[᭔᭑ 41B]
᭔᭑
ᬦᬵᬣ᭞ᬕᬶᬦᬸᬮᬂᬕᬶᬮᬸᬗᬶᬂᬚᬸᬭᬶᬢ᭄᭚ᬧ᭄ᬭᬫᬦ᭄ᬢ᭄ᬭᬶᬲᭂᬲᭂᬓ᭄ᬲᬸᬧᭂᬦᬸᬄ᭞ᬳᬦ᭄ᬤᭂᬃᬭᬶᬂᬳᬋᬧ᭄ᬭᬶᬂᬳᬸᬭᬶ᭞ᬲᬳᬸᬧᬘᬭᬳᬚᬚᬃ᭞ᬭᬶᬂᬳᬃᬱᬦᬭᬲᬂᬧ᭄ᬭᬪᬸ᭞ᬳᬲᬶᬂᬦᬢᬂᬧᬗᬲ᭄ᬢ᭄ᬭᬶᬬᬦ᭄᭞ᬤᬾᬦᬶᬂᬪᬸᬰᬦ
ᬦᬶᬫᬦ᭄ᬢ᭄ᬭᬶ᭞ᬳᬯᬃᬡ᭄ᬦᬯᬃᬡ᭄ᬦᬓᬸᬫᭂᬩ᭄ᬬᬃ᭞ᬚ᭄ᬯᬮᬦ᭄ᬬᬳᬗᬲᭀᬃᬭᬯᬶ᭚ᬯᬾᬦ᭄ᬢᭂᬦ᭄ᬓᬸᬮᭀᬦ᭄ᬮᭀᬃᬮᬳ᭄ᬓᬶᬤᬸᬮ᭄᭞ᬚᬚᬭᬦ᭄ᬳᬢᬧ᭄ᬳᬮᬶᬗ᭄ᬕᬶᬄ᭞ᬢᬦ᭄ᬥᬚᬸᬭᬸᬦ᭄ᬓᬤᬾᬳᬦ᭄᭞ᬧᭂᬦᬸᬄᬮᬸᬯᬶᬃᬓᬓᬶᬲᬶ᭠
ᬓ᭄ᬮᬯᬸᬢ᭄᭞ᬭᬫᬾᬧᬸᬦᬂᬳᬕᬸᬬ᭄ᬯᬦ᭄᭞ᬲᭂᬥᭂᬓᬳᬯᬦ᭄ᬢᬶᬯᬦ᭄ᬢᬶ᭞ᬲᬂᬧ᭄ᬭᬪᬸᬫᬗ᭄ᬓᬾᬓᭀᬘᬧ᭞ᬗᬦ᭄ᬤᬶᬂᬓᬭᬶᬂᬭᬵᬓ᭄ᬭᬶᬬᬦ᭄ᬧᬢᬶᬄ᭟᭜᭟ᬧᬸᬄᬲ᭄ᬫᬭᬦ᭄ᬥᬵᬦ᭚ᬳᬤᬶᬧᬢᬶᬄᬓᬾ
ᬦ᭄ᬓᬾᬦ᭄ᬚᬦᬶ᭞ᬫᬳᬦ᭄ᬓᬾᬳᬤᬶᬧᬯᬺᬢ᭞ᬳᭂᬦ᭄ᬢᭀᬳᬶᬳᬕᬸᬂᬫᬾᬢ᭄ᬭᬦᬾ᭞ᬓᭀᬘᬧ᭄ᬗᭂᬮᬄᬧᬕᬸᬃᬯ᭄ᬯᬦ᭄᭞ᬰᬓ᭄ᬢᬶᬢᬹᬃᬫᬯᬶᬰᬾᬱ᭞ᬫᬦᬳᬦ᭄ᬳᬶᬧᬸᬬᬸᬂᬮᬯᬸᬢ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬜ
[᭔᭒ 42A]
ᬪᬝᬭ᭚ᬳᬯᬶᬦᬦ᭄ᬜᬤᬤᬶᬰᬓ᭄ᬢᬶ᭞ᬳᭂᬦ᭄ᬢᭀᬬᬳᬶᬳᬕᬸᬂᬫᬾᬢ᭄ᬭᬦ᭄᭞ᬩᬵᬦ᭄ᬯᬤ᭄ᬯᬦ᭄ᬜᬦᬾᬲᬓᬩᬾᬄ᭞ᬧᬥᬩᬶᬱᬃᬫᬃᬕ᭄ᬕᬾᬂᬤᬭᬢ᭄᭞ᬓᬮᬶᬄᬤᬶᬢᬸᬫᬳᬸᬗ᭄ᬕ᭄ᬯᬦ᭄᭞ᬓᬰᬓ᭄ᬢ᭄ᬬᬦ᭄ᬜᬦᬾ
ᬳᬶᬧᬸᬬᬸᬂ᭞ᬓᬳᬸᬘᬧ᭄ᬤᬶᬬᬾᬄᬢᬮᬕ᭚ᬩᬸᬯᬶᬦ᭄ᬳᬤᬢᬸᬜ᭄ᬚᬸᬂᬧᬸᬢᬶᬄ᭞ᬫᬦᬸᬗ᭄ᬕᬮ᭄ᬤᬶᬢᭂᬗᬄᬢ᭄ᬮᬕ᭞ᬦᭂᬥᭂᬂᬢᭀᬂᬩᬶᬲᬫᬬᬗᬾ᭞ᬲᬭᬶᬦ᭄ᬜᬦᬾᬯᬃᬡ᭄ᬦᬯᬃᬡ᭄ᬦ᭞ᬓᬾᬢᭀᬧᬢᬶᬄᬦᬾᬓ
ᬮᬸᬫ᭄ᬭᬄ᭞ᬧᬹᬃᬯ᭄ᬯᬳᬸᬮᬶᬲᬭᬶᬦ᭄ᬢᬸᬜ᭄ᬚᬸᬂ᭞ᬗᬯᭂᬢᬸᬯᬂᬓᬰᬓ᭄ᬢᬶᬬᬦ᭄᭚ᬮᬶᬦ᭄ᬢᬂᬲᬗᬶᬤ᭄ᬓᬲᬸᬗ᭄ᬓᭂᬫᬶᬦ᭄᭞ᬳᬦ᭄ᬢᬸᬓ᭄ᬥᬦᬾᬦᬣᬾᬂᬫᬾᬢ᭄ᬭᬦ᭄᭞ᬓᬉᬢ᭄ᬢᬫᬦ᭄ᬢᬮᬕᬦᬾ᭞ᬤᬾᬦᬶᬂᬳᭂᬦ᭄ᬢᭀᬧᬦᬸᬕ᭄ᬭᬳ᭞ᬬᬾᬦ᭄ᬦᬸᬚᬸᬗᬯᬗᬸᬦ᭄ᬲᬶᬬᬢ᭄᭞ᬤᬶᬢᬸᬢᭀᬗᭀᬲ᭄ᬜᬦᬾᬫᬦ᭄ᬤᬸ᭠ᬲ᭄᭞ᬧ᭄ᬭᬚᬦᬶᬫᬢ᭄ᬭᬶᬯᬶᬓ᭄ᬭᬫ᭚ᬧᬜ᭄ᬚᬓ᭄ᬜᬦᬾᬓᬓᭂᬢᬶᬲᬶᬦ᭄᭞ᬧ᭄ᬭᬚᬦᬶᬩᬶᬲᬫᬚᬮ᭠
Kaca:Bali-lontar-gaguritan-katak-300ppi.pdf/42
Kaca puniki sampun kauji-wacén
