[᭔᭗ 47B]
᭔᭗
ᬧ᭄᭞ᬳᬤᬓᬶᬜᬸᬓ᭄ᬓᬶᬜᬸᬓ᭄ᬯᭂᬯᭂᬄ᭞ᬤᬾᬦᬶᬂᬳᬶᬬᬫ᭄ᬭᬱᬮᬶᬓᬤ᭄᭞ᬲᬗ᭄ᬓᬦᬶᬂᬤᬤᬶᬜᭂᬩᬓ᭄᭞ᬳᬶᬲ᭄ᬭᬧᭂᬓ᭄ᬬᬤᬶᬦ᭄ᬓᬤᬾᬧᬸᬂ᭞ᬳᭂᬦ᭄ᬢᭀᬬᬧᬯᬄᬓᬫᬹᬮᬦ᭄᭚᭜᭚ᬧᬸᬄᬤᬹᬃᬫ᭄ᬫ᭚ᬘᬭᬶᬢᬬᬂᬯ
ᬤ᭄ᬯᬦ᭄ᬤᬦᬾᬦᬵᬣᬾᬂᬫᬾᬢ᭄ᬭᬦ᭄᭞ᬤᬾᬦᬶᬂᬲᬸᬩᬦᬾᬚᬦᬶ᭞ᬦᬫ᭄ᬧᬶᬤᬤᬯᬸᬳᬦ᭄᭞ᬢᬶᬗ᭄ᬓᬳᬾᬫᬗᬸᬦ᭄ᬬᬸᬥ᭞ᬳᬧᬂᬦᭀᬮᭀᬃᬫᬗᬫ᭄ᬩᬳᬶᬦ᭄᭞ᬢᬺᬚᬓ᭄ᬳᬗ᭄ᬲᭂᬳᬂ᭞ᬕᭂᬮᬃᬜᬦᬾᬳᬯᬸᬕᬶᬦ᭄᭚᭠
ᬲᬯᬸᬃᬫᬦᬸᬓ᭄ᬧᬜ᭄ᬚᬓᬾᬭᬭᬶᬲ᭄ᬫᬲᬹᬃᬬ᭄ᬬᬓ᭄᭞ᬓᬶᬧᬢᬶᬄᬮᬦ᭄ᬧ᭄ᬭᬫᬦ᭄ᬢ᭄ᬭᬶ᭞ᬧᬦᭂᬗ᭄ᬕᭂᬓᬶᬂᬯᬤ᭄ᬯᬗᬤᬸᬕ᭄ᬤᬕ᭄ᬳᬲᬺᬂᬳᬸᬦ᭄ᬢᬢ᭄᭞ᬫᬲᬹᬃᬬ᭄ᬬᬓ᭄ᬤᬸᬬᬸᬂᬫᬫᬸᬱ᭄ᬢᬶ᭞ᬲᭂᬫᬪᬾᬭᬵᬯ᭞ᬭᬹᬧᬦᬶᬭᬳᬜ᭄ᬚ᭄ᬭᬶᬳᬶᬦ᭄᭚
ᬫᬸᬗ᭄ᬕᬸᬳᬶᬢᬸᬕᬢ᭄ᬲᬂᬦᬵᬣᬮᬯᬦ᭄ᬧ᭄ᬭᬧᬸᬢ᭄ᬭ᭞ᬓᬶᬯᬢᬸᬮᬾᬧᬂᬓᬸᬦᬶᬂ᭞ᬲᬶᬓᭂᬧᬾᬲᬂᬦᬵᬣ᭞ᬗᬶᬗ᭄ᬓᬶᬲ᭄ᬫᬗᬩᬢᬫ᭄ᬬᬂ᭞ᬳᬗᬫᬸᬓ᭄ᬫᬸᬓ᭄ᬓᭂᬫᬶᬓ᭄ᬓᭂᬫᬶᬓ᭄᭞ᬢᬸᬗ᭄ᬕᭂᬂᬗ᭄ᬕᬶᬦᭂᬗᬂ᭞ᬩᬺᬕᭀᬮᬦ᭄ᬚᬫ᭄ᬩᬸᬮ᭄ᬓᬸᬦᬶᬂ
[᭔᭘ 48A]
᭚ᬳᬯᬶᬘᬭᬶᬢᬢᬶᬗ᭄ᬓᬄᬧᬜ᭄ᬚᬓᬾᬫᬚᬮᬦ᭄᭞ᬯᬃᬡ᭄ᬦᬦᭂᬦ᭄ᬦᬾᬚᬦᬶ᭞ᬧᬥᬫᬸᬗ᭄ᬕᬳᬶᬂᬤᬭᬢ᭄᭞ᬦ᭄ᬤᬍᬕ᭄ᬤᭂᬕ᭄ᬓᬤᬶᬳᭀᬫ᭄ᬩᬓ᭄᭞ᬫᬗᬾᬩᭂᬓᬶᬦ᭄ᬢᭂᬕᬮ᭄ᬘᬭᬶᬓ᭄᭞ᬳᬋᬡᬶᬓ᭄ᬗᬸᬭᬜᬩ᭄᭞ᬓᬲᬸ
ᬦ᭄ᬤᬭᬦ᭄ᬩᬵᬦ᭄ᬭᬯᬶ᭚ᬘᬭᬶᬢᬬᬂᬓᬶᬧᬢᬶᬄᬲᬸᬩᬦ᭄ᬤᬩ᭄ᬤᬩᬂ᭞ᬕᭂᬮᬃᬥᬦᬾᬦᬾᬩᭂᬘᬶᬓ᭄᭞᭠ᬫᬩᬸᬮᬦ᭄ᬢᬸᬫᬗ᭄ᬕᬮ᭄᭞ᬳᬶᬳᭀᬗ᭄ᬕᬃᬳᬶᬩᬩᬤᬲ᭄᭞ᬫᬓᬧᬸᬘᬸᬓ᭄ᬩᬶᬮᬂᬲᬫ᭄ᬧᬶᬂ᭞ᬧᬢᬶᬄᬧᬸᬗ᭄ᬕᬯ᭞ᬤᬶᬢᭂ
ᬗᬄᬫᬗᬸᬓᬸᬳᬶᬦ᭄᭚ᬲᬸᬭᬓ᭄ᬫᬸᬯᬸᬕ᭄ᬮᬶᬫ᭄ᬧᬤ᭄ᬭᬶᬂᬤᬶᬓ᭄ᬤᬰᬤᬾᬰ᭞ᬳᬸᬘᬧᭂᬦ᭄ᬦᬾᬦᬾᬚᬦᬶ᭞ᬲᬸᬩᬬᬫᬦᬶᬜ᭄ᬘᬧ᭄᭞ᬤᬶᬢᬸᬤᬶᬫᭀᬦ᭄ᬢᭀᬂᬢᬗᭂᬃ᭞ᬗᭂᬦᬄᬲᬶᬬᬢᬾᬦᬾᬚᬦᬶ᭞ᬫᬵᬫᬹᬓ᭄ᬳᬫᬹᬓ᭠
ᬦ᭄᭞ᬳᬃᬬ᭄ᬬᬓᭀᬗᭀᬓᬢᬶᬦ᭄ᬤᬶ᭚ᬭᬭᬶᬲ᭄ᬥᬦᬾᬧᬢᬶᬄᬮᬗ᭄ᬕᭀᬃᬗᬯᬗ᭄ᬲᬶᬢᬂ᭞ᬫᬗ᭄ᬮᬦ᭄ᬢᬭᬂᬗᭂᬫ᭄ᬩᬳᬶᬦ᭄᭞ᬫᬗ᭄ᬮᬶᬧᬸᬂᬗᬗ᭄ᬲᭂᬳᬂ᭞ᬮᬦ᭄ᬢᬲ᭄ᬚᬦᬶᬫᬲᬸᬭᬓ᭄᭞ᬓᬤᬶᬤᬤᬮᬸᬗᬩᬵ
Kaca:Bali-lontar-gaguritan-katak-300ppi.pdf/48
Kaca puniki sampun kauji-wacén
