Kaca:Bali-lontar-gaguritan-katak-300ppi.pdf/45

Kaca puniki sampun kauji-wacén

[᭔᭔ 44B]
᭔᭔
ᬦᬵᬗ᭄ᬳᬶᬂᬧᬢᬶᬄᬦᬾᬦᬾᬚᬦᬶ᭞ᬫᬚᬮᬦ᭄ᬢᬸᬮᬸᬗᬶᬦ᭄ᬳᬾᬗ᭄ᬕᬮ᭄᭞ᬧᬂᬲᬸᬩᬦᬦ᭄ᬢᭂᬮᬲ᭄ᬮᭀᬮᭀᬲ᭄᭞ᬧᬜ᭄ᬚᬓᬾᬧᬥᬧᬩᬺᬲᬢ᭄᭞ᬧᬶᬂᬓᬮᬶᬄᬬᬾᬦ᭄ᬓᬲᬾᬧᬦ᭄᭞ᬧᭂᬤᬲ᭄ᬫᬸᬰᬸᬳᬾᬫᬗᬯᬸᬕ᭄᭞
ᬢᭂᬓᬫᬳᬶᬫᬗᬺᬕᬄ᭚ᬓᬾᬯᭂᬄᬬᬦ᭄ᬳᬓᬾᬢᭀᬧᬢᬶᬄ᭞ᬓᬲᬾᬧ᭄ᬢᭀᬂᬫ᭄ᬩᬳᬦ᭄ᬫᬢᬶ᭠ᬗ᭄ᬓᬄ᭞ᬓᬮᬶᬄᬢᭀᬂᬧᬬᬸᬕᬯᬾᬦᬾ᭞ᬩᭂᬮᬶᬦᬾᬧᬘᬂᬫᬦᬯᬂ᭞ᬭᬶᬂᬥᬦᬾᬲᬂᬫᬢᬧ᭞ᬯᬶᬯᬾᬓ
ᬦᬾᬢ᭄ᬯᬭᬢᬸᬮᬸᬲ᭄᭞ᬳᬾᬗ᭄ᬕᬮᬦ᭄ᬫᬵᬫᬹᬓ᭄ᬳᬫᬹᬓᬦ᭄᭚ᬓᬶᬧᬢᬶᬄᬧᬸᬗ᭄ᬕᬯᬫᬦ᭄ᬢ᭄ᬭᬶ᭞ᬫᬳᬢᬹᬃᬲᭂᬫ᭄ᬩᬄᬲᬦ᭄ᬤᬶᬓ᭞ᬢᬦ᭄ᬤᬸᬫᬥᬾᬲᬫᬶᬮᬾᬗ᭄ᬲᬾᬃ᭞ᬲᬓᬾᬂᬳᬬᬸᬦ᭄ᬦᬾᬲᬂᬦᬵᬣ᭞ᬲᬓᬶᬂᬕᭂ᭠
ᬮᬶᬲᬶᬂᬘᬭᬶᬢ᭞ᬦᬾᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬓᬥᬯᬸᬄ᭞ᬫᬵᬦᬹᬢ᭄ᬧᬓᬬᬸᬦ᭄ᬲᬂᬦᬵᬣ᭚ᬓᬸᬮ᭄ᬓᬸᬮᬾᬩᬸᬮᬸᬲ᭄ᬫᬢᬶᬕ᭄ᬢᬶᬕ᭄᭞ᬧᬜ᭄ᬚᬓᬾᬢᭂᬓᬲᭂᬮᬸᬭᬦ᭄᭞ᬦ᭄ᬤᬍᬕ᭄ᬤᭂᬕ᭄ᬓᬤᬶᬳᭂᬫ᭄ᬩᬳᬾ᭞ᬢᭂᬓ
[᭔᭕ 45A]
ᬳᬸᬮᬶᬕᬸᬦᬸᬂᬳᬮᬲ᭄᭞ᬢ᭄ᬯᬭᬩᬓᬢ᭄ᬩᬵᬦ᭄ᬗᬯᬶᬮᬂ᭞ᬗᭂᬩᭂᬓᬶᬦ᭄ᬢᭂᬕᬮ᭄ᬫᬗᬸᬦ᭄ᬢᬸᬃ᭞ᬢ᭄ᬯᬭᬤᬫᭂᬦᬄᬢᬦᬄ᭚ᬲᬶᬬᬸᬯᬦ᭄ᬫᬓᭀᬢᬶᬓᭀᬢᬶ᭞ᬢᬹᬃᬲᬸᬩᬦᬫ᭄ᬧᬶᬧᬭᬾᬘ᭄ᬢᬄ᭞ᬲᬸᬩᬫᬩᬳᬶᬲᬶᬓᭂ
ᬧᬾ᭞ᬦᬾᬤᬸᬯᬂᬩᬕᬶᬫᬚᬮᬦ᭄᭞ᬦᬾᬢᭂᬮᬸᬂᬩᬕᬶᬚᬸᬫᬄ᭞ᬫᬗᭂᬫᬶᬢ᭄ᬮᬶᬗ᭄ᬕᬶᬄᬲᬂᬧ᭄ᬭᬪᬸ᭞ᬳᬓᬾᬢᭀᬚᬦᬶᬳᬸᬘᬧᬂ᭚ᬲᬶᬓᭂᬧᬾᬦᬾᬫᬫᬃᬕ᭄ᬕᬶ᭞ᬳᭂᬦ᭄ᬢᭀᬚᬦᬶᬘᬭᬶᬢᬬᬂ᭞ᬦᬾᬫᬦᭂᬗ᭄ᬕᭂᬓᬶ
ᬦ᭄ᬩᬭᬶᬲᬾ᭞ᬓᬶᬧᬢᬶᬄᬳᭀᬫ᭄ᬩᬓ᭄ᬲᬵᬕᬭ᭞ᬚᬫ᭄ᬩᭀᬢᬾᬳᬃᬬ᭄ᬬᬓᭀᬫᬮ᭞ᬥᭂᬫᬂᬧᬸᬦ᭄ᬤᬸᬢᬦ᭄ᬧᬸᬦᬶᬓᬸ᭞ᬓᬮᬶᬄᬮᬦ᭄ᬥᭂᬫᬂᬩᬩᬢᬂ᭚ᬧᬸᬦᬶᬓᬧᬶᬦᬓᬓᬧᬶᬢ᭄᭞ᬭᬶᬂᬳᬸᬕᬢ᭄ᬋᬓᬾ᭠
ᬧ᭄ᬭᬧᬸᬢ᭄ᬭ᭞ᬲᬳᬢᭂᬗᭂᬭᬦ᭄ᬓᬓᭀᬩᬾᬃ᭞ᬲᭀᬮᬳᬾᬓᬪᬶᬦᬪᬶᬦ᭞ᬫᬚᬮᬦ᭄ᬦᬸᬳᬸᬢ᭄ᬢᭂᬕᬮᬦ᭄᭞ᬲᬯᬂᬓᬤᬶᬳᬮᬸᬦ᭄ᬮᬯᬸᬢ᭄᭞ᬤᬶᬚᬮᬦ᭄ᬜᬦᬾᬗᭂᬜ᭄ᬘᬄ᭚ᬲᬸᬭᬓᬾᬫ