[᭓᭔ 34B]
᭓᭔
ᬧᬂᬫᬧᭂᬜ᭄ᬘᬃᬩᬭᬶᬲᬾ᭞ᬳᭂᬦ᭄ᬢᭀᬦᬾᬲᬾᬓᭂᬢ᭄ᬓᬸᬢᬸᬲ᭄᭞ᬧᬂᬫᬜᬢᬹᬃᬤᬶᬯᬂᬫᬗᬦ᭄ᬢᬶ᭞ᬭᭀᬯᬗᬾᬦᬾᬦᭂᬫ᭄ᬤᬰ᭞ᬫᬗᬺᬕᬄᬫᬘᭂᬮᬸᬧ᭄᭞ᬓᭂᬲ᭄ᬬᬩᬂᬤᬶᬢᬸᬮᬦ᭄ᬢᬲᬂ᭞ᬳᬫᬸᬓ᭄ᬳᬸᬩᭂᬃ᭞ᬦᬾ
ᬗᬦ᭄ᬢᬶᬤᬶᬯᬂᬜᬸᬭᬓᬶᬦ᭄᭞ᬤᬤᬶᬬᬓᬲᬾᬧ᭄ᬫᬢᬶᬗ᭄ᬓᬄ᭚ᬫᬮᬶᬄᬘᬳᬶᬕᬭᬾᬫ᭄ᬩᭀᬗᬦ᭄ᬚᬦᬶ᭞ᬳᬚᬓ᭄ᬧᬢ᭄ᬧᬢ᭄᭞ᬫᬦᬶᬕ᭄ᬢᬶᬕ᭄ᬢᭂᬗᭂᬭᬦ᭄᭞ᬦᬗ᭄ᬳᬶᬂᬳ᭄ᬚᭀᬳᬂᬢᭀᬗᭀᬲᬾ᭞ᬳᬧᬂ
ᬫᬲᬫᬃᬲᬭᬸ᭞ᬫᬸᬜᬶᬦ᭄ᬢᬫ᭄ᬩᬸᬭᬾᬓᬧᬶᬭᬕᬶ᭞ᬫᬗ᭄ᬥᬾᬦ᭄ᬜᬦᬾᬓᬵᬗᭀᬩᬦ᭄᭞ᬬᬲᬮᬄᬲᭂᬗ᭄ᬕᬸᬄ᭞ᬭᬲᬬᬗᬫᬸᬰᬸᬄᬓᬢᬄ᭞ᬲᬬᬦ᭄ᬢᭂᬓ᭞ᬧᭂᬤᬲ᭄ᬬᬦᬸᬗ᭄ᬓᬸᬮ᭄ᬗᬍᬲᬶᬄ᭞ᬓᬵᬗᭂᬩ
ᬦ᭄ᬤᭂᬭᬳᬂᬳᬯᬓ᭄᭚ᬓᬾᬢᭀᬧᬥᬳᬶᬗᭂᬢᬦᬾᬚᬦᬶ᭞ᬦᬄᬫᬚᬮᬦ᭄᭞ᬧᬥᬫᬲᬸᬭᬓ᭄᭞ᬳ᭄ᬤᬫᬦ᭄ᬢᭂᬕ᭄ᬢᭂᬗᭂᬭᬦᬾ᭞ᬧᬂᬘᬭᬘᬭᬧᬦ᭄ᬤᬸᬂ᭞ᬧᬚᬮᬦᬾᬳᬶᬗᬦᬶ
[᭓᭕ 35A]
ᬦ᭄ᬘᬳᬶ᭞ᬧᬂᬲᬶᬤ᭄ᬥᬳᬲᬶᬋᬧᬦ᭄᭞ᬘᬳᬶᬢᭂᬓᭂᬤ᭄ᬤᬶᬢᬸ᭞ᬳᬸᬮᬶᬚᭀᬄᬳᬧᬂᬬᬢ᭄ᬦ᭞ᬫᬧᬧᬭᬦ᭄᭞ᬩᬕᬶᬩᬕᬶᬬᬂᬩᬵᬦ᭄ᬯᬗ᭄ᬲᬶᬢ᭄᭞ᬧᬂᬲᬸᬩᬦᬦ᭄ᬓᬘᬶᬃᬬ᭄ᬬᬦ᭄᭚ᬧᬫᬢᬶᬗᬾᬳᬾᬕᬃᬧᬥ
ᬦᬫ᭄ᬧᬶ᭞ᬤᬤᬳᬸᬳᬦ᭄᭞ᬫᬗ᭄ᬮᬦ᭄ᬢᬲ᭄ᬫᬚᬮᬦ᭄᭞ᬳᬸᬘᬧᬂᬚᬦᬶᬧᭂᬢᭂᬗᬾ᭞ᬯᬢᬭᬗᭂᬜᬶᬢ᭄ᬲᬸᬮᬸᬄ᭞ᬫᬕᬸᬍᬫᬦ᭄ᬳᬸᬚᬦ᭄ᬗᬸᬭᬶᬩᬶᬲ᭄᭞ᬦᬾᬚᬦᬶᬘᬭᬶᬢᬬᬂ᭞ᬦᬾᬤᬤᬶᬧᬫᬸᬘᬸᬓ᭄᭞ᬳᬶ
ᬓᬧ᭄ᬮᬾᬕᬦ᭄ᬗᬮᬶᬄᬳᬫ᭄ᬩᬄ᭞ᬳᬫ᭄ᬩᬄ᭞ᬳᬵᬃᬬ᭄ᬬᬓᭀᬗᭀ᭞ᬥᬦᬾᬫᬗ᭄ᬓᭀᬮᬶᬦ᭄ᬩᬭᬶᬲ᭄᭞ᬳᬶᬕ᭄ᬭᬾᬫ᭄ᬩᭀᬗᬦ᭄ᬫᬗᬭᬤ᭄᭚ᬓᬵᬯᬶᬢ᭄ᬤᬷᬦᬦᬾᬫᬗ᭄ᬯᬗᬸᬦ᭄ᬓᬵᬮᬶ᭞ᬭᬶᬂᬭᬤᬶᬢᬾ᭞ᬧᬳᬶᬂᬳᬸᬓᬸᬲᬶ
ᬦ᭄ᬢ᭞ᬧᬶᬓᬮᬶᬄᬦᬸᬧᬗ᭄ᬮᭀᬗᬾ᭞ᬧᭂᬂᬧᭂᬂᬰᬰᬶᬄᬓᬧᬶᬢᬸ᭞ᬳᬶᬰᬓᬦ᭄ᬜᬓᭀᬘᬧ᭄ᬤᬶᬕᬸᬭᬶᬢ᭄᭞ᬲᬶᬬᬸᬲᬫᬵᬲ᭄ᬦᭂᬫ᭄ᬤᬰ᭞ᬓᬾᬢᭀᬓᭀᬘᬧ᭄ᬤᬶᬢᬸ᭞ᬳᭀᬩᬄᬤᬢᬸ
Kaca:Bali-lontar-gaguritan-katak-300ppi.pdf/35
Kaca puniki sampun kauji-wacén
