[᭒᭔ 24B]
᭒᭔
ᬬᬾᬦᬶᬂᬧᬢᬶᬄᬓᬮᬄᬩᬵᬦ᭄ᬦᬵᬣᬾᬂᬬᬯᬓ᭄᭞ᬲᬶᬦᬄᬩᬸᬓᬲᬶᬮᬧᬶᬦ᭄᭞ᬢᬹᬢᬶᬂᬧ᭄ᬬᬦᬓ᭄ᬲᭀᬫᬄ᭞ᬳᬗ᭄ᬕᭀᬦ᭄ᬜᬢᬢᬤᬳᬦ᭄᭞ᬤᬾᬦᬶᬂᬤᬦᬾᬘᬮᬸᬄᬫᬳᬶ᭞ᬬᬤᬶᬦ᭄ᬓᬧᬸᬭᬶᬬᬦ᭄᭞ᬳᬯᬶᬦᬦᬾᬫᭂ
ᬮᬄᬓᬰᬶᬄ᭟ᬓᬮᬶᬄᬳᭂᬦ᭄ᬢᭀᬳᬶᬢᬸᬗᬶᬢᬸᬗᬶᬦ᭄ᬤᬶᬫᬦᬄ᭞ᬧᭂᬤᬲᬂᬳᬧᬂᬧᬲ᭄ᬢᬶ᭞ᬳ᭄ᬤᬗᬗ᭄ᬕᭀᬦ᭄ᬲᬯᬢᬄ᭞ᬳ᭄ᬤᬗᬗ᭄ᬕᭀᬦ᭄ᬢᬸᬢᬸᬭᬦ᭄᭞ᬬᬾᬦ᭄ᬲᬸᬩᬧᭂᬤᬲ᭄ᬩᬵᬦ᭄ᬧᬢᬶᬄ᭞ᬧᬥᬸᬳᬋᬧᬂ᭞ᬮᬦ᭄ᬢᬲ᭄ᬤᬶᬢᬸᬫ᭄ᬩ
ᬗᬶᬦ᭄᭟ᬦᬾᬦᬾᬧᭂᬮᬶᬄᬬᬦ᭄ᬧᬵᬢᬹᬢ᭄ᬳᬸᬓᬸᬫ᭄ᬧᬶᬤᭀᬱ᭞ᬓᬾᬢᭀᬲᬂᬫᬗ᭄ᬓᬸᬪᬸᬫᬶ᭞ᬳᬶᬘ᭄ᬙᬢᬹᬃᬧᬭᬶᬓ᭄ᬱ᭞ᬫᭂᬮᬄᬳᬗ᭄ᬕᭀᬦ᭄ᬫᬦᬢᬲ᭄᭞ᬦᬾᬩᭂᬦᭂᬄᬢᭂᬓᬾᬦ᭄ᬦᬾᬧᭂᬮᬶᬄ᭞ᬬᬤᬶᬦ᭄ᬫᬚᬮᬦ᭄᭞ᬓ
ᬘᭀᬭᬳᬦᬾᬩᬸᬯᬶᬦ᭄᭟ᬳᬸᬮᬶᬤᬶᬢᬸᬩᬵᬦ᭄ᬧᬢᬶᬄᬗᬮᬶᬄᬫᭂᬤᬲᬂ᭞ᬧᬂᬲᬸᬩᬦᬾᬦ᭄ᬦᬾᬚᬦᬶ᭞ᬳᬸᬲᬓ᭄ᬗᬵᬦ᭄ᬧᬶᬲᬸᬦ᭞ᬢᬶᬗ᭄ᬓᬳᬾᬫᬲᬸᬯᬶᬢ᭄ᬭ᭞ᬭᬶᬂᬥᬦᬾᬲᬂᬳᬮᬸᬓᬸᬦᬶᬂ᭞ᬭᬾᬄᬥᬦᬾ
[᭒᭕ 25A]
ᬢᬢᬲ᭄᭞ᬭᬶᬂᬳᬦᬸᬭᬕᬲᬦ᭄ᬥᬶ᭟ᬤᬾᬦᬶᬂᬥᬦᬾᬫᬫᬕᭂᬳᬂᬓᬧᬵᬢᬹᬢᬦ᭄᭞ᬢ᭄ᬯᬭᬵᬤᬲᬓᬶᬂᬳᬚᭂᬭᬶᬄ᭞ᬥᬦᬾᬫᬗ᭄ᬯᬮᬢ᭄ᬓᬭ᭞ᬫᬫᬸᬰᬸᬄᬦᬵᬣᬾᬂᬓᬓᬧ᭄᭞ᬲᬓᬶᬂᬤᬦᬾᬦᬸᬫᬾᬮᬶᬂ᭞ᬢᬺᬱ᭄ᬡᬫᬵ
ᬰᬶᬳᬦ᭄᭞ᬭᬶᬂᬳᬶᬤᬤ᭄ᬯᬕᬸᬂᬤᬶᬦᬶ᭟ᬲᬗ᭄ᬓᬦ᭄ᬥᬦᬾᬫᬦᬶᬢᬶᬧᬂᬩᬸᬗ᭄ᬓᬸᬂᬢᬶᬫᬄ᭞ᬫᬲᭀᬘᬫᬶᬭᬄᬘᭂᬦᬶᬓ᭄᭞ᬓᬾᬦᬾᬧᬗᬃᬣᬶᬬᬦ᭄ᬜ᭞ᬫᬯᬲ᭄ᬢᬸᬢ᭄ᬯᬭᬳᭂᬗ᭄ᬲᬧ᭄᭞ᬭᬓᭂᬢ᭄ᬫᬲᬸᬯᬶᬢ᭄ᬭᬫᬳᬶ᭞ᬫᬵᬯᬶᬦ᭄ᬧᬸᬃ
ᬡ᭄ᬦ᭞ᬲᬫᭂᬗ᭄ᬕᬸᬄᬥᬦᬾᬫᬭᬶ᭟ᬧᬕᭂᬄᬢᭂᬢᭂᬧ᭄ᬥᬦᬾᬫᬗᬾᬲ᭄ᬢᬶᬓᬥᬃᬫ᭄ᬫᬦ᭄᭞ᬦᬶᬃᬫᬮᬚᬢᬶᬳ᭄ᬦᬶᬂ᭞ᬢᬸᬯᬭᬓᬭᬓᭂᬢᬦ᭄᭞ᬩᬳᬦ᭄ᬳᬶᬭᬚᬄᬢᬫᬄ᭞ᬲᬗ᭄ᬓᬦ᭄ᬳᬗ᭄ᬓᬭᬦᬾᬫᬭᬶ᭞ᬲᬸᬯᬸᬤ᭄ᬫᬦ᭄ᬤᬶ
ᬮᬄ᭞ᬓᬧᬸᬘᭂᬄᬩᬳᬦ᭄ᬅᬚᬶ᭟ᬳᭂᬦ᭄ᬢᭀᬦᬶᬸᬓᬶᬸᬓᬶᬸ᭟ᬬᬤᬶᬦ᭄ᬭᬸᬲᬓ᭄ᬳᭀᬓᬦᬾᬥᬦᬾᬦᬸᬮᬶᬬᬂ᭞ᬳᭂᬦ᭄ᬢᭀᬦᬾᬓᬾᬢᭀᬧᬢᬶᬄ᭞ᬓᬳᬸᬘᬧ᭄ᬧᬸᬭᬸᬱ᭞ᬭᬾᬄᬫᬕᭂᬳᬂᬯᬶ᭠
Kaca:Bali-lontar-gaguritan-katak-300ppi.pdf/25
Kaca puniki sampun kauji-wacén
