[᭔᭐ 40B]
᭔᭐
ᬳᬃᬬ᭄ᬬᬲᬸᬩᬫᬢᬶ᭞ᬳᬶᬦᬦᬶᬧᬶᬮᬦ᭄ᬢᬲ᭄᭞ᬳᬶᬢᬸᬓᬾᬳᬶᬮᬮᬲᬦ᭄᭞ᬤᬶᬢᬸᬬᬫᬗ᭄ᬲᭂᬄᬫᬧᬸᬮᬶᬄ᭞ᬓᬕᬸᬢ᭄ᬕᬸᬢᬺᬢᬲ᭄᭞ᬳᬓᬧ᭄ᬮᬾᬕᬦ᭄ᬩᭂᬫᬲᬶᬦ᭄᭚ᬲᬸᬭᬓ᭄ᬫ᭄ᬯᬂᬜᬸᬭᬓᬂᬳᬶᬓᬧ᭄ᬮᬾᬕᬦ᭄᭞ᬲᬭᬾᬜ᭄ᬘᬂ
ᬜᬦᬾᬩᭂᬮᬶᬢ᭄᭞ᬢᭀᬂᬤᬤᬶᬩᬮᬶᬓᬂ᭞ᬳᬃᬬ᭄ᬬᬓᭀᬗᭀᬗᬦ᭄ᬢᭂᬦᬂ᭞ᬓᬢᭂᬄᬓᬧ᭄ᬮᬾᬕᬦᬾᬩᭂᬮᬶᬢ᭄᭞ᬮᬦ᭄ᬢᬲ᭄ᬲᬳᬰ᭞ᬲᬭᬾᬜ᭄ᬘᬗᬾᬲᬫᬶ᭚ᬓᬤᬶᬩᬭᬢ᭄ᬧᬗᬫᬹᬓᬾᬫᬧᬸᬮᬶᬳᬂ᭞
ᬲᬂᬓᬧᬭᬕ᭄ᬗᭂᬫᬵᬲᬶᬦ᭄᭞ᬳᬶᬩᬮᬸᬯᬦ᭄ᬧᭂᬚᬄ᭞ᬰᬶᬱᬦᬶᬂᬫᬵᬢᬶᬧᬶᬸᬚᬶᬸᬩᬸᬦ᭄ᬢᬲ᭄᭞ᬫᬮ᭠ᬳᬶᬩ᭄ᬜᬥ᭄ᬬᬓᬧᬸᬭᬶ᭞ᬓᬲᬸᬫᬹᬳ᭄ᬫᬵᬲ᭄᭞ᬭᬶᬂᬥᬦᬾᬲᬂᬳᬮᬸᬓᬸᬦᬶᬂ᭚ᬢᬦ᭄ᬚᬭᬶᬢᬲᬶᬬᬢᬾᬫᬵᬫᬸ᭠
ᬓ᭄ᬳᬫᬹᬓᬦ᭄᭞ᬘᬭᬶᬢᬬᬂᬦᬾᬚᬦᬶ᭞ᬦᬾᬫᬮᬳᬶᬩ᭄ᬗᬢᬸᬭᬂ᭞ᬭᬶᬂᬥᬦᬾᬲᬂᬯᬬᬾᬢᬓ᭄᭞ᬢ᭄ᬯᬭᬓᭀᬘᬧᬦ᭄ᬤᬶᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬫᬦᬶᬜ᭄ᬘᬧ᭄᭞ᬭᬶᬂᬲᬸᬫᬹᬃᬫᬵᬲ᭄ᬦᬵᬕᬭᬶ᭚᭜᭚
[᭔᭑ 41A]
᭚᭜᭚ᬧᬸᬄᬯᬰᬶᬄ᭚ᬰ᭄ᬭᬶᬳᬮᬸᬓᬸᬦᬶᬂᬓᬯᬸᬯᬸᬲ᭄᭞ᬦᬾᬫᬗ᭄ᬓᬶᬦ᭄ᬓᭀᬤᬮ᭄ᬓᬢᬗ᭄ᬓᬶᬮ᭄᭞ᬳᬶᬭᬶᬓᬭᬶᬂᬳᬚᭂᬂᬕᭀᬯ᭞ᬩᬯᬦ᭄ᬩᬶᬗᬶᬦᬾᬳᬬᬸᬩ᭄᭞ᬫᬮᬶᬗ᭄ᬕᬶᬄᬭᬶᬂᬩᬢᬸᬧᬶᬮᬄ᭞ᬭᬹᬧᬦᬾᬢᬸᬳᬸᬗ
ᬚᭂᬭᬶᬳᬶᬦ᭄᭞ᬭᬵᬕᬦᬾᬳᬕᭂᬂᬳᬧᬜ᭄ᬚᬂ᭞ᬲᬶᬓ᭄ᬱᬶᬓᬾᬢᬚᭂᬧ᭄ᬫᬮᬶᬂᬩᬶᬂ᭚ᬳᬸᬕᬢᬾᬧᭀᬮᬾᬂᬩᬶᬦ᭄ᬢᬸᬮᬸ᭞ᬓᬸᬓᬸᬦᬾᬢᬚᭂᬧ᭄ᬮᬸᬯᬶᬃᬢᬚᬶ᭞ᬢᬶᬗᬮᬾᬦᭂᬮᬶᬓ᭄ᬗᬸᬭᬾᬭᬧ᭄᭞ᬗᬲᭀᬭᬂᬢ
ᬢᬶᬢ᭄ᬫᬓᭂᬧ᭄ᬬᬸᬃ᭞ᬳᬸᬦ᭄ᬢᬸᬦᬾᬧᬸᬢᬶᬄᬢᬹᬃᬭᬾᬗ᭄ᬕᬄ᭞ᬗᬶᬸᬕᬶᬗ᭄ᬲᬸᬮᬾᬓᬤᬶᬕᭂᬃᬕ᭄ᬕᬚᬶ᭞ᬮᬶ᭠ᬥᬳᬾᬧᬜ᭄ᬚᬂᬫᬲᭂᬧᬓ᭄᭞ᬲᭂᬍᬫᬾᬫᬗᬲᭀᬃᬫᬗ᭄ᬲᬶ᭚ᬪᬸᬰᬦᬦᬶᬭᬳᬪ᭄ᬭᬫᬸᬭᬸᬩ᭄᭞
ᬳᬚᭃᬂᬲᬶᬭᬭᬵᬓ᭄ᬭᬶᬬᬦ᭄ᬧᬢᬶᬄ᭞ᬳᬦᬫᬳᭀᬫ᭄ᬩᬓ᭄ᬲᬵᬕᬭ᭞ᬳᬃᬬ᭄ᬬᬓᭀᬫᬮᬭᬶᬂᬧᬸᬗ᭄ᬓᬸᬃ᭞ᬚᬚᬃᬮᬦ᭄ᬤᭂᬫᬂᬩᬩᬢᬂ᭞ᬤᭂᬫᬸᬂᬧᬸᬦ᭄ᬤᬸᬢᬦ᭄ᬭᬶᬂᬳᬸᬭᬶ᭞ᬓᬧᬶᬳᬦ᭄ᬤᭂᬮᬾᬲᬂ
Kaca:Bali-lontar-gaguritan-katak-300ppi.pdf/41
Kaca puniki sampun kauji-wacén
