[᭓᭙ 39B]
᭓᭙
ᬲ᭄ᬧ᭄ᬭᬚᬸᬭᬶᬢ᭄᭚ᬘᬭᬶᬢᬬᬂᬲᬸᬩᬚᬦᬶᬢᬢᬲ᭄ᬮᭂᬫᬄ᭞ᬲᬂᬳ᭄ᬬᬂᬲᬹᬃᬬ᭄ᬬᬳᬸᬫᬶᬚᬶᬮ᭄᭞ᬩᬸᬦᬸᬗ᭄ᬕᬂᬳᬘᬮ᭞ᬦᬵᬗ᭄ᬳᬶᬂᬢᬾᬓᬦ᭄ᬢᭂᬦ᭄ᬩᬭᬓ᭄᭞ᬫᬶᬭᬶᬩ᭄ᬫᬂᬚᬭᬂᬓᬵᬮᬶ᭞ᬧᬘᬂᬩᬸᬮᬦᬦ᭄᭞ᬩᬍᬲ᭄ᬫᬳᬸᬚ
ᬦ᭄ᬕᭂᬢᬶᬄ᭚ᬓᬘᬭᬶᬢᬲᬶᬓᭂᬧᬾᬲᬬᬦ᭄ᬦᭂᬓᬬᬂ᭞ᬫᬦᬫ᭄ᬧᬶᬄᬲᬮᬶᬂᬢᬫ᭄ᬧᬶᬄ᭞ᬫᬓᭂᬢᬶᬬᬸᬢᬬᬦ᭄᭞ᬦ᭄ᬤᬍᬕ᭄ᬤᭂᬕ᭄ᬓᬤᬶᬳᭂᬫ᭄ᬩᬄ᭞ᬫᬲᭀᬭᭀᬄᬲᭀᬭᭀᬄᬫᬩᬭᬶᬲ᭄᭞ᬗᭂᬩᭂᬓᬶᬦ᭄ᬢᭂᬕᬮ᭄᭞ᬫᬸ᭠
ᬳᬸᬕ᭄ᬲᬮᬶᬂᬲᬸᬭᬓᬶᬦ᭄᭚ᬲ᭄ᬭᬾᬬᬄᬓ᭄ᬲ᭄ᬭᬬᭀᬓ᭄ᬫᬸᬜᬶᬦ᭄ᬲᬸᬭᬓᬾᬲᬯᬗᬂ᭞ᬯᬮᬸᬬᬳᬸᬚᬦ᭄ᬳᬗᬶᬦ᭄᭞ᬤᬾᬦᬶᬂᬲᬮᬶᬂᬢᬶᬫ᭄ᬩᬮ᭄᭞ᬫᬕᬶᬮᬶᬃᬓᬳᬸᬫ᭄ᬩᬓᬦ᭄᭞ᬧᬲᬮᬶᬂᬕᬦ᭄ᬢᬶᬗᬸᬩᭂᬭᬶᬦ᭄᭞
ᬫᬵᬫᬹᬓ᭄ᬳᬫᬸᬓᬦ᭄᭞ᬫᬶᬭᬶᬩ᭄ᬢ᭄ᬯᬭᬗᬾᬫᬦ᭄ᬳᬸᬭᬶᬧ᭄᭚ᬢᬦ᭄ᬯᬶᬮᬗᭂᬦ᭄ᬦᬾᬫᬢᬶᬓᬮᬶᬄᬓᬮᬶᬄᬓᬩ᭄ᬭᬡᬦ᭄᭞ᬫᬮᬳᬶᬩ᭄ᬗᬩᬓᬦᬶᬦ᭄᭞ᬮᬾᬦ᭄ᬫᬗᭀᬭᭀᬲ᭄ᬩᬲᬂ᭞ᬫᬜ᭄ᬚ᭄ᬭᬶᬢ᭄ᬳᭂᬗ᭄ᬓ᭠
[᭔᭐ 40A]
ᬓ᭄ᬳᭂᬗ᭄ᬓᬓ᭄᭞ᬳᬤᬓᬧᬶᬢ᭄ᬜᬦᬾᬩᬺᬲᬶᬄ᭞ᬮᬾᬦ᭄ᬳᬶᬓᬸᬄᬧᭂᬕᬢ᭄᭞ᬳᬤᬩᬢᬶᬲ᭄ᬜᬦᬾᬳᬶᬮᬂ᭚ᬳᬤᬕ᭄ᬮᬸᬂᬫᬗᬸᬮᬸᬦ᭄ᬬᬓᬶᬲᬄᬓᬶᬲᬄ᭞ᬫᬜ᭄ᬚ᭄ᬭᬶᬢ᭄ᬦᬕᬶᬄᬳ᭄ᬮᬸᬤᬶᬦ᭄᭞ᬢ᭄ᬯᬭᬓᬮᬶᬗᬸᬯᬂ᭞ᬩᬵᬦ᭄ᬫᬸᬰᬸᬄ
ᬬᬤᬶᬦ᭄ᬭᭀᬯᬂ᭞ᬤᬾᬦᬶᬂᬭᬫᬾᬦᬶᬂᬳᬚᬸᬭᬶᬢ᭄᭞ᬩᬗ᭄ᬓᬾᬫᬲᬄᬲᬄ᭞ᬢ᭄ᬯᬭᬤᬫᬗᭂᬦᬄᬕᬸᬫᬶ᭚ᬳᬃᬬ᭄ᬬᬢᭀᬕᬾᬕ᭄ᬳᭂᬦ᭄ᬢᭀᬚᬦᬶᬘᬭᬶᬢᬬᬂ᭞ᬫᬗᬫᬹᬓ᭄ᬓᬳᬶᬚᭂᬗᬶᬦ᭄᭞ᬳᬶᬓᭀᬗᭀᬲ
ᬲᬳᬰ᭞ᬲᬋᬂᬭᬶᬂᬳᬶᬕ᭄ᬭᬾᬫ᭄ᬩᭀᬗᬦ᭄᭞ᬳᬶᬬᬸᬘ᭄ᬭᭀᬕᬾᬓᬧᬶᬢᬶᬂ᭞ᬜᭂᬧᬶᬢ᭄ᬫᬦᬸᬚᬸᬄ᭞ᬳᬃᬬ᭄ᬬᬢᭀᬕᬾᬕ᭄ᬗᭂᬗᬲᬶᬦ᭄᭚ᬤᭂᬓ᭄ᬤᭂᬓᬺᬜᬸᬄᬓᬢᬸᬦ᭄ᬤᬸᬦᬾᬫᬗᬸᬭᬜ᭄ᬚᬂ᭞ᬯᬮᬸᬬᬓᬤᬶᬢᬸᬮᬶ
ᬲ᭄᭞ᬓᬲᬸᬦ᭄ᬤᬭᬦ᭄ᬲᬹᬃᬬ᭄ᬬ᭞ᬲᬸᬫᬗ᭄ᬓᬶᬦ᭄ᬫᬗᬸᬭᬜᬩ᭄᭞ᬩᬸᬓᬳ᭄ᬫᬵᬲᬾᬫᬢᬸᬮᬶᬲ᭄᭞ᬘᬭᬶᬓ᭄ᬧᬫᬥ᭞ᬳᭂᬫ᭄ᬩᬂᬢᬦ᭄ᬧᬦᬦ᭄ᬥᬂᬓᬦᬶᬦ᭄᭚ᬳᭂᬦ᭄ᬤᭂᬄᬩᬶᬬᬹᬃᬤᬶᬢᬸᬲᬸᬭᬓᬾᬜᬸᬯᬓᬂ᭞ᬲᬂ᭠
Kaca:Bali-lontar-gaguritan-katak-300ppi.pdf/40
Kaca puniki sampun kauji-wacén
