[᭒᭗ 27B]
᭒᭗
ᬤ᭄ᬭᭀᬯᬓ᭞ᬤᬸᬃᬰᬶᬮᬳᬶᬦᬘᬸᬮᬶᬕ᭄᭞ᬲᬗ᭄ᬓᬦ᭄ᬫᬗᬸᬘᬧᬂ᭞ᬳᬶᬫᬸᬰᬸᬄᬧᬘᬂᬫᭂᬦᬂ᭞ᬓᬳᬶᬓᬮᬄᬫᬗᬸᬦ᭄ᬚᬸᬭᬶᬢ᭄᭞᭞ᬳᬄᬳᬸᬄᬚᭀᬄᬧᬶᬲᬦ᭄᭞ᬓᬳᬶᬧᬘᬂᬓᬚᬤ᭚ᬬᬦᬶᬂᬓᬫ᭄ᬩᬂᬩᬶᬬᬲᬾᬲᭂᬍ
ᬫ᭄ᬤᬶᬢᬸᬓᬤ᭄᭞ᬤᭀᬦ᭄ᬓᬬᬸᬦᬾᬦᬾᬳᬓᬶᬂ᭞ᬳᭂᬦ᭄ᬢᭀᬬᬾᬦ᭄ᬓᭂᬍᬫ᭞ᬬᬾᬦ᭄ᬓᬾᬢᭀᬓᬳᬶᬓᬮᬄ᭞ᬫᬫᬸᬰᬸᬄᬳᬶᬳᬮᬸᬓᬸᬦᬶᬂ᭞ᬦᬵᬗ᭄ᬳᬶᬂᬲᬫ᭄ᬩᬯ᭞᭞ᬬᬧᬘᬂᬫᭂᬦᬂᬚᬸᬭᬶᬢ᭄᭚ᬤᬶᬳᭂᬗ᭄ᬓᬳᬾᬳᬶᬯᬬᬾ᭠
ᬯᬓ᭄ᬧᬘᬂᬫᭂᬦᬂ᭞ᬫᬫᬸᬰᬸᬄᬢᭂᬓᬾᬦ᭄ᬓᬳᬶ᭞ᬭᬾᬄᬭᬢᬸᬤᬸᬃᬰᬶᬮ᭞ᬦ᭄ᬤᬶᬳᬶᬢ᭄ᬯᬭᬫᬓᬥᬂ᭞᭠ᬗᭂᬮᬄᬧᬜ᭄ᬚᬓ᭄ᬤᬸᬯᬂᬓᬢᬶᬄ᭞ᬢᬦ᭄ᬧᬲᬜ᭄ᬚᬢ᭞ᬲᬧᬜ᭄ᬚᬓ᭄ᬜᬦᬾᬫᬶ᭚ᬳᭂᬦ᭄ᬢᭀᬓᬾᬢᭀ
ᬦᬾᬚᬦᬶᬳᬶᬩᬜᬸᬫ᭄ᬩᬸᬗᬂ᭞ᬓᬩᬢᭂᬓ᭄ᬩᬳᬦ᭄ᬓᭂᬜᬶᬢ᭄᭞ᬓᬮᬸᬤᬶᬦ᭄ᬤ᭄ᬭᭀᬯᬓ᭞ᬬᬾᬦ᭄ᬳᬶᬩᬧᬓ᭄ᬱᬦᬵᬕ᭞ᬦᬾᬚᬦᬶᬳᬶᬩᬫᬕᭂᬤᬶ᭞ᬤᬶᬢᬸᬫᬫᬜ᭄ᬚᬓ᭄᭞ᬢᭂᬓᬾᬦ᭄ᬳᬶᬳᬮᬸᬓᬸᬦᬶᬂ᭚
[᭒᭘ 28A]
ᬓᬾᬢᭀᬧᬗᬦ᭄ᬤᬶᬓᬦ᭄ᬳᬶᬤᬾᬯᬕᬸᬂᬫᬾᬢ᭄ᬭᬦ᭄᭞ᬗᭂᬢᭀᬃᬲᬫ᭄ᬩᬶᬮ᭄ᬦᬸᬤᬶᬂ᭞ᬤᬾᬯᬩᬸᬮᬦ᭄ᬩᬸᬮᬦ᭄᭞ᬤᬶᬢᬸᬮᬦ᭄ᬢᬲ᭄ᬓᬚᬫ᭄ᬩᬓ᭄᭞ᬓᬳᬾᬭᬾᬤ᭄ᬓᬧᬸᬦ᭄ᬢᬕ᭄ᬧᬦ᭄ᬢᬶᬕ᭄᭞ᬢ᭄ᬯᬭᬤᬩᬶᬦᬲ᭄᭞ᬭᬾᬄᬢᭀᬢᭀ
ᬲ᭄ᬓ᭄ᬱᬢ᭄ᬭᬶᬬᬍᬯᬶᬄ᭚ᬬᬾᬦᬶᬂᬓᬬᬸᬦ᭄ᬥᬦᬾᬦᬦ᭄ᬥᬶᬂᬓᬯᬷᬭᬦ᭄᭞ᬫᬫᬸᬰᬸᬄᬰ᭄ᬭᬶᬪᬸᬧ᭠ᬢᬶ᭞ᬢᭀᬂᬓᬦ᭄ᬢᬶᬳᬤᬷᬦ᭞ᬲᬂᬦᬵᬯᬾᬂᬫᬾᬢ᭄ᬭᬦ᭄ᬓᬮᬄ᭞ᬤᬾᬦᬶᬂᬥᬦᬾᬍᬯᬶᬄᬰᬓ᭄ᬢᬶ᭞ᬢᭂᬕᭂᬄᬧ᭄ᬭᬯᬷ᭠
ᬭ᭞ᬯᬶᬤᬕ᭄ᬥᬬᬾᬦ᭄ᬳᬚᬸᬭᬶᬢ᭄᭚ᬦᬵᬗ᭄ᬳᬶᬂᬥᬦᬾᬫᬫᬕᭂᬳᬂᬮᬶᬂᬦᬶᬂᬰᬲ᭄ᬢ᭄ᬭ᭞ᬧ᭄ᬭᬢᬶᬗ᭄ᬓᬳᬶᬂᬳᬦᬶᬯᬶ᭞ᬢᬦ᭄ᬯᬾᬦᬂᬤ᭄ᬭᭀᬯᬓ᭞ᬧ᭄ᬮᬂᬧᬂᬫᬦᬦ᭄ᬥᬶᬗᬂ᭞ᬓᬧ᭄ᬭᬯᬷᬭᬵᬦ᭄ᬭᬶᬂᬲᬂᬳᬚᬶ᭞ᬓᬳᬸᬘᬧ᭄ᬧᬵᬧ᭞ᬢ
ᬦ᭄ᬯᬗ᭄ᬥᬾᬢᬶᬩᬾᬂᬯᬾᬘᬶ᭚ᬳᬕᬸᬂᬫᬾᬢ᭄ᬭᬦ᭄ᬲᬯᬸᬲᬦᬾᬫᬫ᭄ᬭᬚᬬ᭞ᬫᬮᬶᬄᬳᬶᬤᬫᬮᬶᬗ᭄ᬕᬶᬄ᭞ᬭᬶᬂᬤᬤᬫ᭄ᬧᬃᬳ᭄ᬫᬵᬲ᭄᭞ᬳᬶᬤᬾᬯᬩᬸᬮᬦ᭄ᬩᬸᬮᬦ᭄᭞ᬧᬸᬦᬶᬓᬳᬸᬘᬧᬂᬫᬮᬶᬄ᭞ᬲᭀᬮᬄ
Kaca:Bali-lontar-gaguritan-katak-300ppi.pdf/28
Kaca puniki sampun kauji-wacén
