[᭔᭖ 46B]
᭔᭖
ᬢᬢᬲ᭄ᬲᬸᬩᬓᬧᬶᬃᬥᬢ᭄ᬢ᭞ᬢᬶᬗ᭄ᬓᬳᬾᬗᭂᬦᭀᬢ᭄ᬬᬸᬥ᭞ᬕᬶᬭᬂᬬᬫᬲᬸᬭᬓ᭄ᬫᬸᬳᬸᬕ᭄᭞ᬗᬫ᭄ᬩᬶᬬᬃᬭᬶᬂᬚᬩᬾᬂᬩᬜ᭄ᬘᬶᬗᬄ᭚ᬳᬸᬘᬧᬦ᭄ᬳᬶᬕᬸᬲ᭄ᬢᬶᬧᬢᬶᬄ᭞ᬫᬶᬯᬄᬧ᭄ᬭᬫᬦ᭄ᬢ᭄ᬭᬶᬲᬫᬶᬬᬦ᭄᭞ᬫᬩ᭄ᬭᬶ
ᬬᬸᬓ᭄ᬳᬸᬫᬜ᭄ᬚᬶᬂᬚᭂᬭᭀ᭞ᬧᬘᬂᬦᬸᬦᬲ᭄ᬓᬰᬓ᭄ᬢᬶᬬᬦ᭄᭞ᬕᭂᬮᬶᬲ᭄ᬫᬗ᭄ᬓᬶᬦ᭄ᬳᬸᬘᬧᬂ᭞ᬭᬶᬂᬢ᭄ᬮᬕᬦᬾᬯᬸᬲ᭄ᬫᬦᭂᬗ᭄ᬓᬸᬂ᭞ᬫᬫᬸᬲ᭄ᬢᬶᬳᬗ᭄ᬕ᭄ᬭᬡᬲᬶᬓ᭚ᬫᬗᬺᬕᭂᬧ᭄ᬬᭀᬲᬵᬫᬥᬶ᭞ᬲᬸᬩᬕᬮᬶᬗ᭄ᬕᬤᬾᬯ
ᬢ᭞ᬤᬶᬢᬸᬤᬶᬲᬭᬶᬦ᭄ᬢᬸᬜ᭄ᬚᬸᬗᬾ᭞ᬤᬾᬦᬶᬂᬓᬢᬧᬦᬸᬕ᭄ᬭᬳ᭞ᬢᬸᬜ᭄ᬚᬸᬗᬾᬫᬗᬸᬭᬜᬩ᭄᭞ᬫᬓᭂᬩ᭄ᬬᬃᬯᬮᬸᬬᬲᬸᬮᬸᬄ᭞ᬲᬸᬭᬸᬧ᭄ᬭᬶᬂᬢᭀᬬᬦ᭄ᬢᬮᬕ᭚ᬦᬵᬣᬾᬂᬫᬾᬢ᭄ᬭᬦ᭄ᬲᬸᬓᬾᬂᬳ
ᬢᬶ᭞ᬫᬗ᭄ᬭᬭᬶᬲ᭄ᬥᬦᬾᬫᬲᬶᬭᬫ᭄᭞ᬤᬶᬢᬸᬤᬶᬬᬾᬄᬢᬮᬕᬦᬾ᭞ᬧ᭄ᬭᬚᬦᬶᬫᬢ᭄ᬭᬶᬢᬶᬓ᭄ᬭᬫ᭞ᬫᬲᬮᬶᬦ᭄ᬲᬶᬬᬸᬂᬥᬗᬲ᭄ᬢ᭄ᬭ᭞ᬗᬸᬮᬾᬮᬫ᭄ᬘᬬᬫᬓᭂᬧ᭄ᬬᬸᬃ᭞ᬗᬲᭀᬭᬂᬢᬢᬶᬢ᭄ᬮᬸᬫ
[᭔᭗ 47A]
ᬭᬧ᭄᭚ᬢᬶᬗ᭄ᬳᬮᬾᬢᬢᭂᬮᬸᬗᭂᬦ᭄ᬤᬶᬄ᭞ᬦᬾᬦᬾᬤᬶᬲᭂᬮᬦᬶᬂᬮᬮᬢ᭞ᬗᭀᬩᭀᬃᬗᬲᭀᬭᬂᬲᬹᬃᬬ᭄ᬬᬦᬾ᭞ᬫᬮᬶᬄᬘᭀᬓᭀᬃᬥᬦᬾᬧᬢ᭄ᬧᬢ᭄᭞ᬓᬸᬓᬸᬫᬗᬲᭀᬃᬕᬜ᭄ᬚᬶᬭᬦ᭄᭞ᬲᬶᬓ᭄ᬱᬓᬾᬫᬗᬲᭀᬃ
ᬢᬶᬬᬸᬓ᭄᭞ᬦᬾᬢᬚᭂᬧ᭄ᬲᬸᬳᬸᬤ᭄ᬫᬳᬲᬄ᭚ᬓᬾᬧᬾᬲᬾᬧᬜ᭄ᬚᬂᬮᬸᬯᬶᬃᬮᬫ᭄ᬧᬶᬢ᭄᭞ᬳᬸᬕᬢᬾᬩᬸᬦ᭄ᬢᭂᬃᬢᬹᬮᬸᬫ᭄ᬩᬸᬂ᭞ᬫᬮᬶᬄᬫᬲᬲᭀᬭᭀᬢ᭄ᬧᭀᬮᬾᬂ᭞ᬲᬗ᭄ᬕᬭᬾᬫᬗᬺᬲᬂᬫᬦᬄ᭞ᬤᬶᬫᬜ᭄ᬘᬸᬓ᭄
ᬧᬸᬢᬶᬄᬲᭂᬦ᭄ᬢᬓ᭄᭞ᬩᭂᬢᬾᬦ᭄ᬜᬦᬾᬕᬤᬂᬮᬸᬫ᭄ᬮᬸᬫ᭄᭞ᬫᬲᬲᭀᬭᭀᬢ᭄ᬲᭀᬭᭀᬢ᭄ᬩᬭᬓ᭄᭞᭚ᬳᬳᬾᬂᬯᬃᬡ᭄ᬦᬦ᭄ᬥᬦᬾᬓᬤᬶ᭞ᬯᬮᬸᬬᬭᬢᬸᬦᬶᬂᬬᬓ᭄ᬱ᭞ᬧᬸᬗ᭄ᬕᬯᬧᬢᬶᬄᬲᬓᬩᬾᬄ᭞ᬲᬸ᭠
ᬩᬧᬥᬫᬢ᭄ᬭᬶᬯᬶᬓ᭄ᬭᬫ᭞ᬜ᭄ᬘᬓᬾᬓᬓᭂᬢᬶᬲᬦ᭄᭞ᬧ᭄ᬭᬚᬦᬶᬋᬜ᭄ᬚᬂᬫᬚᬸᬚᬸᬓ᭄᭞ᬮᬶᬄᬢᬸᬫ᭄ᬩᬸᬄᬘᬮᬶᬂᬜᬜᬧ᭄᭚ᬕᬶᬭᬂᬬᬧᬥᬧᬚᭂᬭᬶᬢ᭄᭞ᬤᬾᬦᬶᬂᬗᭂᬮᬄᬘᬮᬶᬂᬜᬜ
Kaca:Bali-lontar-gaguritan-katak-300ppi.pdf/47
Kaca puniki sampun kauji-wacén
