[᭒᭘ 28B]
᭒᭘
ᬉᬢ᭄ᬢᬫ᭞ᬚᭂᬦᬃᬢ᭄ᬯᬭᬓᬩᬶᬮ᭄ᬩᬶᬮ᭄᭚ᬲᭀᬮᬄᬳᬮᬸᬲ᭄ᬫᬦᬩ᭄ᬤᬩᬂᬲᬲᬧᬸᬢᬦ᭄᭞ᬗᬋᬧᬂᬫᬮᬶᬄᬫᬮᬶᬗ᭄ᬕᬶᬄ᭞ᬫᭂᬧᭂᬲ᭄ᬦᭂᬫ᭄ᬧᬮ᭄ᬰᬶᬮ᭞ᬬᬤ᭄ᬬᬧᬶᬦ᭄ᬓᬳᭂᬩᬸᬓᬦ᭄᭞ᬭᬵᬕᬢᭂᬓᬦᬶᬂᬧ᭄ᬭᬭᬳᬶ᭞ᬲᬯᬂ
ᬫᬩᬸᬭᬢ᭄᭞ᬯᬃᬡ᭄ᬦᬫᬗ᭄ᬓᬶᬦ᭄ᬯ᭄ᬭᬲ᭄ᬧᬢᬶ᭚ᬫᬵᬢᬹᬃᬳᬮᬸᬲ᭄ᬫᬗᬲᭀᬃᬩᬦ᭄ᬩᬦ᭄ᬧ᭄ᬭᬡᬫ᭄ᬬ᭞ᬭᬢᬸᬤᬾᬯᬵᬕᬸᬂᬮᬶᬗ᭄ᬲᬶᬃ᭞ᬩᭂᬘᬶᬓ᭄ᬧᬮᬷᬮᬬᬂ᭞ᬧᬓᬬᬸᬦᬦᬾᬤᬸᬓ᭞ᬭᬶᬂᬢᬶᬢ᭄ᬬᬂᬳᬶᬚᬤ᭄ᬫᬫᬶᬲ᭄ᬓᬶᬦ᭄᭞ᬓ
ᬢᬸᬦᬦ᭄ᬫᬦᬄ᭞ᬫᬗᬯᬸᬮᬳᬶᬭᬶᬓ᭚ᬗᬭᬾᬯᭂᬤᬶᬦ᭄ᬧᬮᬶᬗ᭄ᬕᬶᬄᬘᭀᬓᭀᬃᬳᬶᬤᬾᬯ᭞ᬓᬩᬯᭀᬲ᭄ᬓᬶᬭᬂᬩᬓ᭄ᬢᬶ᭞ᬢᬶᬢ᭄ᬬᬂᬫᬗᬯᬸᬮ᭞ᬓᬵᬮᬶᬄᬓᬩᬯᭀᬲ᭄ᬘᭀᬭᬄ᭞ᬓᬸᬢᬶᬓᬫᬫᬦᬄ᭠
ᬘᬸᬮᬶᬕ᭄᭞ᬫᭀᬫᭀᬤ᭄ᬭᭀᬯᬓ᭄᭞ᬢᬶᬢ᭄ᬬᬂᬰ᭄ᬬᬸᬰᬫᬕᬸᬲ᭄ᬢᬶ᭚ᬳᬗ᭄ᬳᬶᬂᬭᬢᬸᬳᬤᭀᬄᬓᬧᭀᬫᬦᬄᬢᬶᬢ᭄ᬬᬂ᭞ᬧᬮᬂᬧᬂᬫᬵᬫ᭄ᬩᭂᬓ᭄ᬘᬸᬮᬶᬕ᭄᭞ᬓᬩᬢᭂᬓ᭄ᬰᬸᬰ᭄ᬭᬸᬰ᭞ᬦᬄᬩᬓ᭄ᬢᬶᬗᬯᬸ
[᭒᭙ 29A]
ᬮ᭞ᬲᬗ᭄ᬓᬦ᭄ᬗᬢᬹᬭᬂᬧᬓᬾᬮᬶᬂ᭞ᬫᬯᬲ᭄ᬢᬸᬢᬶᬢ᭄ᬬᬂ᭞ᬓᬢᬶᬩᬾᬦᬦ᭄ᬳᬦ᭄ᬢᬸᬓ᭄ᬲᬶᬲᬶᬧ᭄᭚ᬬᬦ᭄ᬧᬫᬃᬕ᭄ᬕᬶᬦ᭄ᬲᬂᬚᬢᬶᬉᬢ᭄ᬢᬫᬾᬂᬪ᭄ᬯᬦ᭞ᬢᬍᬃᬓᬭᬶᬫᬶᬦᭂᬳᬶᬦ᭄᭞ᬲᬂᬓᬢᬶᬩᬾᬦ᭄ᬤᬦ᭄ᬥ᭞ᬦᬾᬜᭀ
ᬓᭀᬃᬓᬤᬶᬢᬶᬢ᭄ᬬᬂ᭞ᬦᬾᬳᭂᬗ᭄ᬓᬾᬦ᭄ᬗᬯᬾᬦᬂᬲᬶᬲᬶᬧ᭄᭞ᬫᭂᬢᬸᬳᬾᬮᬶᬗᬂ᭞ᬭᬶᬂᬭᬢᬸᬬᬾᬦᬶᬂᬢᬫ᭄ᬧᬶ᭚ᬬᬦ᭄ᬓᬳᬦᬵᬦ᭄ᬭᬢᬸᬢᬶᬢ᭄ᬬᬂᬧᬫᬶᬕ᭄ᬭᬳ᭞ᬓᬤᬶᬲᬂᬫᬗᬸᬱᬥᬶ᭞ᬫᬗᬢᬸᬭᬂᬢᬫ᭄ᬩ᭞
ᬬᬦ᭄ᬢᬦ᭄ᬯᬾᬦ᭄ᬢᭂᬦ᭄ᬭᬬᬸᬦᬂ᭞ᬚᬫᬸᬦᬾᬬᬤ᭄ᬬᬧᬶᬦ᭄ᬧᬳᬶᬢ᭄᭞ᬭᬭᬶᬲ᭄ᬳᭂᬦ᭄ᬢᬸᬗᬂ᭞ᬭᬾᬄᬓᬩᬯᭀᬲ᭄ᬳᬶᬧᬸᬦ᭄ᬧᬳᬶᬲᬶᬸᬢ᭄᭚ᬲᬧᬸᬦᬶᬓᬳᬦ᭄ᬢᬸᬓ᭄ᬲᬂᬚᬢᬶᬫᬕᭂᬳᬂ᭞ᬓᬉᬢ᭄ᬢᬫᬦᬶᬂᬕᬸᬫᬶ᭞᭠
ᬢᬭᭀᬲ᭄ᬭᬶᬂᬭᬶᬂᬳᬚ᭄ᬜᬦ᭞ᬢ᭄ᬯᬭᬚᬕ᭄ᬫᬫᬶᬤᭀᬱ᭞ᬲᬓᬤᬶᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬓᬢᬶᬩᬾᬦ᭄ᬤᭀᬱ᭞ᬢᭀᬂᬢᬳᬸᬢᭂᬓᬾᬦ᭄ᬲᬶᬲᬶᬧ᭄᭚ᬲᬧᬸᬦᬶᬓᬳᬢᬹᬃᬤᬾᬯᬩᬸᬮ
Kaca:Bali-lontar-gaguritan-katak-300ppi.pdf/29
Kaca puniki sampun kauji-wacén
