[᭘ 8B]
᭘
ᬓᬢᬓ᭄᭞ᬫᬢ᭄ᬩᬢ᭄ᬲᬳᬫᬗᬸᬫ᭄ᬩᬗᬶᬦ᭄᭞ᬳᬶᬍᬮᬲᬦ᭄ᬗ᭄ᬭᬱᬚᭂᬗᬄ᭞ᬩᬗᬸᬦ᭄ᬫᬜᬕᬸᬃᬫᬢᬶᬦ᭄ᬥᬶᬄ᭞ᬳᬶᬓᬢᬓ᭄ᬲᬾᬩᭂᬢ᭄ᬦᬗ᭄ᬓᬶᬲ᭄᭞ᬫᬓᭂᬘᭀᬲ᭄ᬗᬶᬜ᭄ᬘᬂᬫᬩᬶᬮᬸᬓ᭄᭞ᬳᬶᬍᬮᬲᬦ᭄ᬗᬯᬶ
ᬯᬾᬓ᭞ᬫᬜᬶᬗ᭄ᬲᬾᬫᬜᬯᬸᬧ᭄ᬩᬢᬶᬲ᭄᭞ᬫᬕᭂᬍᬩᬸᬕ᭄᭞ᬳᬶᬓᬢᬓ᭄ᬳᭂᬩᬄᬦᬸᬗ᭄ᬓᬬ᭠ᬓ᭄᭟ᬲ᭄ᬬᭂᬂᬩ᭄ᬬᬸᬃᬫᬩ᭄ᬬᭀᬬᭀᬗᬦ᭄᭞ᬧᭂᬦ᭄ᬥᭂᬳᬦᬾᬲᬸᬩᬢᬶᬢᬶᬩ᭄᭞ᬫᬶᬮᬸᬗᭂᬮᬸᬤᬶᬦ᭄ᬳᬶᬓᬢ᭠
ᬓ᭄᭞ᬢ᭄ᬯᬭᬳᬤᬗᬯᬶᬭᬗᬶᬦ᭄᭞ᬳᬶᬓᬢᬓ᭄ᬜᭂᬮᬾᬳᬢᬶ᭞ᬲᬸᬩᬫᬢᭂᬕᬸᬮ᭄ᬫᬳᬶᬫ᭄ᬧᬸᬲ᭄ᬧᬗᬶᬤ᭄ᬲᬫ᭄ᬧᬶᬂᬘᬓᬗᬦ᭄᭞ᬫᬗ᭄ᬥᬾᬦ᭄ᬜᬦᬾᬢᬸᬮᬸᬲ᭄ᬫᬢᬶ᭞ᬢᬦ᭄ᬢᬸᬘᬧᬦ᭄᭞ᬢᬶᬗ᭄ᬓᬄᬜᬦᬾ
ᬳᬶᬍᬮᬲᬦ᭄᭟ᬳᬶᬓᬢᬓ᭄ᬚᬦᬶᬳᬸᬘᬧᬂ᭞ᬩᬸᬳᬶᬗᭂᬢ᭄ᬲᬕᬢ᭄ᬫᬢᬮᬶ᭞ᬢ᭄ᬯᬭᬤᬤᬶᬫᬓ᭄ᬮᬶᬲᬶᬓᬦ᭄᭞ᬮᬶᬫᬩᬢᬶᬲᬾᬫᬘᬗ᭄ᬓᭂᬮᬶᬂ᭞ᬤᬶᬢᬸᬮᬦ᭄ᬢᬲ᭄ᬫᬗᭂᬮᬶᬂ᭞ᬚᭂᬭᬢ᭄ᬚᭂᬭᬶᬢ᭄ᬦ
[᭙ 9A]
ᬕᬶᬄᬢᬸᬮᬸᬂ᭞ᬗᬢᬸᬚᬸᬯᬾᬦ᭄ᬢᭂᬫ᭄ᬫᭂᬦ᭄ᬢᬲ᭄᭞ᬳᬶᬓᬧ᭄ᬮᬾᬕᬦ᭄ᬲᭂᬤᭂᬓ᭄ᬯᭂᬗᬶ᭞ᬧᬺᬦᬄᬫᬦ᭄ᬢᬸ᭞ᬤᬶᬫᬶᬲᬦ᭄ᬳᬦ᭄ᬢᬸᬓ᭄ᬳᬶᬓᬢᬓ᭄᭟ᬤᬾᬦᬶᬂᬓᬾᬢᭀᬲᬸᬩᬧᭂᬤᬲ᭄ᬳᬶᬓᬧ᭄ᬮᬾᬕᬦ᭄ᬫᬫᬶᬭᬕᬶ᭞ᬢᬦ᭄ᬤ᭄ᬯ
ᬦᬾᬫᬗ᭄ᬓᬶᬦ᭄ᬫᬜᬩ᭄ᬲᬩ᭄᭞ᬩᬶᬮᬂᬲᭂᬫ᭄ᬧᬸᬢ᭄ᬓᬳᬶᬮᬶᬗᬶᬦ᭄᭞ᬲᬸᬩᬚᬦᬶᬓᬧᬗ᭄ᬕᬶᬄ᭞ᬳᬶᬓᬢᬓ᭄ᬗᭂᬦᬄᬫᬢᭂᬕᬸᬮ᭄᭞ᬢᬹᬃᬳᬯᬓ᭄ᬜᬦᬾᬩᭂᬜᬄ᭞ᬫᬢᬦ᭄ᬦᬾᬫᬗᭂᬫᬸᬕᭂᬢᬶᬄ᭞ᬫᬸᬜᬶᬕ᭠
ᬯᬸᬂ᭞ᬕᭀᬭᬳᬗ᭄ᬓᬶᬳᬦᬾᬲᬯᬢ᭄᭟ᬳᬶᬓᬧ᭄ᬮᬾᬕᬦ᭄ᬚᬦᬶᬳᬾᬗ᭄ᬕᬮ᭄᭞ᬗᬕᬳᬶᬦ᭄ᬫᬦᬲ᭄ᬢᬲ᭄ᬢᬮᬶ᭞ᬲᬸᬩᬦᬾᬓᭂᬮᬾᬲ᭄ᬓᬲᬸᬦ᭄ᬤᬂ᭞ᬳᬶᬓᬢᬓ᭄ᬲᬫ᭄ᬩᬶᬮ᭄ᬓᬚᭂᬭᬶᬢᬦ᭄᭞ᬩᬧᬩᬧᬤᭀᬂ
ᬫᬾᬮᬶᬂ᭞ᬢᬶᬢ᭄ᬬᬂᬳᬶᬓᬧ᭄ᬮᬾᬕᬦ᭄ᬭᬯᬸᬄ᭞ᬳᬶᬓᬢᬓ᭄ᬢᬦ᭄ᬕᬸᬮᬯᬢ᭄᭞ᬲᬗᭂᬢ᭄ᬳᭂᬗ᭄ᬲᬧ᭄ᬜᭂᬮᬾᬳᬢᬶ᭞ᬤᬤᬶᬕᭂᬮᬸ᭞ᬳᬶᬓᬧ᭄ᬮᬾᬕᬦ᭄ᬗ᭄ᬭᬱᬪᬬ᭟ᬲᬶᬲᬸᬕᭂᬧᬸᬳᬶᬓᬧ᭄ᬮᬾᬕᬦ᭄᭞
Kaca:Bali-lontar-gaguritan-katak-300ppi.pdf/9
Kaca puniki sampun kauji-wacén
