[᭔᭕ 45B]
᭔᭕
ᬯᬦ᭄ᬢᬶᬯᬦ᭄ᬢᬶ᭞ᬮᬶᬫ᭄ᬧᬤ᭄ᬭᬶᬂᬪᬹᬃᬪᬸᬯᬄᬰ᭄ᬯᬄ᭞ᬋᬫ᭄ᬋᬫ᭄ᬲᬂᬳ᭄ᬬᬂᬲᬹᬃᬬ᭄ᬬᬦᬾ᭞ᬫᬤᬸᬮᬸᬭᬦ᭄ᬳᬸᬚᬦ᭄ᬭᬵᬚ᭞ᬓᭂᬭᬸᬕ᭄ᬫᬤᬸᬮᬸᬭᬦ᭄ᬓᬶᬮᬧ᭄᭞ᬳᬗᬶᬦ᭄ᬫᬗᭂᬩᬸᬭᬂᬓᬬᬸ᭞ᬢᬹᬃᬕᬸᬫᬶᬦᬾᬳᬗ᭄ᬓᬩ᭄ᬳᬗ᭄ᬓᬩ᭄᭚ᬲᬬᬸᬯᬓ᭄ᬢᬶᬫ
ᬗᬺᬲ᭄ᬋᬲᬶᬦ᭄᭞ᬧᬸᬜᬦ᭄ᬓᬬᬸᬦᬾᬓᬩ᭄ᬭᬸᬯᬓ᭄᭞ᬧᬃᬬ᭄ᬬᬗᬦ᭄ᬤᬸᬳᬸᬃᬕᬸᬦᬸᬗᬾ᭞ᬫᬓᭂᬚᬂᬓᭀᬦ᭄ᬢᬮ᭄ᬫᬗ᭄ᬮᬬᬂ᭞ᬳᭀᬘᬓᬶᬓᬂᬲᬵᬫᬸᬤ᭄ᬭ᭞ᬳᭂᬩᬾᬦᬾᬤᬶᬧᬲᬶᬄᬫᬸᬯᬸᬕ᭄᭞ᬧᭂᬜᬸᬦᬾᬓᬫ᭄ᬧᬶᬄᬓᬥᬭᬢ᭄
᭚ᬓᬾᬢᭀᬧ᭄ᬭᬯᬾᬰᬦᬾᬓᬤᬶ᭞ᬧᬫᭂᬗ᭄ᬕᬄᬧᬢᬶᬄᬧᬃᬣᬶᬯ᭞ᬧᬘᬂᬫᬸᬦ᭄ᬢᬲᬂᬫᬸᬰᬸᬳᬾ᭞ᬕᭂᬮᬶᬲ᭄ᬫᬗ᭄ᬓᬶᬦ᭄ᬘᬭᬶᬢᬬᬂ᭞ᬭᬾᬄᬲᬸᬩᬧᬳᭂᬓ᭄ᬗᭂᬦᬄ᭞ᬫᬸᬰᬸᬳᬾᬫᭂᬂᬧᭂᬂᬫᬗᬫᬹᬓ᭄᭞ᬢᬸᬓᬾᬮᬮᬲᬦᬾ
ᬩᬸᬦ᭄ᬢᬲ᭄᭚ᬤᬶᬢᬸᬚᬦᬶᬕᬸᬲ᭄ᬢᬶᬧᬢᬶᬄ᭞ᬫᬲᬸᬭᬓ᭄ᬗᬶᬭᬲᬂᬧᬜ᭄ᬚᬓ᭄᭞ᬲᬸᬩᬫᬘᬫ᭄ᬧᬸᬄᬬᬸᬥᬦᬾ᭞ᬢᬹᬓᬓ᭄ᬮᬶᬧᬸᬂᬓᬶᬭᬶᬓᬦᬦ᭄᭞ᬳᬶᬓᭀᬗᭀᬲᬾᬧ᭄ᬫᬢᬶᬗ᭄ᬓᬄ᭞ᬋᬩᬄᬧᬜ᭄ᬚᬓ᭄ᬜᬦᬾᬮᬸᬮᬸ
[᭔᭖ 46A]
ᬲ᭄᭞ᬓᬓᭂᬫ᭄ᬩᬭᬶᬦ᭄ᬤᭂᬓ᭄ᬤᭂᬓ᭄ᬩᬸᬦ᭄ᬢᬲ᭄᭚ᬳᬃᬬ᭄ᬬᬓᭀᬗᭀᬤᬶᬢᬸᬲᭂᬗᬶᬢ᭄᭞ᬫᬗᬫᬹᬓ᭄ᬢ᭄ᬯᬭᬳᬸᬦ᭄ᬤᬸᬭᬦ᭄᭞ᬳᬶᬓᭀᬃᬧ᭄ᬨᬢ᭄ᬘᭀᬲ᭄ᬢᬫᬦᬳᬾ᭞ᬤᬾᬦᬶᬂᬧᭂᬤᬲ᭄ᬫᬗᬦ᭄ᬢᭂᬦᬂ᭞ᬧᬜ᭄ᬚᬓᬾᬮᭀᬂᬮᬶᬦᭀᬗ
ᬦ᭄᭞ᬲᬶᬲᬦᬶᬂᬫᬵᬢᬶᬫᬢᬢᬸ᭞ᬦᬾᬮᬸᬂᬦᬸᬓᬲᬄᬓᬲᬄ᭚ᬳᬶᬓᭀᬃᬧ᭄ᬨᬢ᭄ᬮᬦ᭄ᬢᬲ᭄ᬫᬮᬳᬶᬩ᭄᭞ᬗᬢᬸᬭᬂᬓᬧᬸᬭᬶᬦᬸᬗ᭄ᬓᬓ᭄᭞ᬕᭂᬮᬶᬲᬶᬂᬘᬭᬶᬢᬋᬓᭀ᭞ᬲᬸᬩᬧᬋᬓ᭄ᬓᬧᬸᬭ᭄ᬬᬦ᭄᭞ᬭᬶᬂᬳᬶᬤᬳᬕᬸᬂ
ᬫᬾᬢ᭄ᬭᬦ᭄᭞ᬢᭂᬮᬲᬦ᭄ᬲᬵᬫ᭄ᬧᬸᬦ᭄ᬓᬳᬢᬸᬃ᭞ᬢᬶᬗ᭄ᬓᬄᬓᬳᬸᬫ᭄ᬩᬸᬓᬦ᭄ᬬᬸᬥ᭚ᬲᬂᬦᬵᬣᬓ᭄ᬭᭀᬥᬫ᭄ᬬᬃᬱᬶ᭞ᬮᬦ᭄ᬢᬲ᭄ᬚᬦᬶᬗᬦ᭄ᬤᬶᬓᬬᬂ᭞ᬳᬶᬓᭀᬃᬧ᭄ᬨᬢ᭄ᬫᬦ᭄ᬢᭂᬕ᭄ᬓᬸᬮ᭄ᬓᬸᬮᬾ᭞ᬳᬶᬓᭀᬃᬧ᭄ᬨᬢ᭄ᬕᭂᬮᬶᬲ᭄ᬳᬸᬘᬧᬂ᭞ᬲᬸ
ᬩᬫᬦ᭄ᬢᭂᬕ᭄ᬢᭂᬗᭂᬭᬦ᭄᭞ᬩᬸᬮᬸᬲ᭄ᬧᬜ᭄ᬘᬓᬾᬧᬲᭂᬮᬸᬃ᭞ᬢᭂᬓᬫᬓᭀᬢᬶᬬᬸᬢᬳᬳᬦ᭄᭚ᬲᬳᬶᬲᬳᬶᬦ᭄ᬢᬓᬸᬤᬾᬲᬫᬶ᭞ᬫᬶᬯᬄᬲᬳᬶᬲᬶᬦ᭄ᬫᬦᬗ᭞ᬫᬲᭂᬮᬹᬃᬢᬓᭀᬦ᭄ᬢᬶᬦᬓᭀᬦ᭄᭞
Kaca:Bali-lontar-gaguritan-katak-300ppi.pdf/46
Kaca puniki sampun kauji-wacén
