[᭒᭑ 21B]
᭒᭑
ᬢᬶ᭞ᬩ᭄ᬯᬶᬦᬦ᭄ᬤᭀᬯᬓ᭞ᬦᬶᬲ᭄ᬢᬦᬸᬮᬓ᭄ᬥᬦ᭞ᬳᬦ᭄ᬢᬸᬓ᭄ᬩᬘᬶᬦ᭄ᬮᬶᬦ᭄ᬢᬂᬧᭂᬗᬶᬢ᭄᭞ᬭᬢᬸᬳᬸᬤᬢ᭞ᬲᬦ᭄ᬥᬂᬚᬧᬶᬲᬦ᭄ᬓᭂᬫ᭄ᬩᬭᬶᬦ᭄᭟ᬲᬵᬫ᭄ᬧᬸᬦ᭄ᬧᬶᬲᬦ᭄ᬭᬢᬸᬫᬋᬫ᭄ᬩᬸᬕ᭄ᬜᬗ᭄ᬓᭂᬧᬂ᭞ᬯᬶᬯᬾᬓᬢᬦ᭄ᬧᬓᬃᬤ᭄ᬥᬶ᭞ᬓᬾᬄᬗᬯᬶ
ᬦᬂᬋᬩᬢ᭄᭞ᬧᬫᬃᬕ᭄ᬕᬶᬦᬾᬫᬬᬸᬥ᭞ᬭᬶᬫ᭄ᬩᬶᬢ᭄ᬩᬵᬲ᭄ᬓᬵᬓᬾᬳᬦ᭄ᬢᭀᬮᬶᬄ᭞ᬭᬾᬄᬫᭂᬲᭂᬄᬦᬶᬲ᭄ᬢ᭞ᬲᬵᬫ᭄ᬧᬸᬦ᭄ᬫᬮᬶᬄᬦᬗᬭᬶᬦ᭄᭟ᬜᬥ᭄ᬬᬧᬶᬲᬦ᭄ᬢᬶᬢ᭄ᬬᬂᬦᬦ᭄ᬥᬶᬗᬂᬓᬯᬶᬭᬦ᭄᭞ᬫᬫᭂᬲᭂᬄᬳᬶᬳᬮᬸᬓᬸ
ᬦᬶᬂ᭞ᬭᬶᬂᬭᬡᬧᬩ᭄ᬭᬢᬦ᭄᭞ᬬᬤ᭄ᬬᬧᬶᬦ᭄ᬓᬳᬶᬚᭂᬗᬦ᭄᭞ᬳᬢᬫ᭄ᬧᬓ᭄ᬦᭀᬭᬗᬶᬭᬶᬕᬶᬦ᭄᭞ᬳᬶᬰᬢ᭄ᬭᬸᬘᭀᬭᬄ᭞ᬓᬦᬶᬲ᭄ᬢᬓᬶᬭᬂᬓᬾᬃᬣᬶ᭟ᬢᬶᬢ᭄ᬬᬂᬭᬢᬸᬩᬗ᭄ᬓᬾᬫᬚᬮᬦ᭄ᬯᬲ᭄ᬢᬦ᭄ᬜ᭞
ᬧᬂᬫᬗ᭄ᬥᬲᬶᬤ᭄ᬥᬳᬸᬕᬶ᭞ᬗᬢᬸᬭᬂᬧᬗᬬᬄ᭞ᬳᬶᬭᬶᬓᬭᬶᬂᬧᬬᬸᬤᬦ᭄᭞ᬦᬯᬸᬃᬲ᭄ᬯᬾᬘ᭄ᬙᬦᬶᬂᬕᬸᬲ᭄ᬢᬶ᭞ᬢ᭄ᬯᬭᬤᬕ᭄ᬓᬶᬭᬂ᭞ᬭᬶᬂᬗᬸᬦᬶᬓᬦ᭄ᬢᭀᬲ᭄ᬫᬗ᭄ᬓᬶᬦ᭄᭟ᬓᬾᬢᭀᬳᬢᬸᬃᬧᬢᬶᬄᬧᬸᬗ᭄ᬕᬯ
[᭒᭒ 22A]
ᬮᬦ᭄ᬥᭂᬫᬂ᭞ᬳᬾᬕᬃᬲᬫᬶᬧᬤᬶᬗ᭄ᬓ᭄ᬭᬶᬓ᭄᭞ᬧᬥᬫᬗᬾᬤᬾᬗᬂ᭞ᬘᬮᬶᬗᬾᬢᬚᭂᬧ᭄ᬲᭂᬦ᭄ᬢᬓ᭄᭞ᬫᬩᬶᬦ᭄ᬤᭂᬃᬗᭀᬓᭀᬓ᭄ᬧᬚᭂᬭᬶᬢ᭄᭞ᬲᬫᬶᬗᬶᬦ᭄ᬢᬭᬂ᭞ᬯᬶᬤᬕ᭄ᬥᬦᬾᬫᬲᬫ᭄ᬩᬸᬢ᭄᭟ᬘᬭᬶᬢᬬᬂᬰ᭄ᬭᬷᬩ᭄ᬭᬵ
ᬳ᭄ᬫᬵᬘᬃᬬ᭄ᬬᬓᬾᬫᭂᬗᬦ᭄᭞ᬫᬜᬶᬗᬓ᭄ᬓ᭄ᬯᬾᬳᬶᬂᬫᬦ᭄ᬢ᭄ᬭᬶ᭞ᬢᬶᬗ᭄ᬓᬳᬾᬧ᭄ᬭᬓᭀᬰ᭞ᬫᬗᬸᬢᬂᬓᬧᬵᬢᬹᬢᬦ᭄᭞ᬗᬸᬫᬦ᭄ᬤᭂᬮᬂᬯᬷᬭᬰᬓ᭄ᬢᬶ᭞ᬗᬤᬸᬳᬗ᭄ᬓᬭ᭞ᬢᬦ᭄ᬯᬗ᭄ᬥᬾᬢᭂᬫᬄᬫᬵᬢᬶ᭟ᬢᬦ᭄ᬰᬦ᭄ᬢᭀᬱ᭠
ᬰ᭄ᬭᬷᬩ᭄ᬭᬵᬳ᭄ᬫᬵᬘᬃᬬ᭄ᬬᬗᬋᬧᬂ᭞ᬗᬦ᭄ᬤᬶᬓᬩᬦ᭄ᬩᬦ᭄ᬫᬦᬶᬲ᭄᭞ᬭᬶᬂᬯᬢᭂᬓ᭄ᬧᬃᬢ᭄ᬢᬶᬯ᭞ᬦᬾᬢᬾᬘᬳᬶᬧᬥ᭞ᬫᭂᬦ᭄ᬤᭂᬧ᭄ᬫᬮᬸᬩ᭄ᬯᬶᬦ᭄ᬯᬮᬶᬦᬶᬦ᭄᭞ᬋᬲᭂᬧ᭄ᬧᭂᬤᬲᬂ᭞ᬯᬘᬦᬦ᭄ᬤᬲᬂᬅᬚᬶ᭟ᬤᬾᬦᬶᬂᬳᬶᬤᬫ
ᬦᬓᭀᬦᬂᬓᬧᬢᬸᬢᬦ᭄᭞ᬢᬶᬗ᭄ᬓᬳᬾᬫᬗᬋᬧᬶᬦ᭄᭞ᬫᬸᬰᬸᬄᬧᬶᬤᬶᬧᬲ᭄ᬬᬢᬦ᭄᭞ᬓᬾᬢᭀᬤᬕᬶᬂᬯᬘᬦ᭞ᬳᬦᬓᬾᬦᬾᬩᬸᬓᬘᬳᬶ᭞ᬭᬾᬄᬧᬮᬶᬂᬢᬸᬯ᭞ᬓᬵᬋᬧᬂᬫᬗ᭄ᬓᬸᬧ
Kaca:Bali-lontar-gaguritan-katak-300ppi.pdf/22
Kaca puniki sampun kauji-wacén
