[᭔᭘ 48B]
᭔᭘
ᬩᬶᬦ᭄᭞ᬫᬗᭂᬦᭀᬢ᭄ᬤᬫᬃ᭞ᬚᭂᬕ᭄ᬫᬗ᭄ᬮᬶᬧᬸᬂᬗᬶᬚᭂᬗᬶᬦ᭄᭚ᬫᬳᬸᬭᬸᬗᬦ᭄ᬲᬶᬬᬢᬾᬚᬦᬶᬳᬫᬹᬓ᭄ᬳᬫᬹᬓᬦ᭄᭞ᬧᬲᭂᬮᬸᬃᬲᬮᬶᬂᬳᬸᬩᭂᬭᬶᬦ᭄᭞ᬲᬸᬭᬓ᭄ᬲᬶᬦᬸᬭᬓᬦ᭄᭞ᬢᬦ᭄ᬳᬾᬢᬂᬢᬢᬸᬧᭂᬚᬄ᭞
ᬭᬫᬾᬬᬧᬲᬮᬶᬂᬧᬦ᭄ᬢᬶᬕ᭄᭞ᬧᬥᬧ᭄ᬭᬯᬶᬭ᭞ᬢᬦ᭄ᬧᬗᬾᬢᬂᬪᬬᬧᬢᬶ᭚ᬮᭀᬂᬮᬶᬦᭀᬗᬦ᭄ᬥᬦᬾᬲᬂᬯᬬᬾᬯᬓ᭄᭞ᬲᬶᬬᬸᬯᬦ᭄ᬦᬾᬦᬾᬫᬵᬢᬶ᭞ᬮᬾᬦ᭄ᬦᬾᬓᬩᬭᬦᬵᬦ᭄᭞ᬮᬦ᭄ᬢᬲ᭄ᬚ
ᬦᬶᬓᬶᬧᬢ᭄ᬬ᭞ᬳᭀᬫ᭄ᬩᬓ᭄ᬲᬵᬕᬭᬫᬓᬤᬶ᭞ᬤᭂᬫᬸᬂᬧᬸᬦ᭄ᬤᬸᬢᬦ᭄᭞ᬳᬃᬬ᭄ᬬᬓᭀᬫᬮᬲᭂᬗᬶᬢ᭄᭚ᬫᬧᬸᬮᬶᬳᬂᬫᬗᬫᬹᬓ᭄ᬲᬳᬵᬫ᭄ᬩᬮᬶᬓᬂ᭞ᬧᬜ᭄ᬚᬓᬾᬦᬾᬦᬾᬮᬶᬮᬶᬄ᭞ᬤᬶᬢᬸ
ᬩᬸᬯᬶᬦ᭄ᬫᬢᬶᬗ᭄ᬓᬄ᭞ᬫᬗ᭄ᬯᬗᬸᬦ᭄ᬩᬶᬬᬸᬳᬘᬓ᭄ᬭ᭞ᬲᬸᬩᬦᬾᬧᬸᬧᬸᬢ᭄ᬫᬧᬸᬮᬶᬄ᭞ᬧᬥᬲᬳᬲ᭞ᬢ᭄ᬯᬭᬤᬫᬗᬾᬫᬦ᭄ᬳᬸᬭᬶᬧ᭄᭚ᬳᭂᬦᭂᬗᬓᭂᬦᬲᬶᬬᬢᬾᬲᭂᬥᭂᬓ᭄ᬫᬸᬲᬸᬗᬦ᭄
[᭔᭙ 49A]
ᬘᬭᬶᬢᬬᬂᬦᬾᬚᬦᬶ᭞ᬲᬂᬦᬵᬣᬾᬂᬯᬬᬾᬯᬓ᭄᭞ᬲᬸᬩᬥᬦᬾᬜᬶᬤ᭄ᬥᬬᬂ᭞ᬫ᭄ᬩᬳᬦ᭄ᬧᬦᬸᬕ᭄ᬭᬳᬦ᭄ᬮᬸᬯᬶᬄ᭞ᬳᬗ᭄ᬕᭀᬦ᭄ᬫᬸᬦ᭄ᬢᬲᬂ᭞ᬳᬶᬫᬸᬰᬸᬄᬦᬾᬦᬾᬰᬓ᭄ᬢᬶ᭚ᬓᬤᬯᬸᬳᬶᬦ᭄ᬧᬜ᭄ᬚᬓᬾ
ᬓᬶᬦᬩᬾᬳᬦ᭄᭞ᬫᬗ᭄ᬥᬾᬦ᭄ᬜᬦᬾᬫᬗᬮᬶᬄ᭞ᬳᬓᬄᬢᬸᬩᬫᬦ᭄ᬥᬃ᭞ᬧᬂᬧᬥᬓᬓ᭠ᬮᬸᬗᬂ᭞ᬓᬮᬶᬄᬳᬗ᭄ᬕᭀᬦ᭄ᬫᬫ᭄ᬩᭀᬭᬾᬳᬶᬦ᭄᭞ᬧᬜ᭄ᬚᬓᬾᬲᬫ᭄ᬬᬦ᭄᭞ᬫᬳᬢᬹᬃᬲᭂᬫ᭄ᬩᬄᬲᬳᬶ
ᬭᬶᬂ᭚ᬲᬓᬶᬂᬕᭂᬮᬶᬲ᭄ᬦᬾᬦᬾᬫᬗ᭄ᬓᬶᬦ᭄ᬘᬭᬶᬢᬬᬂ᭞ᬧᬜ᭄ᬚᬓᬾᬦᬾᬫᬗᬮᬶᬄ᭞ᬲᬸᬩᬬᬫᬩᬳᬦ᭄᭞ᬢᬹᬃᬲᬸᬩᬓᬓᬮᬸᬗᬂ᭞ᬲᬸᬩᬫᬗᬫ᭄ᬩᬶᬮᬬᬃᬦᬾᬚᬦᬶ᭞ᬰᬪᬾᬂᬩᬜ᭄ᬘᬶᬗᬄ᭞ᬗᬦ᭄ᬢᬶ
ᬤᬶᬦᬯᬸᬳᬶᬂᬕᬸᬲ᭄ᬢᬶ᭚ᬲᬂᬯᬬᬾᬯᬓ᭄ᬦᬾᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬓᬯᭂᬤᬮ᭄᭞ᬲᬵᬫ᭄ᬧᬸᬦ᭄ᬥᬦᬾᬫᬓᭂᬡ᭄ᬥᬶᬢ᭄᭞ᬫᬓᬮᬸᬂᬩᬵᬦ᭄ᬳᬓᬄ᭞ᬭᬭᬶᬲ᭄ᬥᬦᬾᬗᬦ᭄ᬤᬶᬓ᭞ᬭᬶᬂᬲᬓ᭄ᬯᬾᬳᬶᬂᬢᬡ᭄ᬥ
Kaca:Bali-lontar-gaguritan-katak-300ppi.pdf/49
Kaca puniki sampun kauji-wacén
