[᭔᭓ 43B]
᭔᭓
ᬦᭂᬄᬳᬤᬶᬧᬥ᭞ᬭᬾᬄᬲᬸᬩᬲᬶᬦᬄᬩᬸᬓ᭄ᬢᬶᬦᬾ᭞ᬬᬦ᭄ᬚᬮᬦᬂᬤᬤᬸᬕᬬᬦ᭄᭞᭞ᬢ᭄ᬯᬭᬤᬧᬶᬲᬦ᭄ᬧᬶᬲᬦ᭄᭞ᬩᭂᬮᬶᬓᬲᬶᬗ᭄ᬲᬾᬓᬧᬶᬜ᭄ᬘᬸᬓ᭄᭞ᬩᬳᬦ᭄ᬳᬶᬬᬕᬸᬂᬫᬾᬢ᭄ᬭᬦ᭄᭚ᬦᬾᬫᬮᬸ
ᬤᬸᬓ᭄ᬜᬦᬾᬫᬵᬢᬶ᭞ᬧ᭄ᬬᬦᬓ᭄ᬩᭂᬮᬶᬦᬾᬤᬶᬧᬾᬜ᭄ᬘᬃ᭞ᬳᬦ᭄ᬢᬸᬓ᭄ᬲᬂᬦᬵᬣᬾᬂᬓᬓᬧᬾ᭞ᬧᭂᬤᬲ᭄ᬩᬵᬳ᭄ᬩᭂᬮᬶᬗᭂᬦᭂᬳᬂ᭞ᬯᬶᬯᬾᬓᬦ᭄ᬦᬵᬣᬾᬂᬫᬾᬢ᭄ᬭᬦ᭄᭞ᬲᬗᬶᬤ᭄ᬚᬮᬦᬂᬭᬸᬲᬸᬄ᭞ᬘᬸᬮᬶᬓᬾ
ᬢᭀᬂᬦᬯᬂᬢᬢ᭚ᬫᬧᬶᬰᬸᬤ᭄ᬥᬢᭂᬓᬫᬳᬶ᭞ᬢᬸᬮᬶᬲ᭄ᬜᬦᬾᬫᬗᬓ᭄ᬱᬫ᭞ᬢᬹᬃᬗᬶᬤᬶᬄᬓᬧᭂᬮᬶᬳᬦ᭄ᬜᬦᬾ᭞ᬳᭂᬦ᭄ᬢᭀᬬᬳᬶᬦᬵᬣᬾᬂᬓᬓᬧ᭄᭞ᬲᬗ᭄ᬓᬦ᭄ᬩᭂᬮᬶᬗᬫ᭄ᬧᬸᬭᬬᬂ᭞ᬢ᭄ᬯᬭ᭠
ᬤᬲᬗ᭄ᬓᬦᬶᬂᬢᬓᬸᬢ᭄᭞ᬧᬘᬂᬗᬯᬶᬭᬗᬂᬧ᭄ᬬᬦᬓ᭄᭚ᬓᬾᬢᭀᬧᬢᬶᬄᬳᬧᬂᬳᬸᬦᬶᬂ᭞ᬓᭂᬦᭂᬳᬶᬦ᭄ᬳᬚᬓ᭄ᬫᬓᭂᬚᬂ᭞ᬧᬘᬂᬳᬗ᭄ᬕᭀᬦ᭄ᬯᬶᬯᬾᬓᬦᬾ᭞ᬕᭂᬮᬭᬂᬤᬶᬧᬲᬶᬬᬢᬦ᭄
[᭔᭔ 44A]
ᬤᬾᬦᬶᬂᬳᬶᬬᬓᬲᬸᬩ᭄ᬧᬶᬲᬦ᭄᭞ᬯᬶᬰᬾᬱᬦ᭄ᬜᬦᬾᬳᬶᬧᬸᬬᬸᬂ᭞ᬕᬸᬭᬸᬦ᭄ᬜᬦᬾᬦᬾᬣᬾᬂᬫᬾᬢ᭄ᬭᬦ᭄᭚ᬓᬶᬧᬢᬶᬄᬫᬳᬢᬹᬃᬩᬓ᭄ᬢᬶ᭞ᬧᬸᬦᬶᬓᬶᬯᬾᬦ᭄ᬢᭂᬦ᭄ᬧᬯᬺᬢ᭄ᬣ᭞ᬲᬂᬢᬧᬯᬶᬰᬾᬱᬓᬯᭀ
ᬢ᭄᭞ᬕᬸᬡᬯᬦ᭄ᬢᬹᬃᬩᬾᬢᬾᬮ᭄ᬢᬶᬗ᭄ᬳᬮ᭄᭞ᬳᬸᬦᬶᬂᬭᬶᬂᬢᬢᭂᬫ᭄ᬧᬸᬭᬦ᭄᭞ᬲᬮ᭄ᬯᬶᬭᬶᬂᬕᬕᬸᬡᬦ᭄ᬫᬸᬰᬸᬄ᭞ᬓᬰᬓ᭄ᬢ᭄ᬬᬦᬾᬲᬶᬤ᭄ᬥᬧᬸᬦᬄ᭚ᬲᬂᬰᬺᬧᬥᬦᬫᬳᬰᬓ᭄ᬢᬶ᭞ᬲᬵᬓ᭄ᬱᬢ᭄ᬳᬫᭀᬭᬶᬂᬦᬶᬲ᭄ᬓᬮ᭞ᬭᬶᬂ
ᬚᬕᬢ᭄ᬲᬵᬫ᭄ᬧᬸᬦ᭄ᬫᬲᭀᬳᭀᬃ᭞ᬢᭂᬦᬸᬗᬾᬲᬂᬲᬺᬧᬥᬦ᭞ᬧᬸᬦᬶᬓᬦᬾᬜᬦ᭄ᬥᬂᬧᬶᬦᬂ᭞᭠ᬕᭂᬦᬄᬦᬸᬦᬲᬂᬧᬂᬢᬸᬥᬸᬄ᭞ᬚᬦ᭄ᬢᭂᬦ᭄ᬳᬶᬭᬢᬸᬓᬲ᭄ᬯᬾᬘ᭄ᬙᬦ᭄᭚ᬲᬂᬯᬬᬾᬯᬓ᭄ᬗᬦ᭄ᬤᬶᬓᬵᬭᬶᬲ᭄᭞ᬦᬄ
ᬬᬦ᭄ᬓᬾᬢᭀᬳᬤᬶᬧᬢ᭄ᬬ᭞ᬩᭂᬮᬶᬜᬥ᭄ᬬᬦᬸᬳᬹᬃᬥᬦᬾ᭞ᬤᭂᬧᬂᬩᭂᬮᬶᬧᬤᬶᬤᬶᬳᬦ᭄᭞ᬩᬋᬂᬧᬘᬂᬫᬦᬸᬦᬲᬂ᭞ᬓᬰᬓ᭄ᬢ᭄ᬬᬦ᭄ᬜᬦᬾᬳᬶᬫᬸᬰᬸᬄ᭞ᬦᬾᬧᬘᬂᬳᬗ᭄ᬕᭀᬦ᭄ᬗᬮᬳᬂ᭚
Kaca:Bali-lontar-gaguritan-katak-300ppi.pdf/44
Kaca puniki sampun kauji-wacén
