᬂ᭞ᬥᬃᬫ᭄ᬫᬰᬦ᭄ᬢᬯᬶᬯᬾᬓ᭞ᬯᭂᬭᬸᬳᬶᬂᬱᬤ᭄ᬯᬃᬕ᭄ᬕᬲᬦ᭄ᬥᬶ᭞ᬳᬦᬸᬭᬵᬕ᭞ᬳᬫ᭄ᬭᬶᬄᬭᬵᬳᬃᬚ᭄ᬚᬦᬶᬂᬪ᭄ᬯᬦ᭟ᬫᬸᬭᬸᬩ᭄ᬪᬸᬲᬦᬳᬲᬶᬦᬂ᭞ᬚᬚᬭᬦ᭄ᬳ
ᬯᬃᬡ᭄ᬦᬶᬯᬃᬡ᭄ᬦᬶ᭞ᬳᬸᬘᬧᬦ᭄ᬫᬗ᭄ᬓᬾᬲᬂᬓᬢᭀᬂ᭞ᬗᬦ᭄ᬤᬶᬓᬭᬶᬂᬭᬓ᭄ᬭ᭄ᬬᬦ᭄ᬧᬢᬶᬄ᭞ᬳᬤᬶᬧᬢᬶᬄ᭠ᬓᭂᬦᭂᬳᬶᬦ᭄᭞ᬓᬾᬦ᭄ᬓᬾᬦ᭄ᬓ᭄ᬭᬡᬓᭀᬦ᭄ᬤᬾᬦ᭄ᬭᬯᬸᬄ᭞ᬳᬶᬦᬦᬓ᭄ᬩᬦ᭄ᬥᭂᬗ᭄ᬓᬭ᭞ᬲᬗ᭄ᬕᬸᬧᬦᬾᬢᭂᬓ
[᭑᭗ 17A]
ᬫᬳᬶ᭞ᬗᬩᬕᬫ᭄ᬩᬸᬄ᭞ᬦᬾᬓᬲᬸᬩ᭄ᬳᬸᬮᬶᬤᭀᬤᭀᬓᬦ᭄᭟ᬯᬢᬭᬳᬤᬳᬩᬸᬮᬦ᭄᭞ᬩᭂᬮᬶᬫᬜᬮᬦᬂᬢᬸᬮᬶᬲ᭄᭞ᬧᬗ᭄ᬯᬍᬲ᭄ᬜᬦᬾᬗᬕ᭄ᬬᬦᬂ᭞ᬫᬮᬶᬄᬬᬫᬗᬩᬫᬳᬶ᭞ᬩᭂᬮᬶᬓᭂᬦ᭄ᬤᭂᬮ᭄ᬤᬶᬳᬢᬶ᭞
ᬤᬾᬦᬶᬂᬲᬗ᭄ᬕᬸᬧ᭄ᬜᬦᬾᬧᬸᬧᬸᬢ᭄᭞ᬫᬯᬲ᭄ᬢᬸᬓᬓᬤᭀᬯᬂ᭞ᬳᬶᬦ᭄ᬥᬬᬂᬧᬢᬶᬄᬓᭂᬤᭂᬳᬶᬦ᭄᭞ᬲᬶᬂᬜᬩᬶᬜ᭄ᬘᬸᬮ᭄᭞ᬓᭂᬦᭂᬄᬜᬦᬾᬢᭂᬓᬾᬦ᭄ᬦᬶᬭ᭟ᬓᬶᬧᬢᬶᬄᬫᬳᬢᬸᬃᬜᬸᬫ᭄ᬩᬄ᭞ᬭᬢᬸᬤᬾᬯᬵᬕᬸᬂᬲᬓᬤᬶ᭞
ᬯᬘᬦᬦᬾᬦᬾᬓᬤᬯᬸᬄ᭞ᬳᬦᬓ᭄ᬳᬶᬭᬢᬸᬜᬗ᭄ᬕᬸᬧᬶᬦ᭄᭞ᬫᬦᬯᬶᬓᬭᬶᬫᬶᬮᬶᬄ᭞ᬧ᭄ᬭᬕᬶ᭠ᬦᬧᬘᬂᬓᬳᬸᬭᬸᬓ᭄᭞ᬬᬤᬶᬦ᭄ᬭᬶᬳᬶᬦ᭄ᬓᬮᬸᬫ᭄ᬭᬄ᭞ᬓᬲᬸᬩ᭄ᬢᬦ᭄ᬯᬾᬦ᭄ᬢᭂᬦ᭄ᬜᬫᬶᬦᬶᬦ᭄᭞ᬦᬯᬶᬮᬸᬗ᭄ᬲᬸᬃ᭞ᬧ᭄ᬭᬕᬶ
ᬦᬦᬾᬓᬾᬳᬦ᭄ᬧᬯᬄ᭟ᬤᬾᬯᬕᬸᬂᬳᬶᬘ᭄ᬙᬫᬶᬋᬗᬂ᭞ᬧᬸᬗ᭄ᬕᬯᬫᬦ᭄ᬢ᭄ᬭᬶᬧᬕ᭄ᬭᬶᬓ᭄ᬕᬶᬓ᭄᭞ᬓᬶᬤᭂᬫᬂᬓᭂᬤᬾᬓ᭄ᬫᬗᬓᬓ᭄᭞ᬓᭂᬦ᭄ᬥᭂᬮ᭄ᬳᬢᬶᬦᬾᬗᬩᬦᬶᬦ᭄᭞ᬢᬦᬸᬘᬧᬦ᭄ᬦᬾᬚᬦᬶ᭞ᬳᬶᬓᬧ᭄ᬮᬾ