[᭔᭙ 49B]
᭔᭙
ᬫᬦ᭄ᬢ᭄ᬭᬶ᭞ᬘᬳᬶᬤᬶᬗᭂᬳᬂ᭞ᬧᬶᬢᭂᬓᭂᬢ᭄ᬩᭂᬮᬶᬦᬾᬚᬦᬶ᭚ᬬᬾᬦᬶᬂᬲᬸᬩᬘᬳᬶᬫᬢᬗ᭄ᬓᭂᬧ᭄ᬫᬬᬸᬤ᭄ᬥ᭞ᬩ᭄ᬭᬶᬬᬸᬓᬂᬳᬚᬓ᭄ᬲᬫᬶ᭞ᬳᭂᬩᬄᬫᬧᬶᬧᬶᬚᬄ᭞ᬓᬾᬢᭀᬘᬳᬶᬳᬶᬗᭂᬢᬂ᭞ᬓᬮᬶᬄᬘᬳᬶ
ᬦᬾᬦᬾᬚᬦᬶ᭞ᬗᬢᬕ᭄ᬗᬾᬗ᭄ᬕᬮᬂ᭞ᬳᬶᬲᭂᬫᬸᬢ᭄ᬳᬧᬂᬫᬳᬶ᭚ᬫᬵᬢᬹᬃᬲᭂᬫ᭄ᬩᬄᬦᬾᬫᬗ᭄ᬓᬶᬦ᭄ᬲᬵ᭠ᬫ᭄ᬧᬸᬦ᭄ᬫᬚᬮᬦ᭄᭞ᬕᭂᬮᬶᬲ᭄ᬫᬗ᭄ᬓᬶᬦ᭄ᬯᬶᬦᬃᬡ᭄ᬦᬶ᭞ᬲᬸᬩᬚᬦᬶᬢᭂᬓ᭞ᬲᭂᬫᬸᬢᬾᬧᬓᭂᬢᬶᬬᬦ᭄᭞ᬬᬸᬢ
ᬪᬭᬬᬦ᭄ᬗᭂᬦ᭄ᬤᭂᬳᬶᬦ᭄᭞ᬭᬭᬶᬲ᭄ᬗᬦ᭄ᬤᬶᬓ᭞ᬥᬦᬾᬲᬂᬳᬮᬸᬓᬸᬦᬶᬂ᭚ᬳᬶᬩᬲᭂᬫᬸᬢ᭄ᬫᬸᬘᬸᬓᬶᬦ᭄ᬚᬦᬶᬫᬚᬮᬦ᭄᭞ᬳᬶᬓᭀᬗᭀᬳᭂᬦ᭄ᬢᭀᬳᬸᬗ᭄ᬲᬶ᭞ᬲᬶᬬᬢᬶᬦ᭄ᬲᬚᬬᬂ᭞ᬳᬶᬚᭂᬗᬶᬦ᭄ᬮᬦ᭄ᬢᬲ᭄ᬩᭂ
ᬜ᭄ᬘᬂ᭞ᬬᬾᬦ᭄ᬬᬫᬮᬳᬶᬩ᭄ᬳᬸᬩᭂᬭᬶᬦ᭄᭞ᬳᬯᬸᬕ᭄ᬮᬦ᭄ᬢᬲᬂ᭞ᬤᬶᬳ᭄ᬲᭀᬂᬜᬦᬾᬓᭂᬫ᭄ᬩᬭᬦ᭄᭞᭚ᬲᬶᬸᬗᬶᬸᬳᭂᬚᭀᬄᬳᬶᬲᭂᬫᬸᬢ᭄ᬚᬦᬶᬳᬸᬘᬧᬂ᭞ᬲᬂᬯᬶᬸ᭚ᬲᬯᬸᬃᬫᬦᬸᬓ᭄ᬳᬶᬲᭂᬫᬸᬢ᭄ᬮ᭠
[᭕᭐ 50A]
ᬯᬸᬢ᭄ᬫᬚᬮᬦ᭄᭞ᬦ᭄ᬤᬍᬕ᭄ᬤᭂᬕ᭄ᬦᬸᬯᬸᬢ᭄ᬘᬭᬶᬓ᭄᭞ᬢᬹᬃᬫᬕᬚᬄᬫᬶᬦ᭞ᬕᬶᬮᬶᬓ᭄ᬫᬳᬯᬓ᭄ᬮᬦ᭄ᬢᬂ᭞ᬯᬮᬸᬬᬓᬤᬶᬦᬦᬶᬧᬶ᭞ᬳᭂᬥᬾᬢᬹᬃᬮᬦ᭄ᬢᬂ᭞ᬫᬢᭂᬗ᭄ᬕᭂᬓ᭄ᬢᬹᬃᬫᬘᬮᬶᬂ᭚ᬲᬸᬩᬳᭂᬚᭀᬄᬳᬶᬲᭂᬫᬸᬢ᭄ᬚ
ᬦᬶᬳᬸᬘᬧᬂ᭞ᬲᬂᬯᬬᬾᬤᬓ᭄ᬦᬾᬫᬗ᭄ᬓᬶᬦ᭄᭞ᬥᬦᬾᬯᬸᬲ᭄ᬫᬫᬃᬕ᭄ᬕ᭞ᬓᬳᬶᬭᬶᬂᬫᬦ᭄ᬢ᭄ᬭᬶᬓᬢᬄ᭞ᬢ᭄ᬯᬭᬓᬳᬸᬘᬧ᭄ᬤᬶᬫᬃᬕ᭄ᬕᬶ᭞ᬲᬸᬩᬫᬦᬶᬜ᭄ᬘᬧ᭄᭞ᬕᭂᬦᬳᬾᬫᬗ᭄ᬯᬗᬸᬦ᭄ᬚᬸᬭᬶᬢ᭄᭚ᬤᬶᬢᬸᬚᬦᬶᬲᬶᬯ
ᬬᬾᬯᬓ᭄ᬫᬯᬶᬯᬾᬓ᭞ᬫᬗᬸᬢᬸᬲ᭄ᬫᬗ᭄ᬥᬾᬦ᭄ᬩᭂᬮᬶᬢ᭄᭞ᬳᭂᬦ᭄ᬢᭀᬦᬾᬫᬬᬸᬥ᭞ᬭᬭᬶ᭠ᬲ᭄ᬳᬃᬬ᭄ᬬᬓᭀᬫᬮ᭞ᬤᭂᬫᬂᬧᬸᬦ᭄ᬤᬸᬢᬦ᭄ᬫᬓᬵᬥᬶ᭞ᬫᬗ᭄ᬯᬶᬗ᭄ᬲᬶᬢᬂ᭞ᬧᬜ᭄ᬚᬓᬾᬫᬗ᭄ᬥᬾᬦ᭄ᬩᭂᬮᬶᬢ᭄᭞᭚
ᬲᬸᬩᬩᭂᬮᬶᬢ᭄ᬧᬜ᭄ᬚᬓᬾᬦᬾᬓᬳᬸᬩᭂᬭᬦ᭄᭞ᬲᬸᬩᬓᬲᬸᬦ᭄ᬤᬸᬮ᭄ᬕᭂᬮᬶᬲ᭄᭞ᬲᬂᬯᬬᬾᬯᬓ᭄ᬮᬦ᭄ᬢᬲ᭄᭞ᬫᬭᬦᬶᬦ᭄ᬳᬕᬸᬂᬫᬾᬢ᭄ᬭᬦ᭄᭞ᬲᬳᬧᬗᬦ᭄ᬤᬶᬓᬵᬦᬸᬤᬶᬂ᭞ᬇᬄᬳᬶ
Kaca:Bali-lontar-gaguritan-katak-300ppi.pdf/50
Kaca puniki sampun kauji-wacén
