[᭑᭗ 17B]
᭑᭗
ᬕᬦ᭄ᬬᬓᬸᬯᬸᬯᬸᬲ᭄᭞ᬤᬩ᭄ᬤᬩᬂᬲᬲᬧᬸᬢᬦ᭄᭞ᬳᬶᬓᬢᬓ᭄ᬫᬮᬶᬄᬓᬲᬸᬗ᭄ᬕᬶ᭞ᬳᬶᬓᬤᬸᬗᬸ᭞ᬫᬗ᭄ᬯᬓᬲᬂᬓᬩᬜ᭄ᬘᬶᬗᬄ᭟ᬲᬸᬩᬦᬾᬧᬸᬧᬸᬢ᭄ᬳᬢᬸᬭᬂ᭞ᬲᬂᬧ᭄ᬭᬪᬸᬭᬭᬶᬲ᭄ᬗᭂᬲᬾᬗᬶᬦ᭄᭞ᬳᬶᬓᬧ᭄ᬮᬾᬕ
ᬦ᭄ᬫᬗᬋᬧᬂ᭞ᬫᬲᬶᬄᬫᬗᬢᬸᬭᬂᬩᬓ᭄ᬢᬶ᭞ᬲᬂᬧ᭄ᬭᬪᬸᬫᬗᬓ᭄ᬱᬶ᭞ᬓᬮᬶᬦ᭄ᬢᬂᬓᬕ᭄ᬬᬢ᭄ᬭᬶᬂᬓᬬᬸᬦ᭄᭞ᬧᬧᬢᬶᬄᬮᬦ᭄ᬧᬸᬗ᭄ᬕᬯ᭞ᬲᬫᬶᬓᬕ᭄ᬬᬢ᭄ᬦᬶᬗ᭄ᬳᬮᬶᬦ᭄᭞ᬫᬗᬭᬸᬗᬸ᭞ᬩᭂᬗᭀᬂᬢ᭄ᬯᬭᬫᬓᬶᬧᭂᬓᬦ᭄᭟ᬳᬶ
ᬓᬢᬓ᭄ᬚᬦᬶᬳᬸᬘᬧᬂ᭞ᬲᬸᬩᬬᬲᬸᬳᬸᬤ᭄ᬫᬲᬸᬗ᭄ᬕᬶ᭞ᬫᬦᭂᬕᬓ᭄ᬳᭂᬦᬸᬓᬲᬸᬦ᭄ᬤᬂ᭞ᬭᬶᬂᬢᬋᬧ᭄ᬳᬶᬤᬲᬂᬅᬚᬶ᭞ᬫᬗ᭄ᬮᬶᬬᭂᬃᬳᬗ᭄ᬓᬶᬄᬳᬗ᭄ᬓᬶᬄ᭞ᬫᬧᬶᬍᬫᭂᬢ᭄ᬢᬦ᭄ᬧᬩᬬᬸ᭞ᬦᬗ᭄ᬳᬶᬂᬬᬫᬫᬶᬮ᭄ᬧᬶᬮᬂ᭞ᬫᬗᬶ᭠
ᬓᭂᬢ᭄ᬳᬸᬧᬬᬲᬦ᭄ᬥᬶ᭞ᬫᬗ᭄ᬥᬤᬸᬭᬸᬲ᭄᭞ᬫᬗ᭄ᬯᬗᬸᬦᬂᬓᬵᬮᬶᬬᬸᬕ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬳᬶᬩᬓᬢᬓ᭄ᬓᬾᬦ᭄ᬓᬾᬦ᭄ᬚᬦᬶ᭞ᬓᬳᬶᬫᬦᬓᭀᬦᬂᬓᬦ᭄ᬥ᭞ᬓ᭄ᬭᬡᬳᬶᬩᬢᭂᬓᬫᬳᬶ᭞
[᭑᭘ 18A]
ᬢᬸᬃᬳᬶᬩᬦᬦ᭄ᬤᬂᬓᬦᬶᬦ᭄᭞ᬓᬦ᭄ᬢᬶᬓᬾᬦᬾᬤᭂᬓ᭄ᬤᭂᬓᬺᬜᬸᬄ᭞ᬢᬸᬃᬳᬧᬯᬶᬯᬶᬮᬦ᭄ᬜ᭞ᬦᬄᬳᭀᬭᬳᬂᬚᬦᬶᬤᬶᬦᬶ᭞ᬧᬂᬤᬲᬭᬸ᭞ᬩᬳᬦ᭄ᬓᬳᬶᬫᬤᬶᬗᭂᬳᬂ᭟᭜᭟ᬧᬸᬄᬥᬹᬃᬫ᭄ᬫ᭟ᬭᬭᬶᬲ᭄ᬫᬢᬹᬃᬳᬶᬓᬢᬓ᭄ᬲ
ᬫ᭄ᬩᬶᬮ᭄ᬫᬜᬸᬫ᭄ᬩᬄ᭞ᬭᬢᬸᬤᬾᬯᬵᬕᬸᬂᬮᬶᬗ᭄ᬲᬶᬃ᭞ᬧᬜᬸᬗ᭄ᬲᬸᬗᬦ᭄ᬚᬕᬢ᭄᭞ᬲᬭᬢ᭄ᬮᬶᬗ᭄ᬕᬪᬝᬭ᭞ᬫᬗ᭄ᬯᬶᬰᬵᬱᬧᬢᬶᬉᬭᬶᬧ᭄᭞ᬢᬶᬢ᭄ᬬᬂᬗᬢᬸᬭᬂ᭞ᬧᬶᬓᬦ᭄ᬥᬓᬤᬶᬫᬗ᭄ᬓᬶᬦ᭄᭟ᬢᬦ᭄ᬫᬶᬦᬳᬢᬶᬢ᭄ᬬᬂᬫᬗ᭄ᬕᬶᬄᬤᬸᬳ᭄ᬓᬶᬢ᭞ᬢᬶ
ᬢ᭄ᬬᬂᬲᭂᬥᭂᬓ᭄ᬫᬮᬮᬶ᭞ᬭᬶᬂᬘᬭᬶᬓᬾᬜᬭᬂ᭞ᬲᬫ᭄ᬩᬶᬮ᭄ᬫᬗᬺᬋᬄᬩᬮᬂ᭞ᬢᬶᬢ᭄ᬬᬂᬫᬓᬶᬤᬸᬂᬫᬕᭂᬦ᭄ᬤᬶᬂ᭞ᬳᬗ᭄ᬕᬾᬦ᭄ᬜᬶᬳ᭄ᬦᬬᬂ᭞ᬫᬦᬳᬾᬲᬓᬶᬂᬚᬢᬶ᭟ᬫᬗ᭄ᬥᬲᬵᬫ᭄ᬧᬸᬦ᭄ᬦᬾᬭᬶᬂᬫᬵᬫ᭄ᬩᭂᬓ᭄ᬘᭀᬭᬄ᭞ᬭᬾᬄᬲᬓᬶᬂᬗᬸᬦᬶᬗᬸ
ᬦᬶ᭞ᬳᬶᬭᬶᬓᬫᬗᭂᬗ᭄ᬓᬮ᭄᭞ᬢᬦ᭄ᬯᬾᬦ᭄ᬢᭂᬦ᭄ᬫᬗ᭄ᬯᬭ᭞ᬢᭂᬫ᭄ᬩᬾᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬲᭂᬗᬶᬢ᭄᭞ᬫᬜᬫ᭄ᬩᬢ᭄ᬲᬭ᭞ᬫᬫᬢ᭄ᬩᬢ᭄ᬲᬳᬦᬸᬤᬶᬂ᭟ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬗᬲᭀᬃᬗᭂᬤᬶᬄᬓᬳᬶᬯᬗᬦ᭄᭞ᬳᬶᬧᬸᬦ᭄ᬢᬦ᭄ᬯᬾ
Kaca:Bali-lontar-gaguritan-katak-300ppi.pdf/18
Kaca puniki sampun kauji-wacén
