[᭑᭙ 19B]
᭑᭙
ᬫᬧᬶᬤᬩ᭄ᬤᬩ᭄ᬩᬵᬦ᭄ᬩᭂᬮᬶᬗᭂᬮᬄᬭᬭᬵᬫ᭞ᬦᬵᬗ᭄ᬳᬶᬂᬢᬾᬲᬓᬾᬂᬳᬶᬲ᭄ᬢ᭄ᬭᬶ᭞ᬗᬕᬸᬗᬶᬦ᭄ᬤᬶᬧᬾᬜ᭄ᬘᬂ᭞ᬫᬧᬭᬩ᭄ᬦᬵᬣᬾᬓᬓᬧ᭄᭞ᬧᬫᬃᬕ᭄ᬕᬶᬦ᭄ᬥᬦᬾᬦᬾᬩᬸᬯᬶᬦ᭄᭞ᬓᬤᬶᬭᬵᬓ᭄ᬱᬲ᭞ᬫᬫᬗᬦ᭄ᬲᬶᬂ
ᬓᬧᬗ᭄ᬕᬶᬄ᭟ᬫᬾᬦ᭄ᬤ᭄ᬭᬕᬸᬡᬰᬓ᭄ᬢᬶᬦᬾᬢᬦ᭄ᬧᬢᬦ᭄ᬥᬶᬂ᭞ᬫᬮᬶᬄᬤᬦᬾᬫᬦ᭄ᬤᬶᬳᬶ᭞ᬢ᭄ᬯᬭᬗᭂᬮᬄᬧᬜ᭄ᬚᬓ᭄᭞ᬫᬸᬂᬋᬓᬾᬲᭂᬦ᭄ᬢᬦ᭞ᬧᬢᬸᬄᬧᬥᬯᬷᬭᬰᬓ᭄ᬢᬶ᭞ᬫᬳᬫ᭄ᬩᭂᬓ᭄ᬥᬾᬢ᭄ᬬ᭞ᬲᭂᬦ᭄ᬢᬦᬦ᭄ᬥᬦᬾ
ᬦᬾᬲᬫᬶ᭟ᬳᭂᬦ᭄ᬢᭀᬥᬦᬾᬩ᭄ᬯᬓᬦ᭄ᬜᬗᬫᬢᬶᬬᬂ᭞ᬧᬦᬓ᭄ᬦᬾᬳᬶᬳᬮᬸᬓᬸᬦᬶᬂ᭞ᬲᭂᬥᭂᬓ᭄ᬬᬫᬗ᭄ᬮᬶᬯᬢ᭄᭞ᬤᬶᬢᬸᬤᬶᬧᬸᬭᬶᬧᬾᬜ᭄ᬘᬂ᭞ᬓᬕᬶᬩᭂᬕ᭄ᬓᬧᬸᬦ᭄ᬢᬕ᭄ᬧᬦ᭄ᬢᬶᬕ᭄᭞ᬫᬯᬲ᭄ᬢᬸᬧᭂᬚᬄ᭞
ᬢᭀᬂᬳᬦᬫᬗ᭄ᬯᬶᬭᬗᬶᬦ᭄᭟ᬳᬶᬳᬮᬸᬓᬸᬦᬶᬂᬫᬺᬱᬚᭂᬗᬄᬭᬶᬂᬫᬦᬄ᭞ᬦᬵᬗ᭄ᬳᬶᬂᬢᬾᬢ᭄ᬯᬭᬩᬦᬶ᭞ᬧᬘᬂᬫᬗ᭄ᬯᬮᬢ᭄ᬓᬭ᭞ᬤᬾᬦᬶᬂᬫᬗ᭄ᬭᬱᬓᬮᬄ᭞ᬲᬗ᭄ᬓᬦ᭄ᬬᬦᬸᬦ᭄ᬤᬾᬦ᭄ᬫᬳᬶ᭞ᬫ
[᭒᭐ 20A]
ᬗᬩᬲᬹᬭᬵᬢ᭄᭞ᬫᬮᬸᬗ᭄ᬕᬸᬳᬂᬢᭂᬓᬾᬦ᭄ᬩᭂᬮᬶ᭟ᬲᬗ᭄ᬓᬦ᭄ᬩᭂᬮᬶᬫᬗᬤᬓᬂᬲᬫᭀᬥᬦ᭞ᬜᬶᬳ᭄ᬦᬬᬂᬓᭂᬦᭂᬄᬩᭂᬮᬶ᭞ᬢᬺᬱ᭄ᬡᬫᬲᬯᬶᬢ᭄ᬭ᭞ᬲᬚᬯᬶᬦᬶᬂᬭᬭᬵᬫ᭞ᬧᬘᬂᬮᬯᬦ᭄ᬜᬫᬢᬦ᭄ᬥᬶᬂ᭞ᬬᬤᬶᬦ᭄ᬢᬦ᭄ᬲᬶ
ᬤ᭄ᬥ᭞ᬧᬘᬂᬲᬶᬤ᭄ᬥᬬᬂᬩᭂᬮᬶ᭟ᬫᬮᬶᬄᬮᬶᬬᬸᬭᬯᭀᬲ᭄ᬩᭂᬮᬶᬫᬜᬫ᭄ᬩ᭄ᬭᬫ᭞ᬓᬳᬸᬗ᭄ᬕᬸᬳᬂᬤᬶᬢᬸᬮᬶᬲ᭄᭞ᬲᬳᬫᬫᬶᬤᬭ᭞ᬳᬶᬓᭀᬃᬧᬢ᭄ᬬᬫᬗᬩ᭞ᬩᭀᬓᭀᬃᬳ᭄ᬫᬵᬲ᭄ᬫᬰᭀᬘᬫᬦᬶᬓ᭄᭞ᬩᬸ
ᬗ᭄ᬓᬸᬂᬳᬧᬲᬂ᭞ᬫᬲᬶᬄᬫᬰᭀᬘᬫᬦᬶᬓ᭄᭟ᬳᬃᬣᬶᬦ᭄ᬜᬦᬾᬤᬶᬢᬸᬬᬲᬸᬩᬫᬲᬹᬭᬵᬢ᭄᭞ᬫᬩᭀᬗ᭄ᬓᭀᬮ᭄ᬚᬢᬶᬧᬸᬢᬶᬄ᭞ᬢ᭄ᬯᬭᬧᬘᬂᬳᭂᬗ᭄ᬲᬧ᭄᭞ᬫᬗᬾᬲ᭄ᬢᬶᬓᬦᬶᬫ᭄ᬫᬃᬮᬦ᭄᭞ᬓᬾᬢᭀ
ᬇᬲᬶᬦ᭄ᬜᬤᬶᬢᬸᬮᬶᬲ᭄᭞ᬫᬯᬲ᭄ᬢᬸᬳᬶᬬ᭞ᬫᬳᬶᬭᬶᬩ᭄ᬢᬸᬯᬭᬢᬫ᭄ᬧᬶ᭟ᬤᬾᬦᬶᬂᬳᬶᬬᬫᬦᬶᬢᬶᬧᬂᬩᬸᬗ᭄ᬓᬸᬂᬢᬶᬫᬄ᭞ᬫᬰᭀᬘᬫᬶᬭᬄᬘᭂᬦᬶᬓ᭄᭞ᬩᬭᬓ᭄ᬫᬗᬸᬭᬜᬩ᭄᭞ᬓᬵᬮᬶᬄ᭠
Kaca:Bali-lontar-gaguritan-katak-300ppi.pdf/20
Kaca puniki sampun kauji-wacén
