[᭒᭕ 25B]
᭒᭕
ᬯᬓ᭄᭞ᬢ᭄ᬯᬭᬚᭂᬕ᭄ᬗᬯᬗᬸᬦ᭄ᬚᬸᬭᬶᬢ᭄᭞ᬭᬾᬄᬳᭀᬦ᭄ᬤᬾᬦ᭄ᬧᭂᬤᬲ᭄᭞ᬧᬶᬓᭀᬮᬶᬳᬾᬧᬗ᭄ᬕᬶᬄ᭟ᬦ᭄ᬢᭀᬓᭀᬢᭀᬳᬦ᭄ᬢᬸᬓ᭄ᬲᬂᬗᬶᬫᬳᬸᬢ᭄ᬢᬫᬾᬂᬰᬱ᭄ᬢ᭄ᬭ᭞ᬢ᭄ᬯᬭᬚᬩᬸᬓᬤᬶᬦᬶ᭞ᬗᬋᬧᬂᬳᬗ᭄ᬓᬭ᭞ᬫᭀᬫᭀ
ᬢ᭄ᬯᬭᬰᬦ᭄ᬢᭀᬰ᭞ᬫᬫᭂᬢᭂᬃᬢ᭄ᬯᬭᬫᬲᬸᬦ᭄ᬤᬶᬄ᭞ᬫᬳᬫ᭄ᬩᭂᬓ᭄ᬤᬿᬢ᭄ᬬ᭞ᬢ᭄ᬯᬭᬗᬶᬢᬸᬂᬩᭂᬦᭂᬄ᭠ᬧᭂᬮᬶᬄ᭟ᬦᬾᬚᬦᬶᬫᬩᬸᬓ᭄ᬢᬶᬩᬳᬦ᭄ᬳᬶᬓᬢᬓ᭄᭞ᬫᬧᬶᬬᭂᬕ᭄ᬘᬭᬘᭂᬭᬶᬓ᭄᭞ᬬᬾᬦ᭄ᬳᭂᬦ᭄ᬢᭀᬯᬶᬭ
ᬗᬂ᭞ᬢᬦ᭄ᬯᬗ᭄ᬥᬾᬢᭂᬫᬄᬭᬸᬲᬓ᭄᭞ᬮᬶᬗ᭄ᬕᬶᬄᬳᬦᬓ᭄ᬳᬕᬸᬂᬤᬶᬦᬶ᭞ᬫᬧᬶᬦᬲᬶᬳᬦ᭄᭞ᬭᬶᬂᬥᬦᬾᬲᬂᬳᬮᬸᬓᬸᬦᬶᬂ᭟ᬤᬾᬦᬶᬂᬧᬢᬶᬄᬓᬸᬯᬂᬢᬭᭀᬲ᭄ᬍᬯᬶᬄᬓ᭄ᬭᭀᬥ᭞ᬬᬾᬦ᭄ᬧᬵᬢᬹᬂᬦᬾᬚ
ᬦᬶ᭞ᬳᬶᬓᬢᬓ᭄ᬳᬢᬸᬭᬂ᭞ᬢᭂᬓᬾᬦ᭄ᬦᬵᬣᬾᬂᬯᬬᬾᬯᬓ᭄᭞ᬳᬧᬂᬥᬦᬾᬫᬦᬶᬫ᭄ᬩᬗᬶᬦ᭄᭞ᬗᬶᬯᬂᬫᬵᬢᬹᬢᬂ᭞ᬫᬶᬤᭀᬱᬳᬲᬶᬂᬧᭂᬮᬶᬄ᭟ᬳᭂᬦ᭄ᬢᭀᬓᬾᬢᭀᬳᬦ᭄ᬢᬸᬓ᭄ᬲᬂᬫᬕᭂᬳᬂᬚᬕᬢ᭄᭞
[᭒᭖ 26A]
ᬢ᭄ᬯᬭᬲᬸᬯᬸᬤ᭄ᬦᬗᬭᬶᬦ᭄᭞ᬢᬸᬭᬾᬓ᭄ᬱᬭᬶᬂᬧᬜ᭄ᬚᬓ᭄᭞ᬧᬂᬫᬗ᭄ᬥᬾᬦ᭄ᬜᬦᬾᬦᬾᬢᬺᬱ᭄ᬡ᭞ᬩᬦᬶᬫᬲᬶᬮᬸᬂᬮᬸᬂᬉᬭᬶᬧ᭄᭞ᬤᬶᬧᬲ᭄ᬬᬢᬦ᭄᭞ᬲᭂᬥᭂᬓᬶᬂᬗ᭄ᬯᬗᬸᬦ᭄ᬚᬸᬭᬶᬢ᭄᭚ᬲᬧᬸᬦᬶᬓᬧᬗᬦ᭄ᬤᬶᬓᬦ᭄ᬲᬂᬧᬗᭂ
ᬫ᭄ᬧ᭄ᬯᬦ᭄᭞ᬗᬦ᭄ᬤᬶᬓᬬᬂᬓᬶᬧᬢᬶᬄ᭞ᬫᬗᬲᭀᬭᬂᬭᬵᬕ᭞ᬭᬶᬂᬲᬂᬦᬵᬣᬾᬂᬯᬬᬾᬯᬓ᭄᭞ᬫᬶᬦ᭄ᬤ᭄ᬭᬶᬄᬓᬭᬳᬬ᭄ᬯᬦ᭄ᬕᬸᬫᬶ᭞ᬓᬮᬶᬄᬫᬵᬰᬶᬳᬦ᭄᭞ᬫᬗ᭄ᬥᬢᬦ᭄ᬤᬤᭀᬲ᭄ᬓᬮᬶ᭚ᬤᬶᬦᬸᬮᬸᬭᬦ᭄ᬤᬾᬦᬶᬂᬬ᭄ᬬᬩᬸᬮᬦ᭄ᬩᬸᬮᬦ᭄᭞ᬫᬳᬢᬹᬃᬩᬦ᭄ᬩᬦ᭄ᬫᬦᬶᬲ᭄᭞ᬕᬸᬲ᭄ᬢᬶᬧᬵᬢᬹᬢ᭄ᬧᬶᬲᬦ᭄᭞ᬲᬓᬤᬶᬧᬗᬦ᭄ᬤᬶᬓ᭞ᬤᬕᬶᬂᬫᬗ᭄ᬥᬫᬗ᭄ᬭᬬᬦᬶᬦ᭄᭞ᬮᬶᬗ᭄ᬕᬶᬄᬲᬂᬦᬵᬣ᭞ᬓᬯᬶᬃᬬ᭄ᬬᬦᬾᬗᬕᬸᬗᬶᬦ᭄᭚ᬚ
ᬕᬤ᭄ᬳᬶᬢᬧᬕᭂᬄᬓᬭᬶᬫᬲᬸᬯᬶᬢ᭄ᬭ᭞ᬯᬃᬕ᭄ᬕᬲᬦ᭄ᬢᬦᬯᬺᬥᬶ᭞ᬫᬗ᭄ᬕᭂᬄᬫᬸᬓ᭄ᬢᬶᬲᬸᬓ᭞᭠ᬓᬧᬶᬂᬓᬮᬶᬄᬳᬶᬧᬜ᭄ᬚᬓ᭄᭞ᬍᬕᬲᬫᬶᬗᬸᬮᬄᬩᬓ᭄ᬢᬶ᭞ᬳᬗᬫᭀᬂᬚᬷᬯ᭞ᬢ᭄ᬯᬭᬵᬦᬗ᭄ᬲ
Kaca:Bali-lontar-gaguritan-katak-300ppi.pdf/26
Kaca puniki sampun kauji-wacén
