Kaca:Bali-lontar-gaguritan-katak-300ppi.pdf/6

Kaca puniki sampun kauji-wacén

[᭕ 5B]
᭕
ᬧᬢᬶᬦ᭄᭟ᬤᬾᬦᬶᬂᬮᬘᬸᬭᬾᬓᬤᬤᬓ᭄᭞ᬢᬦ᭄ᬫᬶᬦᭂᬳᬓᬤᬮᬶᬄᬓᬳᬾᬭᬗᬦ᭄᭞ᬢᬦ᭄ᬧᬲᬗ᭄ᬓᬦ᭄ᬓᬤᬶᬢᬓ᭄ᬱᬸ᭞ᬚᭂᬕ᭄ᬗᭀᬫᬾᬮ᭄ᬫᬗ᭄ᬮᭂᬗ᭄ᬓᬭ᭞ᬫᬧᬶᬲᬥᬸᬫᬧᬶᬲᬓᬶᬢ᭄ᬓᭂᬦᬳᬦ᭄ᬢᬸ᭞ᬫᬗᬸᬜ᭄ᬘᬭᬂ
ᬕᬶᬸᬓᭂᬦᬶᬕᬸᬦ᭞ᬢᬶᬢ᭄ᬬᬂᬓᬤᬮᬶᬄᬗᬸᬦᬳᬶᬦ᭄᭟ᬕᬸᬭᬸᬳᬾᬮᬶᬂᬧᬶᬲᬦ᭄ᬢᬶᬢ᭄ᬬᬂ᭞ᬲᬓᬶᬂᬳᬮᬶᬢ᭄ᬢᭂᬫᭂᬲ᭄ᬭᬯᬸᬳᬶᬂᬫᬗ᭄ᬓᬶᬦ᭄᭞ᬤᬾᬭᬾᬂᬦᬳᭂᬦ᭄ᬓᬧᬶᬮᬸᬕ᭄᭞ᬭᬶᬂᬦᬾᬫᬫ᭄ᬩᭂᬓ᭄ᬤᬸᬃᬰᬶᬮ᭞ᬤᬾᬭᬾᬂᬦᬳᭂᬦ᭄ᬳᭂᬗᭂ
ᬩ᭄ᬭᬶᬂᬩᬭᭀᬂᬧᬦᬓᬸᬢ᭄᭞ᬤᬾᬭᬾᬂᬦᬳᭂᬦ᭄ᬧᬶᬲᬦ᭄ᬢᬶᬢ᭄ᬬᬂ᭞ᬳ᭄ᬗᭂᬩ᭄ᬭᬶᬂᬳᬶᬩᭂᬭᬸᬓ᭄ᬢᬓᬶᬮ᭄᭟ᬲᬗᭂᬢ᭄ᬢᬦ᭄ᬤ᭄ᬭᬸᬄᬧᬶᬲᬦ᭄ᬢᬶᬢ᭄ᬬᬂ᭞ᬢ᭄ᬯᬭᬢᬳᬸᬭᬶᬂᬤᬾᬯᬾᬓ᭄ᬓᭂᬲ᭄ᬓᭂᬲ᭄ᬕᬸᬤᬶᬕ᭄᭞ᬜᭂᬗ᭄ᬓᭂᬍᬧ᭄ᬗᬶᬧᬶᬮ᭄ᬤᬶᬢᭂ᭠
ᬫᬸᬓᬸ᭞ᬩᭂᬭᬕ᭄ᬗᬦ᭄ᬢᬶᬳᬜᬸᬤᬦ᭄᭞ᬯᬯᬸᬗ᭄ᬓᬶᬦ᭄ᬢᬸᬫ᭄ᬩᬸᬄᬩᬾᬢᬓ᭄ᬫᬧᬶᬩᬕᬸᬲ᭄᭞ᬳᬶᬍᬮᬲᬦ᭄ᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬕᬸᬭᬸᬳᬸᬦᬶᬂᬫᬸᬮᬤᭂᬓᬶᬮ᭄᭟ᬳᬦᬓᬾᬫᬵᬤᬦ᭄ᬳᬶᬓᬢᬓ᭄᭞
[᭖ 6A]
ᬕᬸᬭᬸᬳᬸᬦᬶᬂᬕᬸᬫᬦᬤᭂᬗ᭄ᬓᬶᬚᬳᬶᬮ᭄᭞ᬩᬶᬓᬲ᭄ᬳᬮᬳᬮᬶᬂᬳᬶᬮᬸ᭞ᬓ᭄ᬭᬡᬦᬶᬭᬸᬓᬕᭀᬩ᭞ᬗᬤᬸᬩᬶᬓᬲ᭄ᬢᬦᬶᬜᬦ᭄ᬤᬂᬢᬶᬫ᭄ᬧᬮ᭄ᬭᬸᬭᬸᬄ᭞ᬘᬸᬮᬸᬓ᭄ᬢᭂᬓᬾᬦ᭄ᬳᬦᬓ᭄ᬫᬮᬶᬄ᭞ᬢ᭄ᬯᬭᬩᬶᬲᬦᬳᬸᬢ᭄ᬢᬦ᭄ᬥᬶᬂ᭟
ᬓᬵᬮᬶᬄᬫᬩᬳᬦ᭄ᬗᬸᬤᬶᬬᬂ᭞ᬦᬶᬓᬮᬶᬧᭂᬲ᭄ᬯᬢᬭᬮᬶᬫᬰᬰᬶᬄ᭞ᬢᬸᬃᬫᬘᬾᬢᬶᬦᬶᬮᬸᬄᬮᬶᬦ᭄ᬥᬂ᭞ᬲᬢᬢᬓᬤᬬᬦᬂ᭞ᬧᬶᬦᬄᬩᭂᬭᬕ᭄ᬓᬳᬸᬤᬸᬄᬗᬮᬶᬄᬤᬤᬮᬸ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬜᬳᬬ
ᬳᬦ᭄᭞ᬗᬲ᭄ᬢᬧᬬᬂᬳᬯᬓ᭄ᬲᬳᬶ᭟ᬓᬲᬸᬯᬾᬦ᭄ᬢ᭄ᬯᬭᬜᬶᬤᬬᬂ᭞ᬯᭂᬢᬸᬚᭂᬗᬄᬤᬤᬓᬦ᭄ᬕᭂᬤᭂᬕ᭄ᬗᬶᬦ᭄ᬢᬶᬧ᭄᭞ᬦᬶᬓᬮᬶᬧᭂᬲ᭄ᬓᬤᬶᬳᬸᬤᬸᬄ᭞ᬧᭂᬲᬸᬦᬸᬚᬸᬫᬲ᭄ᬮᬶᬬᬳᬦ᭄᭞ᬢᬦ᭄ᬫᬶᬦᬳᭂᬦ᭄ᬲᭂᬮᬸ᭠
ᬦ᭄ᬓᬕᬾᬩᬾᬕ᭄ᬫᬗᬸᬮᬸᬦ᭄᭞ᬚᭂᬭᬢ᭄ᬚᭂᬭᬶᬢ᭄ᬓᬩ᭄ᬮᭂᬕᬦ᭄ᬤᬂ᭞ᬕᬾᬕᬾᬃᬳᬓᬾᬄᬫᬜᬕ᭄ᬚᬕᬶᬦ᭄᭟ᬓᬋᬩᬸᬢ᭄ᬮᬦ᭄ᬢᬲ᭄ᬓᬩᭂᬮᬲ᭄᭞ᬦᬾᬦᬾᬲᭂᬗᬶᬢ᭄ᬢᬶᬫ᭄ᬧᬮ᭄ᬜᬦᬾᬜᬕᬸᬭᬶᬦ᭄᭞ᬳᬶᬩᬮᬂ