[᭗ 7B]
᭗
ᬤᬬᬍᬗᬶᬢ᭄᭞ᬤᬾᬗ᭄ᬓᭂᬮᬧ᭄ᬤᬾᬗ᭄ᬓᭂᬍᬧ᭄ᬓᬧᬶᬲᬕ᭞ᬗᬶᬦ᭄ᬢᬶᬧ᭄ᬳᬸᬫᬄᬳᬦᬓ᭄ᬲᭂᬧᬶ᭞ᬳᬦᬓᬾᬩᬸᬓᬘᬳᬶ᭞ᬳᬸᬮᬶᬂᬳᬶᬮᬸᬩᬧᬢᬳᬸ᭞ᬬᬾᬦ᭄ᬢ᭄ᬯᬭᬫᬗᬸᬧᬬ᭞ᬢᭀᬂᬫᭂᬮᬸᬢᬶᬦ᭄ᬢ
ᬍᬗᬶᬲ᭄ᬧᬲᬶᬮ᭄᭞ᬦᬕᬶᬄᬕᬸᬕᬸ᭞ᬫᬦᬸᬄᬜᬶᬗ᭄ᬲᬾᬲᭀᬫᬄᬢᬶᬫ᭄ᬧᬮ᭄᭟ᬫᬓ᭠ᬫ᭄ᬩᬸᬮᬦ᭄ᬩᬳᬦ᭄ᬲᭀᬗᬄ᭞ᬳ᭄ᬢᬸᬄᬤᬗ᭄ᬓᬮᬾᬗᬩᬦᬶᬦ᭄᭞ᬚᬸᬯᬂᬓᬾᬯᬮᬫᬩᬳᬦ᭄᭞ᬫ
ᬗᬶᬲᬶᬦᬶᬦ᭄ᬮᭂᬕᬦ᭄ᬳᬢᬶ᭞ᬢ᭄ᬯᬭᬤᬩᬶᬱᬳᬶᬫ᭄ᬩᬶᬄ᭞ᬬᬤᬶᬦ᭄ᬫᬘᬗ᭄ᬓᭂᬮᬶᬂᬫᬳᬶᬫ᭄ᬧᬸᬲ᭄᭞ᬓᬚᭂᬓ᭄ᬚᭂᬓ᭄ᬩᬳᬦ᭄ᬢᬶᬫ᭄ᬧᬮ᭄᭞ᬇᬤᬸᬧᬾᬲᬢᭂᬗᬄᬫᬢᬶ᭞ᬫᬲᬶᬄᬳᭂᬦᬸ᭞ᬜᬮᬦᬂᬓᭂ
ᬦᭂᬄᬤᬸᬃᬰᬶᬮ᭟ᬓᬾᬢᭀᬫᬸᬜᬶᬦᬸᬳᬶᬑᬮᬲᬦ᭄᭞ᬫᬗ᭄ᬯᬂᬯᬂᬢᬸᬃᬫᬜᭂᬗᬳᬶᬦ᭄᭞ᬳᬶᬓᬢᬓ᭄ᬬᬩᬗᬸᬦ᭄ᬓ᭄ᬭᭀᬥ᭞ᬫᬩᬶᬦ᭄ᬥᭂᬃᬫᬓᬶᬋᬢ᭄ᬦᬸᬤᬶᬂ᭞ᬦᬾᬇᬩᬮᬳᬸᬦ᭄ᬕᬸᬫᬶ᭞
[᭘ 8A]
ᬍᬢᬸᬄᬇᬩᬦᬾᬓᬤᬸᬭᬸᬲ᭄᭞ᬧᬦ᭄ᬢᭂᬲ᭄ᬦᬾᬩᬸᬓᬇᬩ᭞ᬫᬫᬦ᭄ᬤᬸᬲᬶᬦ᭄ᬢᬳᬶᬦ᭄ᬲᬫ᭄ᬧᬶ᭞ᬓ᭄ᬭᬡᬍᬢᬸᬄ᭞ᬍᬓᬤ᭄ᬳᬸᬮᬶᬮᬸᬳᬸᬦ᭄ᬩᬂᬩᬂ᭟ᬳ᭄ᬤᬇᬩᬫᬢᭂᬫ᭄ᬧᬶᬮᬂ᭞ᬓᬧᬵᬢᬹᬢᬦ᭄ᬢᭂᬓᬾᬦ᭄ᬓᬳᬶ᭞
ᬫᬮᬶᬄᬢ᭄ᬯᬭᬓᬳᬶᬲᬸᬓ᭞ᬫᬦᭂᬫ᭄ᬧᬶᬮ᭄ᬢᭂᬓᬾᬦᬶᬂᬩᬘᬶᬦ᭄᭞ᬬᬤ᭄ᬬᬧᬶᬦ᭄ᬳᬶᬩᬲᬸᬕᬶᬄ᭞ᬓᬳᬶᬢ᭄ᬯᬭᬢᬳᬾᬦ᭄ᬜᬢᬸ᭞ᬬᬤ᭄ᬬᬧᬶᬦ᭄ᬳᬶᬩᬩᬶᬱ᭞ᬓᬭᬶᬳᬶᬢ᭄ᬯᬭᬫᬮᬚᬳᬶᬦ᭄᭞ᬬᬤᬶᬦ᭄ᬓᬲᬸ
ᬩ᭄᭞ᬓᬳᬶᬢ᭄ᬯᬭᬳᬗᭀᬩ᭄ᬧᬶᬲᬦ᭄᭟ᬬᬤ᭄ᬬᬧᬶᬦ᭄ᬳᬶᬩᬧᬸᬭᬸᬱ᭞ᬓᬳᬶᬢ᭄ᬯᬭᬫᬗᬶ᭠ᬭᬶᬳᬶᬦ᭄᭞ᬦᬄᬧᬶᬤᬦ᭄ᬚᬓᭂᬦᭂᬄᬳᬶᬩ᭞ᬳᬶᬩᬓᬗ᭄ᬕᭀᬦ᭄ᬜᬫᬶᬮᬶᬳᬶᬦ᭄᭞ᬦᬾᬚᬦᬶᬬᬤᬶ
ᬦ᭄ᬫᬦᬶ᭞ᬧᬶᬮᬶᬳᬶᬦ᭄ᬢᭀᬗᭀᬲ᭄ᬫᬧᬕᬸᬢ᭄᭞ᬤᬶᬕᬸᬦᬸᬂᬬᬤᬶᬦ᭄ᬤᬶᬚᬸᬭᬂ᭞ᬤᭂᬢᭂᬕᬮ᭄ᬬᬤᬶᬦ᭄ᬤᬶᬘᬭᬶᬓ᭄᭞ᬤᭀᬂᬫᬲᬳᬸᬢ᭄᭞ᬳᬧᬂᬓᬳᬶᬫᬤᬶᬗᭂᬳᬂ᭟ᬳᬓᬾᬢᭀᬫᬸᬜᬶᬦ᭄ᬳᬶ
Kaca:Bali-lontar-gaguritan-katak-300ppi.pdf/8
Kaca puniki sampun kauji-wacén
