Kaca:Bali-lontar-gaguritan-katak-300ppi.pdf/51

Kaca puniki sampun kauji-wacén

[᭕᭐ 50B]
᭕᭐
ᬩᬫᬾᬢ᭄ᬭᬦ᭄᭞ᬓᬮᬶᬦ᭄ᬢᬂᬘᭀᬭᬄᬜᬸᬮᬶᬕ᭄᭞᭚ᬦᬶᬲ᭄ᬢᬵᬥᬦᬶᬸᬫᬳᬸᬮᬶᬂᬳᬶᬮᬸᬮᬓᬸᬘᬶᬤ᭄ᬭ᭞ᬫᬫᭂᬢᭂᬂᬢᬦ᭄ᬧᬲᬸᬦ᭄ᬤᬶᬄ᭞ᬲᬗ᭄ᬓᬦ᭄ᬫᬜ᭄ᬚᬮᬦᬂ᭞ᬧᬵᬫ᭄ᬩᭂᬓᬦ᭄ᬧᬵᬧᬩᬗ᭄ᬕ᭞ᬦᬾᬚᬦᬶᬲᬶᬦᬄ
ᬫᬪᬸᬓ᭄ᬢᬶ᭞ᬇᬩᬗᬋᬧᬂ᭞ᬯᬶᬯᬾᬓᬤᬓᬶᬘᬸᬯᬶᬮ᭄᭚ᬓᬾᬢᭀᬧᬗᬦ᭄ᬤᬶᬓᬦ᭄ᬥᬦᬾᬲᬂᬯᬬᬾᬯᬓ᭄᭞ᬫᬢ᭄ᬩᬢ᭄ᬫᬗᬸᬫ᭄ᬩᬗᬶᬦ᭄᭞ᬦᬵᬣᬾᬂᬫᬾᬢ᭄ᬭᬦ᭄ᬮᬦ᭄ᬢᬲ᭄᭞ᬫᬲᬯᬸᬃᬥᬦᬾᬩ
ᬗ᭄ᬭᬲ᭄᭞ᬫᬓᭂᬋᬢ᭄ᬲᬫ᭄ᬩᬶᬮ᭄ᬫᬦᬸᬤᬶᬂ᭞ᬅᬄᬑᬄᬯᬬᬾᬯᬓ᭄᭞ᬢᬶᬢᬶᬲᬦ᭄ᬳᬸᬍᬤ᭄ᬩᬘᬶᬦ᭄᭚ᬲᬗ᭄ᬓᬦ᭄ᬮᭂᬢᬸᬄᬫᬗᬫᬄᬩᬗ᭄ᬓᬾᬩᭂᬋᬓᬦ᭄᭞ᬲᬗ᭄ᬓᬦᬶᬂᬤᬤᬶᬩᭂᬗᬶᬮ᭄᭞ᬢᬸᬫ᭄ᬩᬸᬄᬳᬢᬶᬘᭀ
ᬭᬄ᭞ᬘᬶᬤ᭄ᬭᬦᬸᬦ᭄ᬤᬾᬦ᭄ᬫᬗ᭄ᬭᬜ᭄ᬘᬩ᭄᭞ᬳᬶᬓᬢᬓ᭄ᬲᭂᬥᭂᬓ᭄ᬫᬮᬮᬶ᭞ᬳᬶᬩᬫᬳᬸᬢᬂ᭞ᬚᬦᬶᬩᬬᬄᬩᬳᬦ᭄ᬳᬸᬭᬶᬧ᭄᭚ᬓᬾᬢᭀᬲᬯᬸᬃᬲᬂᬫᬾᬢ᭄ᬭᬦ᭄ᬮᬦ᭄ᬢᬲ᭄ᬲᬳᬲ᭞ᬫᬜᬫ᭄ᬩ᭠
[᭕᭑ 51A]
ᬓ᭄ᬢᬃᬫᬗᬫ᭄ᬩᬶᬢ᭄᭞ᬲᬂᬯᬬᬾᬯᬓ᭄ᬳᭂᬩᬄ᭞ᬫᬳᬧᬶᬳᬧᬶᬧᭂᬚᬄ᭞ᬓᭂᬚᬢ᭄ᬓᭂᬚᭂᬢ᭄ᬫᬵᬢᬶᬫᬵᬢᬶ᭞ᬲᬂᬫᬾᬢ᭄ᬭᬦ᭄ᬮᬶᬬᬂ᭞ᬳᬶᬘ᭄ᬙᬫᬳᬸᬗ᭄ᬓᬮ᭄ᬳᬗ᭄ᬓᬶᬮ᭄᭚ᬐᬄᬳᬾᬄᬳᬾᬄᬳᬾᬄᬳᬶᬘ᭄ᬙᬦᬾᬲᬫ᭄ᬩᬶᬗᬦ᭄ᬤᬶ
ᬓ᭞ᬇᬄᬳᬶᬩᬳᬮᬸᬓᬸᬦᬶᬂ᭞ᬩᬲ᭄ᬮᭂᬩᬶᬳᬦ᭄ᬩᬗ᭄ᬕ᭞ᬫᬓᭂᬦᭂᬄᬫᬦᬦ᭄ᬥᬶᬗᬂ᭞ᬓᬰᬓ᭄ᬢᬶᬬᬦ᭄ᬢᭂᬓᬾᬦ᭄ᬓᬳᬶ᭞ᬳᬶᬓᬸᬢᬸᬦ᭄ᬢᬦᬄ᭞ᬤᬶᬓᬧᬦ᭄ᬳᬶᬩᬧᬸᬮᬶᬄ᭚ᬦᬾᬦᬾᬚᬦᬶᬳᬶᬩᬲᬸᬩᬦᬯᬸᬃᬳᬸ
ᬢᬂ᭞ᬩᬶᬦ᭄ᬓᬳᬶᬫᬲᬲᬗᬶ᭞ᬬᬾᬦᬶᬂᬳᬶᬩᬩᬗ᭄ᬓ᭞ᬓᬳᬶᬧᬘᬂᬫᬫᬓ᭄ᬧᬓ᭄᭞ᬢ᭄ᬯᬭᬫᬢᬸᬗᬂᬳᬩᭂᬤᬶᬓ᭄᭞ᬧᬂᬓᬦ᭄ᬢᬶᬢᭂᬮᬄ᭞ᬓᬳᬶᬗᬫᬄᬧᬤᬶᬤᬶ᭚ᬢᬦ᭄ᬲᬦ᭄ᬢᭀᬰᬳᬶᬳᬕᬸᬂᬢᭂ
ᬮᬲ᭄ᬧᭂᬕᬢ᭄᭞ᬲᬂᬦᬵᬣᬾᬂᬫᬾᬢ᭄ᬭᬦ᭄ᬮᬸᬫᬄ᭞ᬍᬗᭂᬄᬧᬮᬶᬳᬢᬾᬫᬩᬮᬶᬓ᭄᭞ᬳᭂᬳᭂᬲ᭄ᬩᬬᬸᬦᬾᬫᬗᭂᬧᬄ᭞ᬓᭂᬡ᭄ᬥᬶᬢᬾᬩᬳᬦ᭄ᬘᬮᬶᬂ᭞ᬢᭀᬦ᭄ᬤᬾᬦ᭄ᬢᭂᬮᬲ᭄ᬧᭂᬕᬢ᭄᭞ᬲᬂᬦᬵ