Kaca:Bali-lontar-gaguritan-katak-300ppi.pdf/36

[᭓᭕ 35B]
᭓᭕
ᬲᬶᬮᬧᬭᬂ᭞ᬧᬘᬂᬓᬮᬄ᭞ᬓᬯᬶᬦᬬᬾᬂᬭᬢᬸᬩᬮᬶ᭞ᬲᬗ᭄ᬓᬦ᭄ᬳᬤᬧ᭄ᬭᬯᬾᬰ᭚ᬲᬗ᭄ᬓᬦ᭄ᬮᬸᬫ᭄ᬭᬘᬶᬭᬶᬦᬾᬗᬗᭀᬩᬶᬦ᭄᭞ᬢᬢᬶᬗ᭄ᬓᬳᬦ᭄᭞ᬯᬮᬸᬬᬫᬦᬸᬰ᭞ᬧᬲᬂᬕᭂᬮᬃᬯᬶᬯᬾᬓᬦᬾ᭞
ᬦᬾᬚᬦᬶᬩᬸᬯᬶᬦ᭄ᬓᬯᬸᬯᬸᬲ᭄᭞ᬲᬶᬓᭂᬧ᭄ᬜᬸᬚᬸᬃᬧᬚᬮᬦ᭄ᬗᬶᬗ᭄ᬓᬶᬲ᭄᭞ᬢᬦ᭄ᬓᭀᬘᬧᬦ᭄ᬤᬶᬚᬮ᭠ᬦ᭄᭞ᬲᬸᬩᬚᬦᬶᬭᬯᬸᬄ᭞ᬲᬶᬓᭂᬧᬾᬤᬶᬫᭀᬦ᭄ᬢᭀᬂᬢᬗᬃ᭞ᬲᬯᬢᬭ᭞ᬯᬾᬦ᭄ᬢᭂᬦ᭄ᬮᬮᬶᬦ᭄ᬢᭂᬗᬄᬯᭂᬗᬶ᭞
ᬤᬶᬢᬸᬫᬩᬳᬦ᭄ᬤᬮᬶᬦ᭄᭚ᬳᬗᬶᬦ᭄ᬮᬶᬦᬸᬲᬸᬳᬸᬚᬦ᭄ᬫᬦᬸᬮᬸᬭᬶᬦ᭄᭞ᬲ᭄ᬭᬶᬬᬓ᭄ᬲ᭄ᬭᬶᬬᬸᬓ᭄᭞ᬩᬸᬮᬦ᭄ᬓᬕᬸᬍᬫᬦ᭄᭞ᬲᬗ᭄ᬓᬦ᭄ᬜᬳᬸᬤᬸᬘᬳ᭄ᬬᬦᬾ᭞ᬲᬸᬫᬗ᭄ᬓᬶᬦ᭄ᬤᬤᬶᬲᬭᬸ᭞ᬧᬗᬺᬕᬳᬾᬲᬸ
ᬩᬫᬩᬕᬶ᭞ᬫᬕᭂᬮᬶᬓ᭄ᬦᬾᬫᬗᬺᬕᬄ᭞ᬦᬾᬫᬩᬸᬮᬂᬳᬮᬸ᭞ᬢ᭄ᬯᬭᬓᬾᬮᬲ᭄ᬩᬵᬦ᭄ᬲᬸᬜ᭄ᬚᬢ᭞ᬦᬾᬳᬩᬕᬶ᭞ᬲᬸᬩᬫᬜᬢᬸᬃᬫᬗᬦ᭄ᬢᬶ᭞ᬢᬫ᭄ᬩᬸᬭᬾᬳ᭄ᬚᭀᬄᬫᬕᭂᬦᬄ᭚
[᭓᭖ 36A]
ᬳᬃᬬ᭄ᬬᬢᭀᬕᬾᬘᬭᬶᬢᬬᬂᬚᬦᬶ᭞ᬤᬾᬦᬶᬂᬥᬦᬾ᭞ᬓᬯᬰᬫᬫᭂᬭᬾᬦ᭄ᬢᬄ᭞ᬓᬤᬬᬦ᭄ᬲᬸᬫᬸᬃᬳ᭄ᬫᬵᬲᬾ᭞ᬭᬾᬄᬓᬧᬶᬳᬦ᭄ᬥᭂᬮ᭄ᬢᬸᬳᬸ᭞ᬳᬦ᭄ᬢᬸᬓ᭄ᬥᬦᬾᬲᬂᬳᬮᬸᬓᬸᬦᬶᬂ᭞ᬫᬮᬶᬄᬓᬥᬫ᭄ᬫᬧᬸᬢ᭄ᬭ᭞ᬲ
ᬗ᭄ᬓᬦ᭄ᬥᬦᬾᬤᬶᬢᬸ᭞ᬫᬧᬸᬭᬶᬤᬶᬫᭀᬦ᭄ᬢᭀᬂᬢᬗᬃ᭞ᬢᬹᬃᬓᬳᬸᬘᬧ᭄᭞ᬧᬸᬭᬶᬦᬾᬓᬮᬶᬦ᭄ᬢᬂᬭᬶᬫ᭄ᬩᬶᬢ᭄᭞ᬫᬢᭀᬜᬩᬓᬩᬺᬳᬮ᭚ᬧᬸᬭᬶᬦ᭄ᬥᬦᬾᬘᬭᬶᬢᬬᬂᬩᬸᬯᬶᬦ᭄᭞ᬕᬸᬯᬚᬶᬫ᭄ᬩᬃ᭞ᬤᬶᬩᬢ
ᬦ᭄ᬓᬢᬧᬂ᭞ᬗᬺᬫ᭄ᬧᬬᬓ᭄ᬤᬬᬸᬄᬳᬰ᭄ᬭᬶᬦᬾ᭞ᬤᬶᬚᬩᬾᬂᬕᭀᬯᬳᬮᬸᬲ᭄᭞ᬩᬢᬸᬲᭂᬍᬫ᭄ᬮᬾᬫ᭄ᬧᬾᬄᬫᬍᬗᬶᬲ᭄᭞ᬬᬾᬦ᭄ᬦᬸᬚᬸᬫᬳᬗ᭄ᬕᬸᬭᬦ᭄᭞ᬓᬢᬶᬗ᭄ᬓᬶᬮ᭄ᬢᭀᬤᬶᬢᬸ᭞ᬳᬦ᭄ᬢᬸᬓ᭄ᬲᬓᬜ᭄ᬘᬦ᭄ᬮᬮ
ᬲᬦ᭄᭞ᬧᬲᬾᬯᭀᬲᬾ᭞ᬳᬦ᭄ᬢᬸᬓ᭄ᬧ᭄ᬭᬫᬦ᭄ᬢ᭄ᬭᬶᬦᬦᬶᬧᬶ᭞ᬲᬮ᭄ᬯᬶᬭᬶᬂᬫᬹᬫᬄᬤᬶᬢᬦᬄ᭚ᬳᬃᬬ᭄ᬬᬢᭀᬕᬾᬘᬭᬶᬢᬬᬂᬚᬦᬶ᭞ᬲᭂᬥᭂᬓ᭄ᬲᭀᬭᬾ᭞ᬗᬶᬧᬶᬫᬘᬗ᭄ᬓ᭄ᬭᬫ᭞ᬭᬶᬂᬢᬫᬦ᭄ᬲ