Kaca:Bali-lontar-gaguritan-katak-300ppi.pdf/52

Kaca puniki sampun kauji-wacén

[᭕᭑ 51B]
᭕᭑
ᬣᬾᬂᬫᬾᬢ᭄ᬭᬦ᭄ᬮᬸᬫᬄ᭚᭜᭚ᬳᬧᬸᬧᬸᬄᬕᬶᬦᬦ᭄ᬢᬶ᭚ᬳᭂᬫ᭄ᬩᬦ᭄ᬳᬶᬜᬧᬥᬕᭂᬧᬸ᭞ᬜᬕ᭄ᬚᬕᬶᬦ᭄ᬭᬳᬤᬾᬦ᭄ᬤᬾᬯᬶ᭞ᬓᬲᬯᬸᬧ᭄ᬮᬦ᭄ᬢᬲ᭄ᬓᬲᬸᬦ᭄ᬤᬂ᭞ᬳᬤᬦᬾᬗᬸᬯᬸᬢ᭄ᬫᬫᭂᬘᬶᬓ᭄᭞ᬳᬤᬦᬾᬗᭂᬗ᭄ᬓᬳᬶᬦ᭄ᬓᬃ
ᬡ᭄ᬦ᭞ᬲᬫ᭄ᬩᬶᬮ᭄ᬫᬵᬢᬹᬃᬲᬳᬳᭂᬮᬶᬂ᭚ᬳᬶᬗ᭄ᬕᬶᬄᬭᬢᬸᬲᬂᬤ᭄ᬬᬄᬳᬬᬸ᭞ᬳᬾᬮᬶᬗᬂᬲᬵᬫ᭄ᬧᬸᬦᬂᬮᬮᬶ᭞ᬘᬶᬗᬓ᭄ᬓᬳᬸᬮᬦᬾᬲᬫ᭄ᬬᬦ᭄᭞ᬦᬾᬚᬢᬶᬲᬸᬰ᭄ᬭᬸᬱᬩᬓ᭄ᬢᬶ᭞ᬬᬤᬶᬦ᭄ᬢᬸᬫᬸᬲ᭄ᬤᬤᭀᬲ᭄ᬩᬾᬮ᭞
ᬢᬶᬢ᭄ᬬᬂᬢ᭄ᬯᬲ᭄ᬗᬾᬫᬦ᭄ᬳᬸᬭᬶᬧ᭄᭚ᬓᬾᬯᬦ᭄ᬢᭂᬦ᭄ᬗᭂᬭᬶᬂᬳᬶᬭᬢᬸ᭞ᬍᬕᬢᬶᬢ᭄ᬬᬂᬫᬗᭂᬫᬲᬶᬦ᭄᭞ᬫᬜᭂᬩᬸᬭᬶᬦ᭄ᬳᬧᬶᬩᬂᬩᬂ᭞ᬫᬳᬢᬶᬲ᭄ᬯᬃᬕ᭄ᬕᬗᬶᬭᬶᬂᬕᬸᬲ᭄ᬢᬶ᭞ᬩᬾᬲᬸᬓ᭄ᬬᬦ᭄ᬢᬸᬭᬸᬦ᭄ᬓᬲᬸᬧᬢ᭄᭞ᬫᬗ᭄ᬥᬓ
ᬧᬗ᭄ᬕᬶᬄᬫᬕᬸᬲ᭄ᬢᬶ᭚ᬓᭀᬢᭀᬬᬗᭂᬮᬶᬂᬧᬕᭂᬭᬸᬂ᭞ᬫᬲᬫ᭄ᬩᬢᬦ᭄ᬗᬰᬶᬳᬰᬶᬄ᭞ᬲᬶᬕ᭄ᬲᬶᬕᬦ᭄ᬫᭂᬧᭂᬲ᭄ᬬᬾᬄᬫᬢ᭞ᬫᬗᭀᬘᭀᬓ᭄ᬲᬫ᭄ᬩᬶᬮ᭄ᬦᬗᬶᬦᬶᬦ᭄᭞ᬓᭀᬘᬧᬦ᭄ᬳᬶᬤᬾᬯᬶᬧᬸᬘᬂ᭞
[᭕᭒ 52A]
ᬲᬃᬬ᭄ᬬᬦᬾᬫᬗ᭄ᬓᬶᬦ᭄ᬩᬸᬫᬾᬮᬶᬂ᭚ᬦᬦᭂᬂᬩᭂᬗᭀᬂᬲᬗᭀᬋᬗᬸ᭞ᬘᬘᬶᬗᬓᬾᬮᬸᬭᬸᬫᬦᬶᬲ᭄᭞ᬧ᭄ᬭᬭᬳᬶᬦᬾᬓᬳᭂᬩᬸᬓᬦ᭄᭞ᬧᭂᬘᬓ᭄ᬫᬕᬸᬬᬂᬗᬸᬮᬶᬦ᭄ᬢᬶᬓ᭄᭞ᬓᬤᬶᬩᬸᬮᬦᬾᬫᬲᬯᬂ᭞
ᬓᬮᬶᬧᬸᬢ᭄ᬳᬫ᭄ᬩᬸᬩᬸᬢᬶᬧᬶᬲ᭄᭚᭜᭚ᬧᬸᬄᬤᬂᬤᬂ᭚ᬳᭂᬦᭂᬗᬓᭂᬦᬤᬾᬯᬶᬧᬸᬘᬂᬫᬗ᭄ᬓᬶᬦ᭄᭞ᬓᬘᬭᬶᬢ᭞ᬲᬗᬫᬗᬸᬦ᭄ᬢᬧ᭞ᬲᬂᬲᬺᬧᬥᬦᬋᬓᬾ᭞ᬤᬾᬦᬶᬂᬓᬤᬶᬩ᭄ᬬᬘᬓ᭄ᬱᬸ᭞ᬳᬯᬶ
ᬦᬦᬾᬫᬗ᭄ᬓᬶᬦᬫᬫᬃᬕ᭄ᬕᬶ᭞ᬫᬭᬦᬶᬦ᭄ᬤᬾᬯᬶᬧᬸᬘᬂ᭞ᬲᬥ᭄ᬬᬫᬧᬶᬢᬸᬳᬸ᭞ᬧᬳᬸᬗ᭄ᬕᬸᬳᬦ᭄ᬥᬦᬾ᭠ᬲᬂᬮᬷᬦ᭞ᬲᬭᬯᬸᬳᬾ᭞ᬭᬭᬶᬲ᭄ᬫᬗᬦ᭄ᬤᬶᬓᬵᬭᬶᬲ᭄᭞ᬥᬸᬄᬘᭂᬦᬶᬂᬧᬶᬬᬦᬓ᭄ᬩᬧ᭚ᬩᬧᬲᬥ᭄ᬬ
ᬢᭂᬓᬫᬧᬶᬳᬸᬦᬶᬂ᭞ᬳᬸᬗ᭄ᬕᬸᬳᬦ᭄ᬥᬦᬾ᭞ᬲᬂᬲᬾᬤᬭᬶᬂᬧᭂᬭᬂ᭞ᬤᬶᬢᬸᬤᬶᬲ᭄ᬯᬃᬕᬢᬋᬓᬾ᭞ᬥᬦᬾᬓᬳᬾᬫᬦ᭄ᬤᬶᬢᬸ᭞ᬓᬧᬶᬰᬭᬫᬦᬦ᭄ᬤᬸᬃᬲᬵᬭᬶ᭞ᬳᬦ᭄ᬢᬸᬓ᭄ᬪᬝᬭᬬᬫ᭞ᬦᬾ