[᭓᭒ 32B]
᭓᭒
ᬫ᭄ᬧᬸᬦ᭄ᬭᬯᬸᬄ᭞ᬢᬦ᭄ᬧᬭᬃᬬ᭄ᬬᬦ᭄ᬋᬓᬾᬲᬂᬓᬮᬶᬄ᭞ᬫᬶᬍᬳᬦ᭄ᬧᬶᬗ᭄ᬕᬶᬃᬦᬸᬗ᭄ᬓᬓ᭄᭞ᬭᬶᬂᬳᬶᬓᭀᬗᭀᬓ᭄ᬮᬶᬳᬦ᭄ᬤᬾᬰ᭞ᬲᭂᬥᭂᬓ᭄ᬥᬦᬾᬫᬲᬗ᭄ᬓᭂᬧᬦ᭄᭞ᬤᬶᬢᬸᬢᬶᬢᬶᬩ᭄᭞ᬭᬾᬄᬧᬘᬂᬮᬸᬯᬲ᭄᭞ᬫᬫ᭄ᬩ
ᬳᬓ᭄ᬲᭂᬥᭂᬓ᭄ᬥᬦᬾ᭚ᬓᬢᬳᬸᬭᬕ᭄ᬭᬾᬜ᭄ᬘᬂᬥᬦᬾᬲᬫᬶ᭞ᬤᬾᬦᬶᬂᬢᬸᬫ᭄ᬩᬾᬦ᭄᭞ᬗᬚ᭠ᬓ᭄ᬳᬶᬓᬧ᭄ᬮᬾᬕᬦ᭄᭞ᬢᬹᬃᬲᬦ᭄ᬤᬶᬓᬵᬮᬭᬯᬸᬳᬾ᭞ᬳᬶᬓᭀᬗᭀᬮᬦ᭄ᬢᬲ᭄ᬳᬶᬲᬸ᭞ᬫᬜᬧᬢᬶᬦ᭄ᬲᬂᬩᬯᬸ
ᬧ᭄ᬭᬵᬧ᭄ᬢᬶ᭞ᬳᬤᬶᬧᬸᬦᬧᬶᬓᬵᬃᬬ᭄ᬬ᭞ᬤᬾᬦᬶᬂᬢᭂᬫ᭄ᬩᬾᬭᬯᬸᬄ᭞ᬓᬮᬶᬄᬲᬋᬂᬳᬶᬓᬧ᭄ᬮᬾᬕ᭠ᬦ᭄᭞ᬓᬦᬶᬕᭂᬧᬸ᭞ᬲᬯᬗᬂᬭᬶᬂᬧᬫᬃᬕ᭄ᬕᬶ᭞ᬓᬮᬶᬄᬯᬃᬡ᭄ᬦᬓᬲᬸᬗ᭄ᬲᬸᬢᬦ᭄᭚ᬭᬭᬶᬲ᭄ᬳᬤᬶᬦ᭄ᬤᬶᬓᬬᬂ
ᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬧᬶᬲᬦ᭄᭞ᬫᬗᬸᬩ᭄ᬥᬭᬶᬂᬢᬶᬢ᭄ᬬᬂ᭞ᬳᬶᬓᭀᬃᬧ᭄ᬨᬢ᭄ᬭᬭᬶᬲ᭄ᬲᬯᬸᬭᬾ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬜᬥ᭄ᬬᬭᬯᬸᬄ᭞ᬫᬦ᭄ᬤᬯᬸᬳᬂᬯᬘᬦᬦ᭄ᬕᬸᬲ᭄ᬢᬶ᭞ᬳᬶᬤᬤᬾᬯᬵᬕᬸᬂᬫᬾᬢ᭄ᬭᬦ᭄
[᭓᭓ 33A]
ᬫᬗ᭄ᬥᬩᭂᬮᬶᬗᭂᬩᬸᬕ᭄᭞ᬲᬦᬾᬫᬗ᭄ᬓᬶᬦ᭄ᬳᬶᬮᬮᬲᬦ᭄᭞ᬤᬾᬦᬶᬂᬳᬶᬧᬸᬦ᭄᭞ᬮᬗ᭄ᬕᬧ᭄ᬫᬧᬫᬃᬕ᭄ᬕᬶᬘᬸᬮᬶᬕ᭄᭞ᬳᬶᬧᬸᬦ᭄ᬫᬗ᭄ᬭᬜ᭄ᬘᬩ᭄ᬳᬶᬓᬢᬓ᭄᭚ᬲᬵᬫ᭄ᬧᬸᬦ᭄ᬢᬢᬲ᭄ᬳᬶᬓᭀᬗᭀᬫᬶᬭᬕᬶ᭞ᬮᬶᬦ᭄ᬢᬂᬳᬾᬕᬃ
ᬳᬶᬓᭀᬗᭀᬫᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬓᬤᬶᬯᬘᬦᬦᬾ᭞ᬲᬵᬫ᭄ᬧᬸᬦ᭄ᬗᬾᬯᭂᬳᬂᬳᬶᬧᬸᬦ᭄᭞ᬳᬓᬶᬚᬧᬦ᭄ᬲᬶᬤ᭄ᬥᬫᬢᬮᬶ᭞ᬧᬸᬦᬶᬓᬳᬶᬮᬮᬲᬦ᭄᭞ᬬᬤᬶᬦ᭄ᬯᬾᬦ᭄ᬢᭂᬦ᭄ᬦᬸᬮᬸᬂ᭞ᬧ᭄ᬭᬩᭂᬓᭂᬮᬶᬧᬸᬦᬾᬯᬶᬭᬂ
ᬳᬶᬢᬢᭀᬕᬾ᭞ᬫᬚᬸᬮᬸᬓ᭄ᬳᬃᬬ᭄ᬬᬫᬭᬸᬢᬶ᭞ᬢᬶᬢ᭄ᬬᬂᬦ᭄ᬥᬾᬯᬾᬓ᭄ᬫᬫᬾᬜ᭄ᬘᬂ᭚ᬓᬾᬢᭀᬲᬯᬸᬃᬳᬶᬓᭀᬗᭀᬗᬤ᭄ᬬᬦᬶᬦ᭄᭞ᬮᬦ᭄ᬢᬲ᭄ᬢᬦᬶ᭞ᬦᬸᬦ᭄ᬤᬾᬦ᭄ᬳᬶᬕᬺᬫ᭄ᬩᭀᬗᬦ᭄᭞ᬳᬾᬗ᭄ᬕᬮ᭄ᬫᬫᬦ᭄ᬢᭂᬕ᭄ᬓᬸᬮ᭄ᬓᬸ
ᬮᬾ᭞ᬲᬸᬩᬓᬕᭂᬩᬸᬕ᭄ᬩᬸᬮᬸᬲ᭄᭞ᬓᬢᬳᬸᬭᬕ᭄ᬢᭂᬓᬗᭂᬦ᭄ᬤᭂᬳᬶᬦ᭄᭞ᬢᬹᬃᬲᬸᬩᬧᬥᬬᬢ᭄ᬦ᭞ᬦᬾᬲᬢᬸᬲ᭄ᬧ᭄ᬮᬓᬸᬢᬸᬲ᭄᭞ᬓᬧᬶᬢ᭄ᬜᬦᬾᬧᬓᬸᬭᬜᬩ᭄᭞ᬓᬤᬶᬩᬚ᭄ᬭ᭞ᬦᬾᬢᬚᭂᬧ᭄
Kaca:Bali-lontar-gaguritan-katak-300ppi.pdf/33
Kaca puniki sampun kauji-wacén
