Kaca:Bali-lontar-gaguritan-katak-300ppi.pdf/19

Kaca puniki sampun kauji-wacén

[᭑᭘ 18B]
᭑᭘
ᬦ᭄ᬢᭂᬦ᭄ᬢᬫ᭄ᬧᬶ᭞ᬲᬸᬫᬗ᭄ᬓᬶᬦ᭄ᬫᬗᬸᬫ᭄ᬩᬂ᭞ᬫᬰ᭄ᬯᬭᬢᬦ᭄ᬚᬦ᭄ᬢᭀᬲ᭞ᬳᬶᬍᬮᬲᬦ᭄ᬢᬦ᭄ᬧᬢᭀᬮᬶᬄ᭞ᬫᬮᬶᬄᬫᬜᬫ᭄ᬩᬢ᭄᭞ᬳᬶᬭᬢᬸᬢ᭄ᬯᬭᬩᭂᬘᬶᬓ᭄᭟ᬤᬤᭀᬲ᭄ᬢᬶᬢ᭄ᬬᬂᬫᬗ᭄ᬭᬱᬭᬶᬂᬳᬢᬶᬯᬶᬭᬂ᭞ᬓᬲᬾᬧ᭄ᬢᬶᬢ᭄ᬬᬂᬜ
ᬳᬸᬭᬶᬦ᭄᭞ᬕᭂᬮᬶᬲᬦ᭄ᬓᬚᬫ᭄ᬩᬓ᭄᭞ᬢᬹᬃᬓᬳᬶᬗ᭄ᬲᬓ᭄ᬓᬢᬶᬕ᭄ᬢᬶᬕ᭄᭞ᬓᬵᬮᬶᬄᬓᬵᬓᬾᬳᬦ᭄ᬗᬶᬚᭂᬗᬶᬦ᭄᭞ᬳᬯᬶᬦᬦ᭄ᬢᬶᬢ᭄ᬬᬂ᭞ᬫᬫᬗ᭄ᬕᬶᬄᬓᬤᬶᬫᬗ᭄ᬓᬶᬦ᭄᭟ᬩᬲ᭄ᬢᬦ᭄ᬧᭀᬮᬶᬄᬭᬢᬸᬗᬯᬸᬮᬬᬂ᭞ᬲᬵᬦ᭄ᬢᬸᬓᬦ᭄ᬓ᭠
ᬤᬶᬫᬗ᭄ᬓᬶᬦ᭄᭞ᬓᬭᬶᬫᬳᬗ᭄ᬓᬶᬳᬦ᭄᭞ᬢᬶᬢ᭄ᬬᬂᬢᬦ᭄ᬢᬸᬮᬸᬲ᭄ᬧᭂᬚᬄ᭞ᬩᬲ᭄ᬫᬓᬦ᭄ᬢᭂᬦ᭄ᬧᬶᬲᬦ᭄ᬗᬸᬜ᭄ᬘᬶᬃ᭞ᬗᬾᬫᬦ᭄ᬳᬗ᭄ᬓᬶᬳᬦ᭄᭞ᬦᬶᬃᬕᬸᬡᬘᬘᬤ᭄ᬕᬸᬫᬶ᭟ᬳᬕᬸᬂᬫᬾᬢ᭄ᬭᬦ᭄ᬲᬵᬫ᭄ᬧᬸᬦ᭄ᬢᬢᬲ᭄ᬫᬫᬶᬋᬗᬂ᭞ᬗᬺᬱᬯᬶ
ᬭᬂᬭᬶᬂᬳᬢᬶ᭞ᬯᬤᬦᬦᬾᬩᬭᬓ᭄᭞ᬯᬮᬸᬬᬓᬤᬶᬢᭂᬧᬓ᭄᭞ᬘᬘᬶᬗᬓᬾᬩᬭᬓ᭄ᬗᭂᬦ᭄ᬤᬶᬄ᭞ᬫᬗᬲᭀᬃᬲᬸᬃᬬ᭄ᬬ᭞ᬦᬾᬓᭂᬫ᭄ᬩᬃᬫᬗᬸᬮᬧᬶᬦ᭄᭟ᬦᬾᬫᬦᬗ᭄ᬓᬶᬮ᭄ᬧᬢᬶᬄᬫᬦ᭄ᬢ᭄ᬭᬶᬮᬦ᭄ᬧᬸᬗ᭄ᬕᬯ᭞
[᭑᭙ 19A]
ᬢᬦ᭄ᬩᬶᬦᬓᬤᬶᬧᬶᬢᬶᬓ᭄᭞ᬳᬶᬬᬩᬶᬦ᭄ᬓᬯᬗᬦ᭄᭞ᬢᭀᬂᬩᬦᬶᬫᬓ᭄ᬭᬶᬘᬶᬓᬦ᭄᭞ᬗᬸᬦ᭄ᬢᬸᬓ᭄ᬧᬥᬦᬸᬮᬶᬲ᭄ᬕᬸᬫᬶ᭞ᬭᬭᬶᬲ᭄ᬲᬂᬦᬵᬢ᭞ᬗᬦ᭄ᬥᬶᬓᬭᬶᬂᬓᬶᬧᬢᬶᬄ᭟ᬳᬤᬶᬧᬢᬶᬄᬓᬾᬦ᭄ᬓᬾᬦ᭄ᬚᬦᬶᬩᬵᬦ᭄ᬫᬤᬬ᭞
ᬤᬾᬦᬶᬂᬲᬸᬩᬫᬩᬸᬓ᭄ᬢᬶ᭞ᬳᭂᬦ᭄ᬢᭀᬬᬳᬶᬓᬢᬓ᭄᭞ᬫᬦᬦ᭄ᬥᬂᬢᬢᬸᬭᬳᬢ᭄᭞ᬓᬵᬮᬶᬄᬢ᭄ᬯᬭᬗᭂᬮᬄᬧᭂᬮᬶᬄ᭞ᬩᬸᬓᬳᬶᬓᬢᬓ᭄᭞ᬫᬯᬲ᭄ᬢᬸᬓᬓᭂᬫ᭄ᬩᬭᬶᬦ᭄᭟ᬓᬵᬮᬶᬄᬬᬳᬶᬮᬮᬲᬦ᭄᭞ᬗᬸᬜ᭄ᬘ
ᬭᬂ᭞ᬳᬦᬓᬾᬩᬸᬓᬩᭂᬮᬶ᭞ᬭᬢᬸᬦᬶᬲ᭄ᬢᬥᬫ᭞ᬳᭂᬦ᭄ᬢᭀᬓᬾᬢᭀᬩᬸᬓ᭄ᬢᬶᬦ᭄ᬜ᭞ᬮᬦ᭄ᬢᬲᬂᬧᬥᬓᭂᬦᭂᬳᬶᬦ᭄᭞ᬋᬫ᭄ᬩᬸᬕ᭄ᬢᬭᭀᬲᬂ᭞ᬲᬓᬜ᭄ᬘᬦ᭄ᬧ᭄ᬭᬤᬶᬧᬢᬶ᭟ᬬᬦᬶᬂᬩᭂᬮᬶᬗᭂᬦᭂᬳᬶᬦ᭄ᬲ
ᬓᬾᬂᬯᬶᬯᬾᬓ᭞ᬳᭂᬦ᭄ᬢᭀᬳᬶᬳᬮᬸᬓᬸᬦᬶᬂ᭞ᬦᬸᬦ᭄ᬤᬾᬦ᭄ᬳᬶᬮᬮᬲᬦ᭄᭞ᬫᬫᬺᬚᬬᬳᬶᬓᬢᬓ᭄᭞ᬭᬾᬄᬫᬩᬸᬓ᭄ᬢᬶᬳᬸᬮᬶᬂᬗᬸᬦᬶ᭞ᬦᬵᬣᬾᬂᬯᬬᬾᬯᬓ᭄᭞ᬬᬲᭂᬗ᭄ᬕᬶᬢ᭄ᬢᭂᬓᬾᬦ᭄ᬩᭂᬮᬶ᭟