Kaca:Bali-lontar-gaguritan-katak-300ppi.pdf/23

[᭒᭒ 22B]
᭒᭒
ᬢᬶᬄ᭟ᬲᭂᬥᭂᬂᬘᬳᬶᬫᬗᬢᬸᬭᬂᬓᬧᬵᬢᬸᬢᬦ᭄᭞ᬢ᭄ᬯᬭᬤᬩᬸᬓᬚᬦᬶ᭞ᬚᭂᬕ᭄ᬦᬶᬗ᭄ᬓ᭄ᬭᬶᬓ᭄ᬧᬲᭂᬩᬓ᭄᭞ᬗᬾᬤᬾᬗᬂᬘᬮᬶᬂᬜᬜᬧ᭄᭞ᬓᬵᬮᬶᬄᬗᬢᬸᬭᬂᬓᬯᬦᬶ᭞ᬢᬹᬃᬫᬗᬶᬦ᭄ᬢᬭᬂ᭞ᬓᬯᬷᬭᬦᬾ
ᬳᬸᬚᬶᬭᬶᬢ᭄᭟ᬜᬵᬦ᭄ᬩᭀᬬᬭᬾᬄᬘᬳᬶᬫᬸᬮᬧ᭄ᬭᬯᬶᬭ᭞ᬓᬵᬋᬧᬂᬳᬸᬮᬶᬂᬗᬸᬦᬶ᭞ᬢᬸᬃᬓᬲᬸᬩ᭄ᬓᬮᬸᬫ᭄ᬭᬄ᭞ᬧᬶᬦᬓᬤᬶᬂᬤᬶᬂᬤᬤ᭞ᬩᬸᬓᬸᬳᬂᬮᬶᬗ᭄ᬕᬶᬄᬲᬂᬅᬚᬶ᭞ᬢ᭄ᬯᬭᬵᬤᬮᬾᬦᬦ᭄᭞ᬘᬳᬶ
ᬦᬾᬦᬾᬓᬧᬸᬚᬶ᭟ᬩᬸᬓᬩᭂᬮᬶᬫᬫᬦ᭄ᬢᭂᬲ᭄ᬚᬦᬶᬗᬋᬧᬂ᭞ᬫᬫᬸᬜᬶᬗᬸᬮᬾᬫᬾᬓᬶᬦ᭄᭞ᬦᬵᬗ᭄ᬳᬶᬂᬢ᭄ᬯᬭᬧᬶᬲᬦ᭄᭞ᬩᭂᬮᬶᬗᬸᬫᬦ᭄ᬥᭂᬮ᭄ᬳᬯᬓ᭄᭞ᬢᬳᬸᬢᭂᬓᭂᬦ᭄ᬤᬾᬯᬾᬓ᭄ᬫᬶᬲ᭄ᬓᬶᬦ᭄᭞ᬓ
ᬢᬸᬦᬦ᭄ᬫᬦᬄ᭞ᬓᬵᬮᬶᬄᬦᬸᬤᭂᬫᭂᬦ᭄ᬳᬸᬭᬶᬧ᭄᭟ᬲᬗ᭄ᬓᬦ᭄ᬩᭂᬮᬶᬫᬗᭂᬦᭂᬳᬶᬦ᭄ᬓᬾᬯᭂᬄᬧᬶᬲᬦ᭄᭞ᬢᬶᬗ᭄ᬓᬳᬾᬫᬗᬸᬦ᭄ᬚᬸᬭᬶᬢ᭄᭞ᬭᬾᬳᬶᬂᬓᬸᬦᬓᬸᬦ᭞ᬲᬂᬓᬬᬸᬦ᭄ᬲᬶᬤ᭄ᬥᬫᭂᬦᭂᬂ᭞ᬤᬶᬧᬲ᭄ᬬᬢ
[᭒᭓ 23A]
ᬦ᭄ᬢᬦ᭄ᬥᬶᬂᬚᬸᬭᬶᬢ᭄᭞ᬧᬕᭂᬄᬗ᭄ᬕᬶᬦᭂᬗᬂ᭞ᬧᬶᬦᭂᬄᬳᬸᬧᬬᬲᬦ᭄ᬥᬶ᭟ᬢ᭄ᬯᬭᬓᬬᬸᬦ᭄ᬳᬶᬤᬚᭀᬕ᭄ᬫᬗ᭄ᬯᬗᬸᬦ᭄ᬬᬸᬥ᭞ᬫᬲᬶᬄᬦᬸᬫᬶᬦᭂᬳᬶᬦ᭄᭞ᬥᬾᬦᬶᬂᬢ᭄ᬯᬭᬲᬶᬤ᭄ᬥ᭞ᬳᬶᬤᬭᬯᬸᬄᬫᬗᬺᬕᬄ᭞ᬤᬶᬢᬸᬳᬶᬤᬫᬗᬵᬃ
ᬬ᭄ᬬᬦᬶᬦ᭄᭞ᬳᬶᬫᬸᬰᬸᬄᬫᬦᭂᬓᬳᬶᬦ᭄᭞ᬫᬗ᭄ᬥᬾᬦ᭄ᬢᬦ᭄ᬲᬶᬤ᭄ᬥᬳᬸᬕᬶ᭟ᬤᬶᬢᬸᬳᬶᬤᬦᬗᬭᬶᬦ᭄ᬫᬗ᭄ᬯ᭠ᬗᬸᬦ᭄ᬕᭂᬮᬃ᭞ᬦᬾᬓᬸᬓᬸᬄᬫᬗᬺᬲᬶᬦ᭄᭞ᬓᬵᬮᬶᬄᬲᬳᬧᬜ᭄ᬚᬓ᭄᭞ᬫᬗᭂᬫᬶᬢ᭄ᬧᭂᬢᭂᬂᬍᬫᬄ᭞ᬤᬶᬢᬸᬘᬮᬶ
ᬗᬾᬢᬚᭂᬧᬶᬦ᭄᭞ᬳ᭄ᬤᬢᬸᬮᬾᬫᬦ᭄᭞ᬤᬶᬕᭂᬮᬃᬫᬓᭂᬫᬶᬢ᭄᭟ᬓᬵᬮᬶᬄᬲᬗᬸᬤᬶᬢᬸᬳᬶᬤᬫᬜᬯᬶᬲᬂ᭞ᬓᬾᬢᭀᬲᬂᬢᬫᬾᬂᬯᬾᬲ᭄ᬢᬶ᭞ᬩᬸᬯᬶᬦ᭄ᬬᬾᬦ᭄ᬬᬗᭂᬮᬄ᭞ᬳᬶᬫᬸᬰᬸᬄᬰᬓ᭄ᬢᬶᬰᬓ᭄ᬢ᭄ᬬ᭞
ᬤᬶᬢᬸᬳᬶᬤᬗᬮᬶᬄᬓᬦ᭄ᬢᬶ᭞ᬦᬾᬫᬯᬶᬰᬾᬱ᭞ᬧᬥᬲᬶᬤ᭄ᬥᬫᬧᬶᬓᭀᬮᬶᬄ᭟ᬬᬾᬦᬶᬂᬮᬶᬬᬸᬫᬸᬰᬸᬄᬫᬗᭂᬮᬄᬓᬤᬂ᭞ᬳᭂᬦ᭄ᬢᭀᬤᬬᬦᬂᬳᬶᬦ᭄ᬢᬶᬧ᭄᭞ᬫᬗ᭄ᬥᬾᬦ᭄ᬦᬾᬫᬢᬸᬗ᭄ᬓᬲ᭄᭞