Kaca:Bali-lontar-gaguritan-katak-300ppi.pdf/39

[᭓᭘ 38B]
᭓᭘
ᬳᬫᬗᭂᬦᬄ᭞ᬲᬸᬫᬗ᭄ᬓᬶᬦ᭄ᬭᬫᬾᬲᬸᬭᬓᬾ᭞ᬳᬃᬬ᭄ᬬᬓᭀᬗᭀᬬᬕᬾᬲᬸ᭞ᬫᬫᬮᬶᬓᬂᬧᬜ᭄ᬚᬓᬾᬮᬶᬮᬶᬄ᭞ᬢᬹᬃᬬᬫᬗᬋᬧᬂ᭞ᬧᬜ᭄ᬚᬓᬾᬦᬾᬮᬶᬬᬸ᭞ᬚᭂᬗᬄᬫᬩᬮᬶᬓ᭄ᬫᬢᬶᬗ᭄ᬓᬄ᭞ᬳᬶᬓᬧ᭄ᬮᬾᬕᬦ᭄᭞
ᬩᬸᬯᬶᬦ᭄ᬫᬫᬸᬘᬸᬓᬶᬦ᭄ᬩᬭᬶᬲ᭄᭞ᬗᬶᬕᭂᬮ᭄ᬫᬗ᭄ᬕᬶᬭᬲᬂᬧᬜ᭄ᬚᬓ᭄᭚᭜᭚ᬧᬸᬄᬤᬹᬃᬫ᭄ᬫ᭚ᬲᬸᬩᬫᬤᬸᬓ᭄ᬲᬶᬬᬢᬾᬚᬦᬶᬫᬸᬲᬸᬗᬦ᭄᭞ᬫᬧᬸᬦ᭄ᬢᭂᬮ᭄ᬲᬮᬶᬂᬧᬦ᭄ᬢᬶᬕ᭄᭞ᬧᬥᬲᬮᬶᬂᬲᬸᬭᬓᬂ᭞ᬳᬶᬓᭀᬗᭀᬳᬶ
ᬕ᭄ᬭᬾᬫ᭄ᬩᭀᬗᬦ᭄᭞ᬤᬶᬢᬸᬓᬧᬶᬢᬾᬗᬫᬳᬶᬦ᭄᭞ᬫᬗᬧᬓ᭄ᬳᬧᬓ᭄᭞ᬢ᭄ᬯᬭᬤᬫᬗᬶᬢᬸᬂ᭠ᬫᬢᬶ᭚ᬳᬶᬓᬧ᭄ᬮᬾᬕᬦᬦ᭄ᬤᬶᬢᬸᬬᬗᬫᬸᬓ᭄ᬲᬳᬵᬰ᭞ᬳᬶᬩᬮᬸᬯᬦ᭄ᬓᬳᬸᬗ᭄ᬲᬶ᭞ᬲᬂᬩᬮᬸᬯᬦ᭄ᬬᬢ᭄ᬦ᭞
ᬳᬶᬢᬸᬓᬾᬫᬗᬾᬗ᭄ᬕᬮᬂ᭞ᬦᭂᬗ᭄ᬓᭂᬍᬧ᭄ᬬᬧᬘᬂᬜᬫ᭄ᬧᬶᬗᬶᬦ᭄᭞ᬤᬶᬩᬢᬦ᭄ᬧᬤᬂ᭞ᬤᬶᬢᬸᬗᬶᬦ᭄ᬢᬶᬧ᭄ᬫᬗᭂᬧᬶᬮ᭄᭚ᬓᬘᬭᬶᬢᬳᬶᬢᬸᬓᬾᬫᬲᬗᬂᬤᬬ᭞ᬳᬶᬓᬧ᭄ᬮᬾᬕᬦ᭄ᬳᬦᬾᬚᬦᬶ᭞ᬫ
[᭓᭙ 39A]
ᬓᭂᬘᭀᬲ᭄ᬗᬗ᭄ᬲᭂᬳᬂ᭞ᬳᬶᬢᬸᬓᬾᬓᬤᬸᬳᬸᬦᬦ᭄᭞ᬓᬚᬫ᭄ᬩᬓ᭄ᬓᬲᬾᬧ᭄ᬫᬢᬗ᭄ᬓᬶᬲ᭄᭞ᬓᬘᭂᬕᬸᬢ᭄ᬧᭂᬕᬢ᭄᭞ᬳᬶᬓᬸᬢ᭄ᬜᬦᬾᬗᬸᬧᬶᬢᬶᬓ᭄᭚ᬳᬶᬩᬮᬸᬯᬦ᭄ᬧᭂᬤᬲ᭄ᬲᬸᬩᬫᬗᬦ᭄ᬢᭂᬦᬂ᭞ᬳᬶᬢᬸᬓᬾ
ᬦᬦ᭄ᬥᬂᬓᬦᬶᬦ᭄᭞ᬤᬾᬢᬸᬬᬗᬾᬗ᭄ᬕᬮᬂ᭞ᬦᬸᬮᬸᬗᬶᬦ᭄ᬚᭀᬕ᭄ᬫᬜᬾᬧᬓ᭄᭞ᬳᬶᬓᬧ᭄ᬮᬾᬕᬦ᭄ᬲᬾᬩᭂᬢ᭄ᬦᬗ᭄ᬓᬶᬲ᭄᭞ᬫᬗ᭄ᬯᬍᬲ᭄ᬜᬾᬧᬓ᭄᭞ᬳᬶᬩᬮᬸᬯᬦ᭄ᬜᬸᬗ᭄ᬓᬶᬮᬶᬂ᭚ᬳᬶᬮᬮᬲᬦ᭄ᬦᬸᬮᬸᬗᬶᬦ᭄ᬮᬦ᭄ᬢᬲ᭄ᬫ᭠
ᬜᬫ᭄ᬩᬓ᭄᭞ᬳᬶᬢᬍᬥᬸᬦᬸᬫ᭄ᬩᬓᬶᬦ᭄᭞ᬳᬶᬓᬧ᭄ᬮᬾᬕᬦ᭄ᬕᬜ᭄ᬘᬂ᭞ᬫᬓᭂᬮᬶᬤ᭄ᬢᬸᬯᬭᬓᭂᬦ᭞ᬳᬶᬢᬸᬓᬾᬤᬾᬫᬭᬳ᭄ᬫᬾᬮᬶᬂ᭞ᬳᬶᬓᬸᬢᬾᬧᭂᬕᬢ᭄᭞ᬬᬚᬦᬶᬚᭂᬗᬄᬫᬧᬸᬮᬶᬄ᭚ᬢᬦ᭄ᬚᬦ᭄ᬢᭀᬲᬦ᭄ᬳᬶ
ᬢᬸᬓᬾᬗᭂᬮᬸᬢ᭄ᬫᬜᬫ᭄ᬩᬓ᭄᭞ᬫᬗᬶᬩᭂᬕ᭄ᬗᬸᬢ᭄ᬕᬸᬢ᭄ᬦᬶᬕ᭄ᬢᬶᬕ᭄᭞ᬳᬶᬓᬧ᭄ᬮᬾᬕᬦ᭄ᬥᬷᬭ᭞ᬢ᭄ᬯᬭᬫᬸᬦ᭄ᬤᬸᬃᬳᬢᬫ᭄ᬧᬓ᭄᭞ᬬᬤᬶᬦ᭄ᬳᬓᬾᬄᬫᬗᬶᬚᭂᬗᬶᬦ᭄᭞ᬲᬸᬫᬗ᭄ᬓᬶᬦ᭄ᬕᬮᬓ᭄᭞ᬭᬾᬄᬫᬮᬸᬢᭀ