Kaca:Bali-lontar-gaguritan-katak-300ppi.pdf/24

Kaca puniki sampun kauji-wacén

[᭒᭓ 23B]
᭒᭓
ᬧᭂᬤᬲ᭄ᬬᬢᭂᬓᬫᬳᬶ᭞ᬗᬶᬤᬶᬄᬢᬸᬮᬸᬗᬦ᭄᭞ᬤᬶᬢᬸᬬᬩᬸᬯᬶᬦ᭄ᬓᭂᬦᭂᬳᬶᬦ᭄᭟ᬦᬾᬦᬾᬧᬘᬂᬳᬗ᭄ᬕᭀᬦ᭄ᬗᬍᬕᬦᬶᬦ᭄ᬜᬫ᭄ᬩ᭄ᬭᬫ᭞ᬲᬓᭂᬦᭂᬳᬳᬸᬮᬸᬭᬶᬦ᭄᭞ᬬᬾᬦ᭄ᬬᬲᬸᬩᬢᬺᬱ᭄ᬡ᭞ᬲᬶᬦᬄᬬᬫᬦᬸᬢᬸᬭᬂ᭞
ᬢᬶᬗ᭄ᬓᬄᬭᬢᬸᬦ᭄ᬜᬦᬾᬲᬫᬶ᭞ᬬᬾᬦ᭄ᬲᬸᬩᬧᭂᬚᬄ᭞ᬳ᭄ᬤᬓᬾᬯᭂᬄᬜ᭄ᬚᬮᬦᬶᬦ᭄᭟ᬦᬵᬗ᭄ᬳᬶᬂᬓᬾᬢᭀᬤᬚᭂᬕ᭄ᬦᬸᬦ᭄ᬤᬾᬦ᭄ᬫᬲ᭄ᬬᬢ᭄᭞ᬫᬲᬶᬄᬯᬲ᭄ᬯᬲ᭄ᬓᭂᬦᭂᬳᬶᬦ᭄᭞ᬲᬶᬂᬜᬳ᭄ᬦᬸᬢᬺᬱ᭄ᬡ᭞ᬭᬶᬂᬕᬸᬲ᭄ᬢᬶᬦ᭄ᬜᬦᬾᬲᬸᬩ᭞
ᬲᬶᬂᬜᬬᬗᬾᬤᬍᬫ᭄ᬩᬸᬯᬶᬦ᭄᭞ᬧᬘᬂᬫᬫᬜ᭄ᬚᬓ᭄᭞ᬤᬶᬢᬸᬯᬲ᭄ᬯᬲ᭄ᬓᭂᬦᭂᬳᬶᬦ᭄᭟ᬲᭂᬥᭂ᭠ᬓ᭄ᬜᬦᬾᬫᬋᬫ᭄ᬩᬸᬕ᭄ᬫᬲᬗ᭄ᬓᭂᬧᬦ᭄᭞ᬧᭂᬤᬲᬂᬳᬧᬂᬧᬲ᭄ᬢᬶ᭞ᬬᬾᬦᬶᬂᬲᬸᬩᬧᭂᬤᬲ᭄᭞ᬲᬶᬮᬸᬂᬮᬸᬂᬚᬷᬯ᭠
ᬭᬵᬕ᭞ᬳᭂᬦ᭄ᬢᭀᬳᬧᬳᬦ᭄ᬢᬶᬩᬸᬯᬶᬦ᭄᭞ᬬᬤᬶᬦ᭄ᬢᬦ᭄ᬲᬶᬤ᭄ᬥ᭞ᬲᬶᬤ᭄ᬥᬬᬂᬗ᭄ᬯᬗᬸᬦ᭄ᬓᬵᬮᬶ᭟ᬳᭂᬦ᭄ᬢᭀᬓᬾᬢᭀᬢᬶᬗ᭄ᬓᬄᬲᬂᬚᬬᬭᬶᬂᬭᬵᬡ᭞ᬳᬯᬶᬦᬦ᭄ᬢ᭄ᬯᬭᬯᬺᬤ᭄ᬥᬶ᭞ᬲᬶᬂᬓᬵᬋᬧᬶᬦ᭄ᬓᬵ
[᭒᭔ 24A]
ᬮᬄᬭᬾᬄᬳᬶᬤᬫᬫᬕᭂᬳᬂ᭞ᬧᬶᬓᭂᬦᬦ᭄ᬳᬶᬭᬵᬚᬦᬷᬣᬶ᭞ᬢ᭄ᬯᬭᬢᬸᬮᬾᬫᬦ᭄᭞ᬫᬶᬦᭂᬳᬶᬦ᭄ᬲᬳᬶᬲᬳᬶ᭟ᬢ᭄ᬯᬭᬓᬬᬸᬦ᭄ᬫᬲᬶᬬᬢ᭄ᬬᬦ᭄ᬤᬸᬭᬸᬂᬧᭂᬤᬲ᭄᭞ᬧᬶᬓᭀᬮᬶᬳᬾᬓᬧᬗ᭄ᬕᬶᬄ᭞ᬓᬵᬮᬶᬄᬢ᭄ᬯᬭᬳ᭄ᬜ
ᬓ᭄᭞ᬦᬾᬢ᭄ᬯᬭᬓᬭ᭄ᬯᬦ᭄ᬓᬦ᭄ᬥ᭞ᬧᬘᬂᬗᬯᬶᬢᬶᬦᬂᬫᬲᬩᬶᬢ᭄᭞ᬳᭂᬦ᭄ᬢᭀᬲᬂᬢᬶᬓᬦ᭄᭞ᬦᬾᬧ᭠ᬕᭂᬄᬫᬫᬶᬦᭂᬳᬶᬦ᭄᭟ᬦᬾᬦᬾᬚᬦᬶᬧᬢᬶᬄᬧᬘᬂᬗ᭄ᬯᬗᬸᬦ᭄ᬲᬶᬬᬢ᭄᭞ᬧᭂᬤᬲ᭄ᬲᬸᬩᬩᬵᬦ᭄ᬧᬢᬶᬄ᭞
ᬫᭂᬦᬂᬤᬶᬧᬲᬶᬬᬢᬦ᭄᭞ᬢᬹᬃᬧᬶᬓᭀᬮᬶᬳᬾᬳᬧ᭞ᬦᬾᬧᬘᬂᬚᬭᬄᬓᬚᬗᬶᬦ᭄᭞ᬲᬶᬤ᭄ᬥᬬᬾᬦ᭄ᬓᬮᬄ᭞ᬬᬦᬾᬲᬂᬳᬮᬸᬓᬸᬦᬶᬂᬬᬤᬶᬦ᭄ᬚᬸᬯᬂᬚᭂᬭᭀᬦ᭄ᬥᬦᬾᬲᬂᬯᬬᬾᬯᬓ᭄᭞
ᬜᬾᬦ᭄ᬧᬘᬂᬗᬕᬸᬗᬶᬦ᭄᭞ᬤᬾᬦᬶᬂᬬᬤᬶᬤᬭᬢ᭄᭞ᬬᬾᬦ᭄ᬧᬢᬶᬄᬤᬶᬢᬸᬳ᭄ᬜᬓ᭄᭞ᬧᬘᬂᬫᬗᭀᬤᬕᬂᬩᬸᬓᬶᬢ᭄᭞ᬳᭂᬦ᭄ᬢᭀᬓᭂᬦᭂᬳᬂ᭞ᬦᬾᬧᬘᬂᬳᬗ᭄ᬕᭀᬦ᭄ᬧᬶᬓᭀᬮᬶᬄ᭟