Kaca:Bali-lontar-gaguritan-katak-300ppi.pdf/21

Kaca puniki sampun kauji-wacén

[᭒᭐ 20B]
᭒᭐
ᬢ᭄ᬯᬭᬫᬲᬹᬭᬵᬢ᭄᭞ᬓᬾᬢᭀᬬᬓᭂᬓᭂᬳᬂᬩᭂᬮᬶ᭞ᬢ᭄ᬯᬭᬳᭂᬗ᭄ᬲᬧ᭄᭞ᬲᭂᬗᬶᬢᬾᬢᭂᬓᬾᬦ᭄ᬩᭂᬮᬶ᭟ᬩᬳᬸᬚᬦᬶᬩᬩᬸᬗ᭄ᬲᭂᬮᬦ᭄ᬜᬦᬾᬗᭂᬦᬄ᭞ᬲᭂᬗᬶᬢᬾᬲᬓᬶᬂᬗᬹᬦᬶ᭞ᬲᭂᬧᭂᬮᬤᬶᬫᬦᬄ᭞ᬦᬾᬚᬦᬶ
ᬧᭂᬤᬲ᭄ᬢᬶᬗ᭄ᬕᬃ᭞ᬫᬜᬮᬦᬂᬓᭂᬦᭂᬄᬲᭂᬗᬶᬢ᭄᭞ᬫᬤᬲᬃᬘᭀᬭᬄ᭞ᬚᬮᬭᬦ᭄ᬲᬓᬶᬂᬲᬶᬗᬶᬤ᭄᭟ᬫᬧᬶᬲᬥᬸᬫᬧᬶᬫᬧᬶᬢ᭄ᬯᬭᬦᬯᬂ᭞ᬧᬶᬤᬩ᭄ᬤᬩ᭄ᬜᬦᬾᬚᬦᬶ᭞ᬳᭂᬦ᭄ᬢᭀᬳᬶᬮᬮᬲᬦ᭄᭞ᬫᬫᬺᬚᬬ᭠
ᬳᬶᬓᬢᬓ᭄᭞ᬳᭂᬦ᭄ᬢᭀᬬᬦ᭄ᬓᭂᬦᭂᬳᬂᬩᭂᬮᬶ᭞ᬦᬵᬣᬾᬂᬯᬬᬾᬯᬓ᭄᭞ᬫᬦᬸᬦ᭄ᬤᬾᬦ᭄ᬲᬗ᭄ᬓᬦ᭄ᬩᬦᬶ᭟ᬳᬸᬮᬶᬤᬶᬢᬸᬬᬫᬗᬮᬶᬄᬕᬕᭂᬮᬶᬳᬦ᭄᭞ᬦᬾᬧᬘᬂᬗ᭄ᬯᬗᬸᬦ᭄ᬓᬮᬶ᭞ᬫᬋᬧ᭄ᬢᭂᬓᬾᬦ᭄ᬦᬶᬭ᭞ᬓᬾ
ᬢᭀᬧᬢᬶᬄᬓᭂᬦᭂᬳᬂ᭞ᬓᬾᬦ᭄ᬓᬾᬦ᭄ᬩᬵᬦ᭄ᬫᬤᬬᬚᬦᬶ᭞ᬳᬗ᭄ᬕᭀᬦ᭄ᬫᬫᬧᬲ᭄᭞ᬫᬸᬲᬸᬳᬾᬮᬶᬦ᭄ᬢᬂᬰᬓ᭄ᬢᬶ᭟ᬓᬾᬢᭀᬧᬢᬶᬄᬋᬫ᭄ᬩᬸᬕᬂᬳᬚᬓ᭄ᬫᬓᭂᬚᬂ᭞ᬳᬶᬢᭂᬧᬂᬳᬧᬂᬗ᭄ᬕᬶᬮᬶᬲ᭄᭞ᬦᬾᬳ
[᭒᭑ 21A]
ᬗ᭄ᬕᭀᬦ᭄ᬯᬶᬯᬾᬓ᭞ᬕᭂᬮᬭᬂᬤᬶᬧᬲᬶᬬᬢᬦ᭄᭞ᬭᬾᬄᬳᬤᬶᬓᬵᬦ᭄ᬥᭂᬮᬂᬩᭂᬮᬶ᭞ᬧᬘᬂᬫᬸᬦ᭄ᬢᬲᬂ᭞ᬫᬸᬲᬸᬳᬾᬦᬾᬰᬓ᭄ᬢᬶ᭟ᬭᬓ᭄ᬭᬶᬬᬦ᭄ᬧᬢᬶᬄᬧᬸᬗ᭄ᬕᬯᬫᬦ᭄ᬢ᭄ᬭᬶᬲᬢ᭄ᬭᬶᬬ᭞ᬳᬾᬕᬃᬲᬫᬶᬗᬩᬓ᭄ᬢᬶ᭞ᬫᬵᬢᬹᬃ
ᬫᬗᬋᬧᬂ᭞ᬲᬫ᭄ᬩᬶᬮ᭄ᬫᬗᭂᬮᬸᬢ᭄ᬧᬥ᭞ᬭᬢᬸᬤᬾᬯᬕᬸᬂᬲᬵᬓᬤᬶ᭞ᬤᬯᬸᬄᬯᬵᬘᬦ᭞ᬭᬶᬂᬢᬶᬢ᭄ᬬᬂᬲᬋᬂᬲᬫᬶ᭟ᬢᬦ᭄ᬫᬶᬦᬳᬩᬵᬬᬫᬗ᭄ᬭᬱᬭᬶᬂᬫᬦᬄ᭞ᬓᬤᬶᬳᬶᬳᬮᬸᬓᬸᬦᬶᬂᬲ᭄ᬯᬾᬘ᭄ᬙᬦ᭄ᬘᭀ
ᬓᭀᬃᬳᬶᬤᬾᬯ᭞ᬗᬲ᭄ᬢᬶᬢᬶᬬᬂᬧᬶᬲᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬲᬓᬤᬶᬓᬤᬶ᭞ᬯᬮᬸᬬᬧᬶᬲᬦ᭄᭞ᬫᭂᬢᭀᬦ᭄ᬢᬶᬗ᭄ᬕᬮ᭄ᬩᬶᬩᬶ᭞ᬓᬤᬶᬫᬗ᭄ᬓᬶᬦ᭄ᬳᬶᬧᬸᬦ᭄ᬫᬳᬫ᭄ᬩᭂᬓ᭄ᬤᬸᬃᬰᬶᬮ᭞ᬘᬮᬶᬓᬫᭀᬫᭀᬘᬸᬮᬶᬕ᭄᭞ᬢ᭄ᬯ
ᬤᬫᬗᬾᬢᬂ᭞ᬧᬜ᭄ᬚᬸᬳᬦ᭄ᬥᬦᬫᭂᬮᬄ᭞ᬦᬶᬃᬫᬮᬲᭂᬥᭂᬂᬳᬲ᭄ᬢᬶᬢᬶ᭞ᬳᬗ᭄ᬕᭀᬦ᭄ᬓᭂᬫᬶᬢᬦ᭄᭞ᬲᬳᬸᬭᬶᬧᬾᬤᬶᬕᬸᬫᬶ᭟ᬤᭀᬄᬧᬶᬲᬦ᭄ᬳᬶᬧᬸᬦ᭄ᬳᬸᬦᬶᬂᬓᬧᬵᬢᬹᬢᬦ᭄᭞ᬧᬫᬃᬕ᭄ᬕᬶᬦ᭄ᬲᬂᬪᬸᬧ᭠