Kaca:Bali-lontar-gaguritan-katak-300ppi.pdf/38

Kaca puniki sampun kauji-wacén

[᭓᭗ 37B]
᭓᭗
ᬧ᭄ᬭᬦᬶᬬ᭞ᬲᭂᬥᭂᬓ᭄ᬫᭂᬂᬧᭂᬂ᭞ᬧᬥᬳᬢᬶᬮᬸᬮᬸᬢ᭄ᬳᬰᬶᬄ᭞ᬳᬯᬶᬦᬦ᭄ᬢᭀᬂᬤᬤᬶᬩᭂᬮᬸᬲ᭄᭞᭚ᬲᬂᬤ᭄ᬬᬄᬳᬬᬸᬤᬲᬃᬫᬹᬮᬩᬓ᭄ᬢᬶ᭞ᬢᭂᬓᬾᬦ᭄ᬮᬓ᭄ᬬ᭞ᬫᬵᬢᬹᬃᬗᬭᬲ᭄ᬧᬤ᭞ᬤᬸᬮᬸᬭᬶᬦ᭄ᬓᭂᬜᬶᬂᬫᬦᬶᬲᬾ᭞ᬭᬶᬸᬭᬶᬸᬲ᭄ᬗᬶᬸ
ᬦ᭄ᬤᬶᬸᬓᬶᬸᬳᬶᬸᬮᬶᬸᬲ᭄᭞ᬬᬓ᭄ᬢᬶᬗᭂᬜᬸᬤᬂᬓᬬᬸᬦ᭄᭞ᬳᬢᬹᬃᬥᬦᬾᬳᬶᬗ᭄ᬕᬶᬄᬫᬗ᭄ᬭᬭᬶᬲ᭄᭞ᬲᬂᬳᬃᬬ᭄ᬬᬫᬮᬶᬄᬗᬭᬲ᭄᭞ᬲᭀᬮᬄᬲᬫᬶᬧᬶᬗᬸᬮ᭄᭞ᬲᬮᬶᬂᬳᬸᬮᬦᬶᬦ᭄ᬩᬵᬓ᭄ᬮᬶᬳᬢ᭄᭞ᬲᬗ᭄ᬓᬦ᭄ᬲᬮ᭄ᬲᬮ᭄᭞ᬧᬫᬃᬕ᭄ᬕᬶᬦᬾ
ᬦᭀᬮᬶᬄᬳᬸᬭᬶ᭞ᬫᬶᬭᬶᬩ᭄ᬳᬤᬗᬦ᭄ᬤᭂᬕᬂ᭚᭜᭚ᬦᬶᬓᬶᬓᬮᬗ᭄ᬓᬃᬳᬧᬥ᭚ᬲᬂᬥ᭄ᬬᬄᬳᬬᬸᬫᬗ᭄ᬓᬶᬦ᭄ᬫᬢᬗᬶ᭞ᬳᬃᬬ᭄ᬬᬢᭀᬕᬾ᭞ᬫᬜᬯᬸᬧ᭄ᬫᬗᬭᬲ᭄᭞ᬲᬫ᭄ᬩᬶᬮ᭄ᬫᬗᭂᬮᬸᬢ᭄ᬫᬥ᭄ᬬᬦᬾ᭞ᬭᬭᬶᬲ᭄ᬗᬦ᭄ᬤᬶᬓ
ᬳᬮᬸᬲ᭄᭞ᬥᬸᬄᬫᬵᬲ᭄ᬫᬶᬭᬄᬩᭂᬮᬶᬦᬾᬳᬤᬶ᭞ᬩᭂᬮᬶᬫᬧᬫᬶᬢ᭄ᬫᭂᬤᬮ᭄᭞ᬤᬾᬦᬶᬂᬩᭂᬮᬶᬗ᭄ᬭᬸᬗᬸ᭞ᬲᬸᬭᬓ᭄ᬢᭂᬓᬾᬦᬶᬂᬚᭂᬭᬶᬢᬦ᭄᭞ᬦᬕᬶᬄᬢᬸᬮᬸᬂ᭞ᬲᬶᬂᬜᬫᬸᬰᬸᬄᬫᬦᭂᬓᬳᬶᬦ᭄᭞ᬜᬶᬤ᭄ᬭᬧᭂ᭠
[᭓᭘ 38A]
ᬢᭂᬂᬫᬗᬺᬕᬄ᭚᭜᭚ᬘᬭᬶᬢᬬᬂᬥᬦᬾᬲᬵᬫ᭄ᬧᬸᬦ᭄ᬫᬶᬚᬶᬮ᭄᭞ᬳᬃᬬ᭄ᬬᬢᭀᬕᬾᬕ᭄᭞ᬢᬗ᭄ᬓᭂᬚᬸᬢ᭄ᬗᬦ᭄ᬢᭂᬦᬂ᭞ᬩᬗ᭄ᬓᬾᬦ᭄ᬧᬜ᭄ᬚᬓᬾᬧᬘᬾᬕ᭄ᬘᬾᬕ᭄᭞ᬮᬾᬦ᭄ᬳᭂᬦ᭄ᬢᭀᬦᬾᬓᬓᬬᬸᬂ᭞ᬦᬾᬫᬲᬶᬬᬢ᭄ᬧ
ᬲᭂᬍᬂᬧᬦ᭄ᬢᬶᬕ᭄᭞ᬤᬶᬢᬸᬮᬦ᭄ᬢᬲ᭄ᬲᬂᬳᬃᬬ᭄ᬬ᭞ᬜᭂᬩᬸᬭᬶᬦ᭄ᬫᬗᬫᬸᬓ᭄᭞ᬜᬫ᭄ᬧᬶᬗᬶᬦ᭄ᬲᬶᬓᭂᬧᬾᬓᬢᬄ᭞ᬓᬤᬶᬳᬗᬶᬦ᭄᭞ᬫᬦᬶᬬᬸᬲ᭄ᬤᭀᬦ᭄ᬓᬬᬸᬓᬶᬂ᭞ᬲᬶᬂᬓᬧᬭᬕ᭄ᬫᬗᬸᬤᬫ᭄ᬧᬮ᭄᭚ᬫᬸᬰᬸᬄᬮᬶᬮᬶᬄ
ᬲᬸᬭᬓᬾᬫᬩᬮᬶᬓ᭄᭞ᬲᬂᬩᬮᬸᬯᬦ᭄᭞ᬳᬶᬢᬸᬓᬾᬫᬲᬸᬭᬓ᭄᭞ᬫᬶᬯᬄᬲᬓᬜ᭄ᬘᬦ᭄ᬓᬜ᭄ᬘᬦᬾ᭞ᬦᬾᬫᬳᬶᬩ᭄ᬫᬢᬢᬸ᭞ᬩ᭄ᬯᬶᬦ᭄ᬫᬩᬮᬶᬓ᭄ᬕᬮᬓ᭄ᬗᭂᬦ᭄ᬤᭂᬭᬶᬦ᭄᭞ᬤᬾᬦᬶᬂᬬᬫᬗᬦ᭄ᬢᭂᬦᬂ᭞ᬕᬸᬲ᭄ᬢᬶ
ᬦ᭄ᬜᬦᬾᬗᬫᬸᬓ᭄᭞ᬤᬶᬢᬸᬬᬫᬳᬦ᭄ᬫᬢᬶᬗ᭄ᬓᬄ᭞ᬧᬥᬍᬕᬸ᭞ᬢ᭄ᬯᬭᬗᬶᬢᬸᬂᬪᬬᬧᬢᬶ᭞ᬧᬜ᭄ᬚᬓᬾᬲᬬᬦ᭄ᬦᭂᬓᬬᬂ᭚ᬘᬭᬶᬢᬬᬂᬚᬦᬶᬕᬮᬂᬓᬗᬶᬦ᭄᭞ᬲᬬᬦ᭄ᬧᭂᬤᬲ᭄᭞ᬫᬸᬰᬸ